A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

strumbonàda , nf Sinonimi e contrari irfogonada Frasi dhui at unu farrogu de totus is tiaus… una strumbonada de fogu!

strúmbu , nm: istrumbu*, strúmbulu, strummu, strumu, strúmulu Definizione genia de fuste cun sa punta o ispina de ferru a púnghere is boes / tocai de strúmbulu = púnghere a puntorzu Sinonimi e contrari frúmbulu, puntógliu, spinada, strubbu Frasi su strummu mi intzutzullit ◊ arrósciu de su strúmbulu de su meri, su molenti at apuntau is peis e at carcinau ◊ su strumbu in punta portat s'aciou po pungi 2. sa scialema de is annus chi floressint si at a fai strumbu de is dis brebèscias chi no as a podi cardampulai (E.Collu) Terminologia scientifica ans Traduzioni Francese aiguillon Inglese goad Spagnolo aguijada Italiano pùngolo Tedesco Stachel.

strúmbu 1 , nm: strúmbulu 1 Definizione genia de tzintzigorru mannu de mare; genia de pische mannu Terminologia scientifica crx, psc Etimo itl. strombo.

strumbuàda , nf: strumbuara, strumbulada Definizione cropu, istichia de istrúmbulu; cosa chi si narat a forte, a unu, po dhu fàere mòvere po calecunu bisóngiu Sinonimi e contrari ispuntorzada Frasi dèu dh'apu giai arrósciu: dhi donu una strumbuada de calincuna cosa! ◊ chi mi acostu, cussu mi donat una strumbuara de travúciu! Etimo srd.

strumbuài , vrb: istrumulare*, strumbulai, strumbulari, strumulai Definizione tocare de istrúmbulu, pigare a istichias de istrúmbulu, a cropos; tratare de mala manera a unu, atzitzare Sinonimi e contrari apuntolzare, ispuntogliare Frasi strumbuladhu, su bòi! 2. strumbuladhu a fillu tuu, si bollis chi trebballit! Traduzioni Francese aiguillonner Inglese to goad Spagnolo aguijar Italiano pungolare Tedesco stacheln.

strumbuàra, strumbulàda strumbuàda

strumbulài, strumbulàri strumbuài

strumbullàra , nf Definizione su strumbullai Frasi sa strumbullara de dogna motori sicu unu puntori ti fait calai! Etimo srd.

strúmbulu strúmbu

strúmbulu 1 strúmbu 1

struméntu , nm: istrumentu* Definizione documentu púbblicu chi faet su notàriu inue si narat a chie apartenet unu bene; css. aina, aparíciu, machinàriu po fàere ccn. cosa Sinonimi e contrari atu, paperi / aparéciu, machinàriu Frasi andaus anch'e su notaju e fadeus su strumentu ◊ cussu moi de terra chi ndi dh'ant liau no si dhu bolint pagai ca nanca no tenit su strumentu.

strumíngiu , nm: istrumíngiu*, strumóngiu Definizione su ndhe fàere su fedu chentza cumpriu, su fedu etotu naschiu mortu; cosa lègia, fea, fata male, chentza acabbare Sinonimi e contrari agurtidura, agurtinzu, antíngiu, istrumadura.

strumiolàda , nf Definizione su strumiolare, fintzes briga Sinonimi e contrari abbruncu, bria, certu, ispórchidu Etimo srd.

strumiolàre , vrb Definizione bogare a fora, fàere fuire Sinonimi e contrari afuetai, istrumulare Etimo srd.

strummài strumài

strúmmu strúmbu

strumóngiu strumíngiu

strúmpa , nf: istrumpa* Definizione genia de gherra chi si faet, prus che àteru a giogu o po balentia, aferrandhosi s'unu cun s'àteru a chintzu a bratzos fadhios e cricandho de betare s'àteru a terra: binchet chie, po fortza o po abbistesa, faet orrúere s’àteru / giogai o pigaisí a strumpas = giogare, gherrare a istrampadas Sinonimi e contrari chintada, istrampada.

strumpàda , nf: istrampada* Definizione su strumpai, betada e orruta a terra Sinonimi e contrari isdobbinada, strumpadura.

strumpadúra , nf Definizione su strumpai, su betare o fàere orrúere a terra Sinonimi e contrari isdobbinada, strumpada Etimo srd. Traduzioni Francese terrassement, renversement Inglese fall Spagnolo derribo Italiano atterraménto Tedesco Niederreißen.