A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

tocarédhu , agt, nm Definizione nau de ccn., chi acostumat a tocare, cricandho, tocandho cosas chi no dh'important, betandho is manos apitzu de s'àteru (pruschetotu a fémina) Sinonimi e contrari fangoteri, fragnóculu, fruscinedhu, mintirotu, tochedhoni Terminologia scientifica ntl Etimo srd.

tocatocafúste tocafúste

tocàu tocàdu

tocàu 1 , nm Definizione ispétzia de berrita o iscófia Terminologia scientifica bst Etimo spn. tocado.

tochedhadòrgia , nf Definizione pigione chi istampat is truncos buidos po si fàere su niu Sinonimi e contrari atacadolza, bicamata, pertunghemuru, pítau, pitigone, tacadoza, tocafuste Terminologia scientifica pzn Etimo srd.

tochedhadúra , nf Definizione su tochedhare Sinonimi e contrari corpedhadura Etimo srd.

tochedhài , vrb Definizione istare a su toca toca Sinonimi e contrari tocai Etimo srd.

tochedhàre , vrb: tzochedhai Definizione fàere tzàcurru acropandho, tocandho a iscudidura: si narat meda de su coro candho trebballat cun isfortzu e lestresa, e fintzes de unu dolore candho si sentit coment'e a puntas Sinonimi e contrari ammartedhai / dubbussare, dumbulare, picare 2, sacai, tochitae, trochedhare, tzacarrai, tzocai Frasi s'intendhet unu tochedhendhe a bistrale, seghendhe linna 2. mi est tochedhendhe custu pódhighe segadu: signale chi mi devet martzire Etimo srd. Traduzioni Francese battre, taper Inglese to hammer, to throb Spagnolo latir Italiano bàttere, pulsare Tedesco schlagen.

tochedhàu , pps, agt Definizione de tochedhare; coment'e agt. nau de ccn., chi est pretocau, tocau a conca.

tochédhidu , nm: tochedhu, tzochedhu Definizione su tochedhare, su cropu, su tzàcurru chi s'intendhet candho s'iscudet cosa, sa bàtida de su coru, sonu chi si arrepitit fatuvatu a tempos totus oguales; genia de bàtidu chi faet inue si portat ccn. dolore Sinonimi e contrari tochedhonzu / atzàpidu, bàtida, bàtima, itzochédhidu, tàbbida / cdh. pichedhu Frasi fit cun su coro a tochedhos ◊ sos duos secapetreris lavoranne puru inie a puntu de matzeta ’e oro… e mi paret de intènnere su tochedhu intro ’e su coro (P.Dui)◊ birbúdhios e tochedhos de coro currillant in sa mente ◊ sunt giaos sos tochedhos de su male ◊ apo intesu tochedhu de bistrale: cussu est zente faghindhe linna Etimo srd. Traduzioni Francese battement, martèlement Inglese hammering, pulsation Spagnolo golpeteo, latido Italiano bàttito, pulsazióne, martellaménto Tedesco Schlag, Pulsation.

tochedhòni , agt, nm Sinonimi e contrari fangoteri, fragnóculu, fruscinedhu, mintirotu, tocaredhu.

tochedhónzu , nm Definizione su tochedhare Sinonimi e contrari bussu 3, tochédhidu Frasi s'intendhiat unu tochedhonzu pressosu a su portale Etimo srd.

tochédhu tochédhidu

tóchidu , nm Definizione sonu, sonada de campanas, tochedhu / zúghere unu dolore a tóchidos = a tochedhos, a puntas Sinonimi e contrari tocu Frasi e atochidadu ant sos úrtimos ninnados morindhe in sa serina tóchidos de campana (S.Baldino)◊ est a tóchidos de coro pro s'isposa Etimo srd.

tochiméntu , nm Definizione su tocare su coro, s'ànimu de unu; cosa (es. dannu) chi tocat su coro, chi faet pentzare e cussentire de si currègere Sinonimi e contrari tocamentu* Frasi deldiciados, custa disaura est tochimentu contr'a sas culpas e pecados nostros! ◊ custu est tochimentu chi fossis nos movet totu a peneténtzia.

