A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sconciài , vrb: isconciare* Definizione bogare de pare una cosa giai fata; nau de su tempus, cambiare, iscuncordare, fàere tempus légiu; nau de su corpus o de cosas de papare, immalaidare, fàere male; nau de sa fémina príngia, pèrdere su pipiu / s. unu pei, una camba = bogàresi unu pè, un'anca Sinonimi e contrari destrui, idarrocai, irfàghere, isciasciai, isciusciai, iscunsertare, sculai / istrumare | ctr. aconciai, adaretzai, agiustai, arragnare, fàchere Frasi su tempus ti at a sconciai sa bellesa, a stròcius piticus, finas a signai totu sa faci tua 2. mi parit ca apu biu una lampada de luxi: gei no s'at a sconciai su tempus! 3. cussu papai ti scònciat ◊ is piciochedhas de oi no acudint a si sconciai ca si ghetant a terra!

sconcidàdi , nf Definizione iscónciu, male a sa salude Sinonimi e contrari scónciu Frasi itzia Francisca no fiat istétia mai malàdia si no calencuna sconcidadi de pagu contu (G.Cadeddu).

scónciu , agt, nm: iscónciu* Definizione chi at tentu dannu, o fintzes su dannu etotu, nau mescamente de calecunu aparíciu o màchina chi no est prus funtzionandho bene; nau de gente, chi s'intendhet male, chi sentit calecuna neghe, calecunu male Sinonimi e contrari maladióngiu, scuncordau / dannu, guastu, iscunsertu, sconcidadi | ctr. acónciu, arràngiu Frasi depit castiai chi is canis e is cassadoris no fatzant scónciu in bíngia 2. immoi teneus sa piciochedha puru scòncia, sempri a gana mala! ◊ bai a su dotori, ca ses scónciu! ◊ seu scòncia e no potzu drommiri ◊ cudha puru est scòncia e no mi podit acumpangiai.

sconcoinài , vrb Definizione mòvere sa conca coment'e iscaviandho, prus che àteru po sonnu Sinonimi e contrari sconchiai, tzilibbecare, tzurumbecare Frasi sa fémina est citia, sécira, sconcoinat ca est ingannendidha su sonnu. Etimo srd.

sconcolàu , agt Definizione chi portat sa conca a su move move.

sconcollitài , vrb Definizione iscalaviare, ispigiolare sa pedhe comente si imbruconat, atumbandho a calecuna cosa tostada Etimo srd.

sconcorràda , nf Definizione su sconcorrai; cropu, atumbada de conca a calecunu logu, ma fintzes cropu giau a conca / s. de tronu = tronada, iscratzada, tzacarrada de tronu; s. de prantu = imbucada a prànghere Sinonimi e contrari sconcorru, scorrociada / iscaputzone, istuturrone Frasi apu tentu una sconcorrada in su corru ’e su portellitu de magasinu Etimo srd. Traduzioni Francese coup de tête Inglese butt (head) Spagnolo cabezazo Italiano capata Tedesco Stoß mit dem Kopf.

sconcorrài , vrb Definizione fèrrere, atumbare sa conca a calecunu logu, iscúdere a conca / sconcorrau = nau de ccn., isconchedhadu, pagu giustu de conca, chi faet aconcadas Sinonimi e contrari scorrociai Etimo srd.

sconcórru , nm Definizione su sconcorrai Sinonimi e contrari sconcorrada, tzumbada Frasi in miniera est unu sconcorru de ritmus lentus e ritmus furiosus Etimo srd.

scóncu , nm Definizione ispiga de laore (prus che àteru trigu) chentza canna nudha chi si ndhe bodhit de terra ispigandho, isconcadura de laore Frasi candu si cerriànt a ispigai, a mesapai, su sconcu is meris dhu donànt a nosu.

sconcuài , vrb Definizione foedhandho de laores chi faent s'ispiga, segare sa cabitza, a isconcadura Etimo srd.

sconfusionài , vrb Definizione betare apare, cunfúndhere o ammeschiare totu, pònnere a tréulu Sinonimi e contrari abbolotai, atrobodhare, batagugliare, streulai, trabojare Etimo srd.

scongiobài , vrb: iscongiuai*, scongiuai Definizione betare abbasanta cun s'ispergiadore, beneíghere (fintzes po badramentu o sanamentu de male) Sinonimi e contrari babbiscare, ischingiolare, ispanzolare, ispergiare Frasi Arega de candu est partiu Ninnedhu no est prus cussa: stau ca mi at a tocai a dha scongiobai! Traduzioni Francese asperger Inglese to sprinkle Spagnolo rociar, asperjar Italiano aspèrgere Tedesco mit Weihwasser besprengen.

scongióriu , nm Definizione ispergiadore, s'aina chi impreat su preide po pigare e betare s'abbasanta Sinonimi e contrari aspersóriu, babbiscadore, isopu 2, ispanzola 1, scongiuaroi Frasi at pigau su scongióriu, sícia e cungiali e nc'est essiu Etimo srd.

scongiuài scongiobài

scongiuaròi , nm: iscongiuladore* Sinonimi e contrari aspersóriu, isopu 2, ispanzola 1, ispergiadore, scongióriu, spongióriu.

scongiuàu , pps, agt Definizione de scongiuai; babbiscau, chi dhi ant ispergiau abbasanta Sinonimi e contrari ispanzoladu Traduzioni Francese aspergé Inglese sprinkled Spagnolo hisopear Italiano aspèrso Tedesco besprengt

scongiuntài , vrb Definizione segare, istacare, istesiare duas cosas aciuntas, duos arremos Sinonimi e contrari innànghere, irgiànghere, iscrobare | ctr. aciuntai, agiànghere Etimo srd. Traduzioni Francese disjoindre, séparer Inglese to separate Spagnolo desunir Italiano disgiùngere Tedesco trennen.

scongiuntàu , pps Definizione de scongiuntai Sinonimi e contrari irjantu, iscrobau.

sconnósciu , agt: isconnóschidu* Definizione chi no si ammentat de su bene chi dhi ant fatu, chi tratat sa gente coment'e chi no dhi apat fatu bene essendho chi si dh'at fatu Sinonimi e contrari disaggradéssiu, discannotu, malebortzedidu Traduzioni Francese ingrat Inglese ungrateful Spagnolo ingrato Italiano ingrato Tedesco undankbar.