A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

solighédhu , nm Definizione min. de sole: pagu, chi caentat pagu coment'e in ierru o in dies malas, ma fintzes, segundhu comente si narat, sole forte, a meda Frasi custu solighedhu caente piaghet abberu! ◊ solighedhu su chi at fatu ocannu, sichendhe totu!

soligiànu silugiànu

solinài , vrb Definizione niare, frocare a fine a fine, fàere frochitedha pitica, solla Sinonimi e contrari abioligae, frocedhai, ranzolare, sarighedhai, sollocai Etimo srd.

solínga , nf, nm: solingu Definizione su chi si narat o chi si faet mescamente a unu pipiu ammostandhodhi amore, delicadesa, pigandhodhu in bonas chentza dh'iscontroriare Sinonimi e contrari abbréngulu, carigna, fiaca, frandhigu, imbímbinu, losinga*, marieta Frasi si is solingus ti fàinti dormiri, in palcu c'est puru callencuna spina! (Urru)

solingài, solingàre , vrb Definizione pigare a frandhigos Sinonimi e contrari allosingai* Frasi su preitzosu bollit puntu e no solingau ◊ sa lumera amica mi solingat in sos seros (P.Boy)◊ sos batulinos si acúrtziant ca cherent a los solingare Traduzioni Francese caresser Inglese to caress Spagnolo acariciar Italiano accarezzare Tedesco streicheln.

solingiànu silugiànu

solíngu solínga

solintàntu soletànte

solionàxu, solionàzu , nm Definizione genia de linna chi faet a tupighedha, faet cambos e mescamente pigionatzos noos deretos e creschet meda erriu erriu, ma si prantat puru, po bellesa (ca si càrrigat de frore a tempus meda) Sinonimi e contrari aliandru, lannaxi, leonaghe, neulache*, olionaxu, olivandru Terminologia scientifica mt, Nerium oleander.

sòliri sòlere

sólis , avb Definizione de solis = de passei suu, de ditu suo, a solu, solu solu Sinonimi e contrari soletante Frasi no solis de mi ndh'àere dadu isse, de cosa, ndhe li apo dadu deo!

solísciu , agt Definizione andae, èssere a sa solíscia = a sa sola.

solitària, solitàriu , nf, nm: sulitaju, sulitàriu Definizione mérula de turre, genia de pigione chi assimbígiat a su turdu, niedhu, faet su niu fintzes in istampos mannos in is muros de is domos a oros de fora de sa bidha, costumat a istare a sa sola Frasi solitàriu, fui: sa bidha no est logu de puzones! Terminologia scientifica pzn, monticola solitarius Traduzioni Francese merle bleu Inglese blue rock thrush Spagnolo roquero solitario Italiano pàssero solitàrio Tedesco Blaudrossel.

solitàriu , agt Definizione nau isceti de una genia de greme, assinuncas si narat méngius a solu, a sa sola, solu solu Frasi seis sempri ingurtendi, pareis brèmini solitàriu, o intruxus torrendi arrivesa! Etimo itl. solitario.

sólitu , agt Definizione cussu de sèmpere, cussu chi si acostumat a pònnere, a fàere, e àteru Etimo itl. solito.

sóliu , nm Definizione genia de umbraghe fatu a sa bona cun telos.

soliúru , nm Definizione is figuras chi si faent in su tessíngiu (animales, frores, e àteru).

solivaghèsa , nf Definizione su andhare o èssere a solu Sinonimi e contrari assolia, soledade, solesa Frasi aintru m'intendu solu… pagu cosa si pensu a sa solivaghesa tua, candu, ispudau de una parti de su mundu, ti ses agatau istérriu in sa 'linna' aundi Ti ant ammarturiau (E.Collu).

solivrinàre , vrb: assolovrinare, solovrinare, soluvrinare Definizione fàere o torrare cosa tostada a brodu, a lícuida, a fortza de fogu o, segundhu, fintzes solu cun su caente (es. nie, butiru, chera); fàere a orrugos, guastare, pistare, pònnere a tréulu Sinonimi e contrari ifàghere, iscagiae, sciolli, sòlbere, solobrare / arrogai, chimentare, fragassare 2. si càpitat un'àtera bia chi faghes cussa ti solóvrino sos ossos! ◊ su rú li at solovrinadu sa cara e iscorrioladu sos bestires Etimo srd. Traduzioni Francese dissoudre, se désintégrer Inglese to dissolve, to disintegrate Spagnolo disolver, desintegrar Italiano dissòlvere, disintegrarsi Tedesco auflösen, sich zersetzen.

sòlla , nf Definizione pigighedhu de cosa pitichedhedha e fine, mescamente de pódhine; froca comente calat a orrugos lados cantu s'unga / s. de pódhini = una de is partes prus fines de su pódhine; s. de nue = nuighedha bianca Sinonimi e contrari atiza, cadassa, crosta, freadu, itzolla, muga, pagiagoda, tizola, tògia* / abighíngiu, arritzu 1, brutura, fioca, grisu 1, rena, renza, tadhàine / ispiàtzulu 2. is paperis che solla si apatant in su pamentu (F.I.Congiu) Cognomi e Proverbi smb: Solla Traduzioni Francese grain, fragment, flocon de neige Inglese speck, snowflake Spagnolo pizca, copo de nieve Italiano brùscolo, fiòcco di néve Tedesco Körnchen, Schneeflocke.