A | B | C | D | E | F | G | H | I | J | L | M | N | O | P | R | S | T | TZ | U | V | X | Z

andhadíssu , nm Definitzione parte de sa domo de inue s'intrat a is aposentos Sinònimos e contràrios curridore, passadissu, passadora Frases li arribbabant dae s'andhadissu sos passos de Mariànzela Terminologia iscientìfica dmo Ètimu srd.

andhadòre andadòri

andhadórzu , nm Definitzione logu inue si passat, fatu po camminare, pruschetotu in su sartu Sinònimos e contràrios caminu, mòri Ètimu srd.

andhadúra andadúra

andhàe andài

andhaéni , nm, agt: andhalibeni, andhalieni, andhalueni, andharieni, annalebbeni Definitzione andha e beni, su istare andhandho e torrandho; genia de braxeredhu po abbruxare timanza in is funtziones de crésia; chi faet unu movimentu a s’andha e torra, chi po comente est postu tenet pagu firmesa, in tàntaris, est a su tzàntziga tzàntziga, fintzes de unu logu a s'àteru Sinònimos e contràrios andhalidorra, andhetorra / turredha / bandhuleri, zirellu Frases est faendo s'andhaeni ◊ in totu custu annalebbeni de sa tzente carchiunu si nche príschiat carchi cosa ◊ in istiu comintzat s’andharieni de sos furisteris 3. sos carabbineris sunt andhalienis Ètimu srd. Tradutziones Frantzesu va-et-vient Ingresu coming and going Ispagnolu ir y venir, vaivén Italianu andirivièni Tedescu Hin- und Hergelaufe.

andhàghine, andhàina, andhàine , nf Definitzione in is terras prenas a laore, tretu lassau po passare in mesu de is tulas; órdine de bide in bíngia; tanti de terrenu sestau po dhu trebballare; logu inue si passat, peale, tretu in paris a manu de fundhu in d-unu terrenu in costera; s'andhata, su andhare; sa filera de sa gente andhandho, cosa lassada o posta a filera / s'a. de sa paza = s'ormina de sa paza, sinnale de comente ant coladu (e pérdidu o lassadu) paza Sinònimos e contràrios andàniu, andhera / peale, tenta, tula Frases tzapendhe resessiat a cumprire s'andhàina de sa binza prima de sos àteros ◊ as marrau a barvacana in s'andhàine de sa cussorja 2. mi so coglindhe s'olia in s'andhàina mia 3. como s'andhàina est cussa, totu faghent gai ◊ in coana si bidiat un'anca a su treme treme dae s'andhàina de su carru ◊ como s'andhàina de su traballu est cumintzada in prenu ◊ leant in cussideru s'andhàina de sos úrtimos annos 4. cadaunu colet in s'andhàina sua, cun sa màchina!◊ sigindhe s'andhàghine prugherosa mi so aviau cara a bidha 5. su giàganu majore fit a cabu de s'andhàina de sa zente tuchendhe a sa festa ◊ s'andhàina si est arressa ◊ teniat un'andhàina de fizos ◊ sas crabas colendhe ant lassadu s'andhàina de sa ladhàriga.

andhajólu , agt, nm Definitzione nau de unu pipiu, chi camminat o ischit a camminare a solu, at iscapau a pei; genia de trastu ue si ponet su pipiu imparandho a camminare Sinònimos e contràrios andarinu, girotinu Frases cussa est fémina chi su chíndhalu, sa naspa e su fusu los at tratados dai andhajola Ètimu srd. Tradutziones Frantzesu chariot d'enfant Ingresu walker (baby) Ispagnolu andador, pollera Italianu reggibambino Tedescu Laufstall.

andhalèdha , nf: andharedha, andheledha, anneledha Definitzione logu istrintu po passare Sinònimos e contràrios àndara, andhamenta, andhata 1, andhera, andiredhu, caminera Tradutziones Frantzesu sentier Ingresu path Ispagnolu callejuela Italianu vïòttolo Tedescu Feldweg.

andhaliànu , agt Sinònimos e contràrios andhantanu.

andhalibéni andhaéni

andhalidòrra , nf: andhalitorra, annalitorra Definitzione su abbarrare andhandho e torrandho, su andhare e torrare fatuvatu, nau fintzes de su movimentu de una cosa Sinònimos e contràrios andhaeni, andhetorra, atràvigu Frases chin totu s'andhalitorra dae bidha a cubile mi sentio additzau pro su travallu ◊ tota die istat a s'andhalitorra che a s'abe ◊ in bidha fit totu un'andhalitorra de zente a su mortu Ètimu srd. Tradutziones Frantzesu va-et-vient Ingresu coming and going Ispagnolu ir y venir, vaivén Italianu viavai Tedescu Hin und Her.

andhaliéni andhaéni

andhaliénu , agt Definitzione chi istat sèmpere andhandho, fintzes sentza importu e po cosa pagu de bonu Sinònimos e contràrios andhantanu, andharedhu, andharianu, bacamundhu, corruntoneri, garroneri, inghiriaidhas, peldulàriu, rundhajolu, rundhellu, zirellu Frases bi at zente mala meda a boltas e finas salamata, andhaliena che àinu iscapu Terminologia iscientìfica ntl Ètimu srd.

andhalína , nf Definitzione andhada, abbitúdine a istare in giru chentza cabu, andhandho peri sa bidha, alleghetandho Frases ti dhas fatzo passare zeo sas andhalinas!

andhalitòrra andhalidòrra

andhalitórtu , agt Definitzione nau de camminu, chi est a egas e ogas, totu a furriadas in logu de costera, chi andhat a biraorba Sinònimos e contràrios trogomingiau, trotoxau | ctr. daretu

àndhalu , nm Definitzione manera de fàere, abbitúdine chi unu si at leau pagu bona o no tanti giusta Sinònimos e contràrios andheju, annatzu.

andhaluéni andhaéni

andhalutòrro , nm Definitzione genia de braxeredhu de pigare apicau ue si abbruxat timanza in is funtziones de crésia Sinònimos e contràrios afumentadore, andhaeni, incenseri, timanzeri Terminologia iscientìfica prdc Ètimu srd.