A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

anchimànnu , agt Sinònimos e contràrios anchilarzu, anchilongu Terminologia iscientìfica zncr Ètimu srd.

anchína , nf, nm: anchinu 1 Definitzione genia de tela de cotone de colore grogànciu Sinònimos e contràrios lanchè Terminologia iscientìfica ts Ètimu itl. anchina.

anchína 1 achína

anchintròtza , agt Definitzione nau de ccn., chi portat is cambas fatas a trotza, troboias, totu trotas Sinònimos e contràrios anchidródhinu Terminologia iscientìfica zcrn Ètimu srd.

anchínu , agt Definitzione chi portat is cambas fines Frases est istriziledha e anchina chi paret una crabola Terminologia iscientìfica zcrn.

anchínu 1 anchína

anchionàda , nf: anconada Definitzione cropu de camba (anca), genia de movimentu de sa camba camminandho chi assimbígiat a su de sa frache Sinònimos e contràrios anchiada, immarratzada, incambionada Ètimu srd.

anchíscia , nf: anchixa Definitzione denti de béciu, de bècia, basoledhu atzudu, genia de erba chi faet a cambu longu in terra o fintzes a in artu e faet su granu coment'e una faighedha atzuda, bona po su bestiàmene ma, in tempus de apretu, fintzes po sa gente (a ndhe papare prus de unu tanti faet male, est toscosa, abbussotat sa bentre) Sinònimos e contràrios faisedha, fravaria, inchisa, nasedhu, pisedhu, písiri, pisuvà, tresatzas Terminologia iscientìfica lrs, Lathyrus sativus Ètimu ctl. guixa.

anchíta anchèta 1

anchítu , nm Definitzione ómine chi portat is cambas curtzas.

anchivràchinu , agt Definitzione nau de ccn., chi portat is cambas trotas coment'e una frache, chi est a cambas de frache furistera (nau po comente betat su passu camminandho) Sinònimos e contràrios anchifarchioninu, cambivràchinu / cdh. anchifàlcinu Terminologia iscientìfica zcrn Ètimu srd.

anchíxa anchíscia

anciài alciàre

ancianàre , vrb: ansianae, ansianare, antzianai, antzianare Definitzione essire antzianos, imbeciare Sinònimos e contràrios assenecare, imbeciai, imbedustire | ctr. apitzinnare, impisedhire, ingiovanèssiri Frases su rei fiat antzianendi ◊ antzianannne, babbu naraiat prus "travàgliu" chi no "lavoru" fossis creinne chi fit italianu Ètimu srd.

anciànu , agt, nm: (an-ci-a-nu) ansianu, antzianu Definitzione chi o chie est intrau in tempus, chi che tenet annos meda Sinònimos e contràrios béciu, mannu | ctr. giòvanu, pisedhu 2. is ansianus bolint agiudu! ◊ un'ansianu comente faeis a nci dhu trangulai a logu gasi atesu? Ètimu itl. Tradutziones Frantzesu âgé Ingresu old (man) Ispagnolu anciano, viejo Italianu anziano Tedescu betagt, Alte.

ancidadòa , nf Definitzione palita po aconciare o murigare su fogu Sinònimos e contràrios ancidadore, giradoa, tiradore, ziradore Terminologia iscientìfica ans Ètimu srd.

ancidadòre , nm Definitzione genia de chicaju po aconciare o murigare su fogu Sinònimos e contràrios ancidadoa, giradoa, tiradore, ziradore / achicajola Frases atzitzari su fogu cun s'ancidadore Terminologia iscientìfica ans.

ancionàre , vrb Definitzione pònnere in d-unu cugigone Sinònimos e contràrios acantonai, achizolare, arreconai, inchizolare / acoconare, acuculiare, aculigionai Ètimu srd.

anciòne , nm Definitzione tretu piticu a una parte, unu pagu cuau Sinònimos e contràrios angrone, arranconi, chizolu, chizone, coda 1, crucuzone Ètimu crsn.

ancionídu , agt: anciunidu Definitzione nau de ccn., chi tenet su male fínicu, indebbilitau o débbile meda Sinònimos e contràrios aciacadu Frases su cadhu lu giughiat unu pitzinnu muconosu, anciunidu, iscurtzu e iscabidhadu Tradutziones Frantzesu cachectique Ingresu cachectic Ispagnolu caquéctico Italianu cachèttico Tedescu kachektisch.