A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

sivinàre sifinàre

sixàntu sigiàntu

sixiliànu sitziliànu

sizérru , agt: suzerru Definizione nau de unu po sa manera de fàere, chi no foedhat, no iscóviat, poderat su segretu; chi giaet sa cosa a míndhigu, arrestigu / a s. = a sízigu, a istrintu Sinonimi e contrari mudurcu / segretu | ctr. contaredhu, iscoviadori, lendharzu, pidànciu Frasi si est tantu rica como chi est sizerra, mezus si la podiant cultivare!… 2. sa berrita li falat in conca a sizerru Etimo srd.

sizídu, sízidu , pps, agt Definizione de sizire; nau de cosa, chi est a istrintu, sidhia, intrada a fortza Sinonimi e contrari afissu, calcu, sízigu 2. sa gianna est restada sizida 3. dentes sízidas, afissas ◊ pamentas sizidas de trovozu.

sizigliàre sigillài

sizígliu sigígliu

sízigu , agt Definizione chi est a istrintu, intrau a fortza / a s. = in afissu, astrintu, intradu apare bene sidhidu de no lassare colare nudha, de no si che mòere; fintzas de acordu, cuncordu Sinonimi e contrari afissu, sidhidu, sizu Frasi su tapu tupat bene si intrat a sízigu ◊ cust'ampulla est mala a istupare ca su tapu est intradu a sízigu Etimo srd. Traduzioni Francese serré Inglese tight Spagnolo estrecho Italiano strétto, serrato Tedesco eng, gedrängt.

sizillàdu sigillàu

sizillàre sigillài

sizíllu sigígliu

sizíre , vrb Definizione tupare, serrare bene, a sízigu, de no passare nudha, acostire duas cosas chi torrant giustas apare; andhare o pònnere acanta, andhare aifatu, fintzes sighire Sinonimi e contrari serrai, sibbiai / acoltziare, acostai / imbasare, incasciae | ctr. illascare / issuzire Frasi sos ojos mios, a s'abbàscia abbàscia, sonnidos, ant finidu de si sizire 2. su pastore no lassat sizire sos grodhes a su masone ◊ si sizit a sa gianna de s'amigu e li falant sas làgrimas ◊ Mariànzela andhat a sizire s'orija a s'istampa de sa giae pro intèndhere cudhos arrejonendhe ◊ ti sizis e mi das unu basu! ◊ camminandhe, su fizu che at sizidu su babbu ◊ sa roda de su tempus ti at siziu! ◊ su tempus sizit a totus Etimo srd. Traduzioni Francese cacheter Inglese to seal Spagnolo cerrar herméticamente Italiano sigillare Tedesco versiegeln.

sízu , nm Definizione su èssere in istrintu, intrau apare bene sidhiu / pònnere o intrare una cosa a sizu = a sízigu, bene istrinta; sizu che… = sceti, petzi Sinonimi e contrari sidhu, sízigu Frasi custas vestes sunt tropu a sizu 2. a Preíderu Antoni lu cheriant bene totu, sizu cudhos chi si fint imbrutados de calchi pecadu malu ◊ s'ebba fit sana fintzas a bidha, ma intrendhe in domo agiummai no mi ndhe betat dae cadhu, ca non la bido sizu che isterrijada, morta! Etimo srd. Traduzioni Francese jonction Inglese tallying Spagnolo encaje, adherencia Italiano combaciaménto, aderènza Tedesco Aufeinanderpassen, Zusammenhängen.

slacanài , vrb: illacanare* Definizione passare is làcanas, essire fora de is làcanas.

slampiàda , nf Definizione abbaidada lestra, una lampada Sinonimi e contrari abbaidada, allampada, castiada Etimo srd.

slangiài , vrb: illangiare* Definizione essire, fàere làngiu, istrígile Sinonimi e contrari apedhuncare, irromasire, isminunchire, istincare, scalaxiri, slangiri | ctr. ingrassai.

slangíri , vrb: illangiri* Definizione essire làngiu Sinonimi e contrari apedhuncare, illangiare, irromasire, isminunchire, istincare, scalaxiri | ctr. ingrassai Frasi at a èssiri sa stanchesa, ma est unu pagu slangia.

slargadúra , nf Sinonimi e contrari illargadura*.

slargài , vrb: illalgare* Definizione fàere o essire prus largu Sinonimi e contrari | ctr. astrínghere, acurtziare Traduzioni Francese élargir Inglese to widen Spagnolo dilatar, ensanchar Italiano slargare, dilatare Tedesco erweitern, sich erweitern.

slargaméntu , nm: illargamentu* Sinonimi e contrari illargadura.