tochitàe, tochitài , vrb Definizione fàere tochitus, giare cropos piticos, ma fintzes aprapudhare / tochitae de fuste = in cobertantza, surrai Sinonimi e contrari tochedhare / ammanucai, aplopodhare Frasi su mischinu aturat tochitendu, ma su portoni no si oberit Etimo srd.

tochítu , nm Definizione tocu piticu, fatu abbellu, pagu Sinonimi e contrari tochixedhu.

tochixédhu , nm Definizione tocu minore, fatu abbellu, pagu (in cobertantza, meda, longu, forte) Sinonimi e contrari tochitu.

tóciu , agt Sinonimi e contrari babordu, billella, bovatzu, brabballu, bucamindotu, scimprotu, tontassu Etimo ctl., spn. totxo, tocho.

tócu , nm: togu Definizione su tocai; sa capacidade de sapire e connòschere sa cosa tocandhodha; tzàcurru o sonu de acropadura; mescamente sonada, sonu de campana; fintzes bículu, crantu, orrugu / min. tochitu, tochedhu Sinonimi e contrari tocada, tocamentu / apalpu / corpedhu, tochedhu / addópiu, arrapicu, asséchiu, lassa 1 / tancu Modi di dire csn: tocos de manu = genia de saludu, itl. strette di mano; andhare a togu = a s'apàrpidu, a su toca toca che a chie no bidet; su t. de reapare = de fèrrere apare, de si ndhe pesare e dare tentu, su chi faghent in crésia avertindhe sa zente chi est essindhe su preíderu pro nàrrere sa missa; su t. de s'agonia = tocu in chenàbura santa pro ammentu de sa morte de Cristos; intrai unu t. a ccn. = sonare s'ispiru pro calicunu; no ndi bòlliri duus tocus de… = chèrrerendhe s'iscusa pro…, fàghere carchi cosa apenas chi si tenet pagu pagu sa manera, no istare a si lu fagher nàrrere duas bortas; pigai, portai o pònniri a unu a t. = leàrelu in ziru, fàgherelu a befe, a birgonza, dàreli a subra a boghes; èssere totu a t. de… = a fortza de…; leare a unu a t. de pedra = a corpos de pedra; segau a tochedhus = fatu a cantos, a bículos; fàchere su t. (zoghendhe)= ischitire, tirai a sorti po biri a chini tocat a fai una parti me is giogus, tra cumpàngius; ge dhi est in tocus!… = est arrennegadu meda Frasi sa síndria cota si connoscit a tocu ◊ sa cosa mancai no dha bia dh'agatu a tocu 2. intè, ant tocau s'enna abbellu abbellu: tocu de pòburu, po no nd'iscidai is canis drommius! ◊ candu s'intendiat su tochitu aberiaus s'enna 3. sa campana sonat sos tocos de sa fremmaria ◊ is campanas fiant sonendi is primus tocus ◊ pro sa missa faghet tres tocos ◊ soneit su tocu de s'ispiru ◊ ant intrau unu tocu: iscieis e chini est su mortu? ◊ su noti de Missa de pudhus si fait unu tocu meda prus longu e bellu: su tocu de centu (A.Garau) 4. sa cosa como est totu a tocu de dinari! ◊ dh'at arrespostu a tocu de frore, in poesia ◊ est a tocu de pelea pro balanzare duos sodhos ◊ cussa no ndi at bólliu mancu duus tocus e si ndi est pesada che una píbera ◊ a su sirboni dhu portant is canis a tocu ◊ andhe pedra de tocu sa chi ses! ◊ piciocus, no seu beniu a innòi po èssi postu a tocu! ◊ fatuvatu poniat a tocu is cumpàngius e si ndi arriiat ◊ pro ischire a chie tocaiat a fàchere sa faina amus dépiu fàchere su tocu Cognomi e Proverbi smb: Toccu Etimo srd. Traduzioni Francese coup, tintement Inglese touch, toll Spagnolo toque Italiano tócco, rintócco Tedesco Berührung, Schlag.