A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

arrecòchere, arrecòi arracòiri

arreconài , vrb: arrenconai, arrinconai Definitzione pònnere a una parte, arrimare in calecunu cugigone, istare apartaos, in aprigu; su si fàere a unu túturu Sinònimos e contràrios achizolare, achizonare, acorrunconare, acuzonare, angronare, arremai 1, inchizolare, incozolare / atuturighedhare Frases no arrinconis s'àliga: pigandedha! ◊ cussus duus piciochedhus si sunt arrenconaus impari 2. est arrenconau in d-unu furrungoni 3. sa folla s'arrenconat in sa braxi fumiendi Ètimu srd. Tradutziones Frantzesu rencogner Ingresu to put in a corner Ispagnolu arrinconar Italianu incantucciare Tedescu in eine Ecke stellen.

arrecòni , nm Sinònimos e contràrios angrone, arranconi, chizolu, chizone, furringoni Ètimu ctl. recó.

arreconnoscéntzia , nf: reconnoschéntzia Definitzione su si connòschere o arregodare de su bene arreciu de ccn. e manera de fàere chi dhu giaet a bíere (es. arringratziandho, torrandho s’agiudu si capitat) Sinònimos e contràrios arreconnoscimentu Tradutziones Frantzesu reconnaissance Ingresu gratitude Ispagnolu gratitud Italianu riconoscènza Tedescu Dankbarkeit.

arreconnòsci , vrb: reconnòschere* Definitzione giare a bíere de connòschere a unu, una cosa, bistos o connotos àtera borta, atrogare calecuna cosa (es. su chi unu at fatu, s’arrexone de s'àteru); giare a bíere de si connòschere o arregodare de unu bene arreciu de s'àteru Sinònimos e contràrios connòscere.

arreconnosciméntu , nm: arriconoscimentu, reconnoschimentu Sinònimos e contràrios arreconnoscéntzia Frases candu dh’apu nara ca non tenèt arriconoscimentu si ndi est andara (S.D'Arco) Tradutziones Frantzesu reconnaissance Ingresu recognition Ispagnolu agradecimiento Italianu riconosciménto Tedescu Anerkennung.

arrecotàda , nf Definitzione su si arrecotare Ètimu srd.

arrecotàre , vrb: arregotare, arrescotai, rescotai Definitzione nau de su late aghedandhosi, fàere a arrescotu, a soru, mòrrere, candho dhu ponent a còere Sinònimos e contràrios acasare Frases su lati si dh'est arrescotau Ètimu srd.

arrecótu , pps, agt: recotu Definitzione de arrecoi; nau de s’orrobba o de sa carre, chi est de colore niedhudu, inniedhigada coment'e cota, a fortza de dh'imbrutare o de pigare sole Sinònimos e contràrios acotiau, ammoriscau, ammurradu | ctr. càndhidu, nídidu 2. su piscadori portat sa pedhi niedha, arrecota de su soli e de s'ària salia Terminologia iscientìfica clr Tradutziones Frantzesu bronzé, hâlé, bruni Ingresu tanned Ispagnolu bronceado, moreno Italianu abbronzato Tedescu gebräunt.

arrecracàda , nf Definitzione incracada, ispinta fintzes a cropu coment'e faendho pesu Sinònimos e contràrios abbaticada, incarcada Frases su dotore mi at zau un'arrecracada in figaos… mi at fatu betare una boghe!

arrecracài , vrb: arricracai, recracai Definitzione incracare torra, pònnere asuta de unu pesu, su si calare o abbasciare (nau de sa cosa chi deasi leat prus pagu logu in istrégiu); si narat fintzes in su sensu de pònnere male un’arremu atrotigandhodhu de dhi fàere dannu, in su sensu de incracare fintzes a acropadura Sinònimos e contràrios atrotiai, dòrchere / afallare Frases custus peis de procu funt bellus a coi, arricracaus a sai ◊ sa cosa in s'istrexu arrecracat donendidhi unu corpu, ca ndi bogat is foradedhas ◊ arrecracadha, sa cosa in sa misura, ca ndi capit de prus! 2. s'at arrecracau unu pei 3. a is carradas tocat de dhis arrecracai is circus Ètimu ctl. recalcar-se.

arrecracàu , pps, agt Definitzione de arrecracai; nau de ccn., chi est pitichedhu de carena, bàsciu e grassu Sinònimos e contràrios bascincraca.

arrecràda arracàda

arrecradinàre , vrb Definitzione coment'e pònnere arraighinas, no arrennèscere prus a si mòvere fintzes po dolore a is cambas.

arrecramàre , vrb: arricramai, recamai* Definitzione trebballare orrobba téssia faendhodhoe figuras e pintos cun filu de colore diferente, po bellesa Sinònimos e contràrios abbordai, alamarare, obrare, orizare 2. tenit s'isciallu totu bèni arricramau ◊ fiat a camisa bene arrecramada e a mucadore de seda.

arrecràre , vrb: arregare, arregrare, arrejare Definitzione incasciare o aguantare a unu o una cosa in mesu de cosas chi serrant; orrugare, fàere a orrugos /(cfr. arregare in Lay Deidda, Amsicora, 223 = foedhare, arrexonare: Gos'arregat su Capu e sos soldados cunvenint; a lestru giamat unu cumbatente e de goi lu lassat arregadu) Sinònimos e contràrios aggafiare, arregiare, arregronare, assangiare / strecae / aggretiare, asserregare Frases l'at arrecrau su trucu in sa mesuporta ◊ in cudha sala a isticu, in sos ballos, ti nche atzapabas arregrau e totus nos addobbabamus apare 2. no mintas sa manu in mesu de mola ca ndhe la bogas arrejada! Ètimu ad + reg(u)lare.

arrecreidúra , nf Sinònimos e contràrios impobidhamentu Ètimu srd.

arrecrèiri , vrb Definitzione prnl., su si fàere mere de s'angenu, su si lassare sa cosa angena / pps. arrecrétiu Sinònimos e contràrios impobidhai, impoderare.

arrecréu , nm: recreu* Definitzione cosa chi faet cuntentos, chi consolat, chi faet praxere Sinònimos e contràrios godimentu, gosa / desogu, dirvagu, diveltimentu, giogu, irbelegu, ispàssiu, ispidientu.

arrecuída , nf: recuida Sinònimos e contràrios contoniada, ghirada, torrada | ctr. essia, andada, tucada.