stroghillài , vrb Definizione ispodhicare o iscapiare cosa betada apare, troboia, nau fintzes in su sensu de ispiegare Sinonimi e contrari isòlbere / ispiegae | ctr. imbogiare, trabojare, trebedhai, troghillai 2. iscínt intzertintzertas trobedhaus meda chi mancu sa Reinedha arrenescit a dhus stroghillai (F.Carlini) Etimo srd.
strógu , nm Definizione orrugu de cosa po firmare is peis in su fassone, po fàere fortza cicios manigiandho is remos Sinonimi e contrari piada Terminologia scientifica pscd.
stroistròi , avb Definizione andai s. = che illumbados, topi topi, tzopiandho Frasi si ndi fut pesau strudiu e ndi fut essiu stroistroi.
strolabbiàu , agt Definizione chi est a bisura de istrolobbu, de isciolóriu Frasi nci funt cosas strolabbiadas puru.
strolicài , vrb: istroligare*, strollicai, strolligai, strolocai, strologai Definizione foedhare credendho a is astros, a intzertu, cricare de intzertare su benidore, foedhare a s'afaiu, nàrrere istrolichéntzias, isciolórios, perrerias: si narat fintzes in su sensu de fàere sa conca a brodu a unu naendhodhi cosa chi giaet ifadu, chi no praghet, no si bolet Sinonimi e contrari astrolicare, ilbarionare, illeriare, iscassoletare, istralobbiare, sciolloriai, sfasolai, stenteriai Frasi narat sa paristória ca sa lóriga sarda in dónnia pibioni strologat unu fillu de cresci…◊ gei s'at a èssi strollicau puru, predichendi!…◊ no mi stròllighis meda, diacussu bis ita ti fatzu! ◊ no mi strolochis sa conca!
strólicu , agt, nm: istrólicu*,
stróllicu,
stróligu,
strólogu Definizione
chi o chie faet istrolichéntzias, isciolórios, cosighedhas no tanti giustas, unu pagu istranas
Sinonimi e contrari
arratzosu,
astrólicu,
giólvinu,
illeriadu,
istrambóticu,
sciàpidu,
stavellau,
strambecu
Frasi
stróllicu est chi ses: no as a bolli nai ca is findeus funt lègius! ◊ strollichedhu ses: tanti funt abbituaus dógnia dí a su regalu!…
Traduzioni
Francese
bizarre
Inglese
eccentric
Spagnolo
extraño,
estrafalario
Italiano
strano,
stravagante
Tedesco
seltsam,
extravagant.
stroligàu , pps, agt: strologau Definizione de stroligai Sinonimi e contrari astrólicu, strollocau / cdh. strulacatu 2. seu totu strologau.
stróligu strólicu
strollicài strolicài
stróllicu strólicu
strolligài strolicài
strollocàu , agt Definizione istronau, cun sa conca a brodu a fortza de intèndhere burdellu, cosas chentza cabu Sinonimi e contrari atambainadu, atolondrau, isantalau Frasi cudhu piciocu fiat unu pagu strollocau po curpa de una barrina o machiori Etimo srd.
strollondài stolondrài
strolocài, strologài strolicài
strologàu stroligàu
strólogu strólicu
strombillistrómbilli , avb: istrombulistrómbula*, strombulistrómbuli Definizione andai s. = a su tàmbula tàmbula, tòntona tòntona Sinonimi e contrari scionchidhisciónchidhi Frasi est totu istontonau, camminat strombillistrómbilli.
strombuladúra , nf Definizione nau de manera de andhare, a strómbulus, a s'istòntona istòntona Frasi ispintus, iscambillaus e ispartzinaus, andànt a strombuladura (R.Spissu) Etimo srd.
strombulistrómbuli strombillistrómbilli
strómbulu , nm Definizione istontonada, móvia coment'e orruendho / andai strómbulus strómbulus = a s'istòntona istòntona, che imbriagos Frasi no arrennèsciu a abarrai istrantaxu! - iat nau cumentzendu a pràngiri, totu a strómbulus a strómbulus ◊ cudhu est benendi strómbulus strómbulus, cun d-unu sacu de farra a codhu Etimo srd.