A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

arsenàle , nm Definitzione magasinu, logu inue chistint is armas, is armamentos Frases imbóida sos peus arsenales chi de armas de fogu sunt pienos! (F.Paba) Tradutziones Frantzesu arsenal Ingresu arsenal Ispagnolu arsenal Italianu arsenale Tedescu Arsenal.

arsénicu , nm Definitzione elementu chímicu de símbulu As, númeru atómicu 33, pesu atómicu 74,91: est velenosu meda Tradutziones Frantzesu arsenic Ingresu arsenic Ispagnolu arsénico Italianu arsènico Tedescu Arsen.

artàna altàna

artanadúra , nf Definitzione su artanare, tostore de su fritu Sinònimos e contràrios ammarmuramentu, ateterigamentu, sfritoru Ètimu srd.

artanàe, artanài, artanàre , vrb: artzanai Definitzione acadassare, igragalare de su fàmine, de su fritu, firmare sa créschia, guastare / anzone artanadu = làngiu, chi no portat grassu in is errigos, curpiu, pagu sanu Sinònimos e contràrios allartzanai, calamai, allebigiare Ètimu srd.

artanàu , pps, agt Definitzione de artanare; chi est igragalau, atzirbisonau de s'asciutore, segundhu ite fintzes bremigosu Sinònimos e contràrios acalabiau, allacanau | ctr. friscu 2. est artanau che figumurisca Tradutziones Frantzesu flétri Ingresu wrinkled Ispagnolu marchito, ajado Italianu avvizzito Tedescu verwelkt.

artanèdha , nf Definitzione frutuàriu abbadherigadu, intostau, atzirbisonau, figumorisca igragalada, cosa pitica metzana Ètimu srd.

artaràe, artaràre alterài

artàre, artàri altàre

artària altària

artarítu altarítu

àrte àlte

àrte 1 , nf: arti 1, artu 1 Definitzione tretu de sa carena ue faent giogu duos arremos o diferentes partes de unu matessi arremu Sinònimos e contràrios aciuntura, annaghidura, annantura, annodricadorju, annuadórgiu, innodricadorju, innoigadórgiu, nigradroxu Frases zughet sas artes acadhadas, incuadhigadas ◊ cussus aderessant is néscias e torrant a postu is artis ◊ portàt sa carri istraciada e dogn'arti ispollada!◊ dhi ant arrogau artis e venas Terminologia iscientìfica crn Ètimu ltn. artus Tradutziones Frantzesu articulation Ingresu articulation Ispagnolu articulación Italianu articolazióne Tedescu Gelenk.

artefàghere , vrb Definitzione fàere cun arte ma nau in su sensu de fàere cosas de papare o bufare ponendho o aciunghendho sustàntzias fabbricadas, cun ingannu puru Tradutziones Frantzesu altérer, falsifier Ingresu to adulterate Ispagnolu adulterar Italianu adulterare Tedescu verfälschen.

artefàtu , pps, agt Definitzione de artefàghere Sinònimos e contràrios fatíciu, fatiscu | ctr. naturale.

artefítzius , nm pl: artifítzius Definitzione fogos artificiales; fintzes ispediente, imbentu Frases a su dimóniu dhi essint de buca cicidhas de fogu chi parint artifítzius.

artèra , nf Definitzione genia de gànciu ue s’intrant is aperturas a manera de pòdere fàere giogu, girare aperindho o serrandho; trempas de monte puru? Sinònimos e contràrios àncara, càncara 1, cancarile, croco, frontissa, grafale, ispicone, pullícia 2. tra arteras arestes, chin su corale innu de sos sonazos s'impudhile saluto Ètimu srd. Tradutziones Frantzesu gond Ingresu hinge Ispagnolu gozne Italianu càrdine Tedescu Angel.

arteràre alteriàre

arteràu , pps, agt: arteriadu Definitzione de arterare Sinònimos e contràrios agghejadu, altaradu, arrennegadu, inchietu, infrascau.

artéri , nm Definitzione chie tenet arte meda, a tales de imbentare e fàere cosas noas; chie tenet un’arte, ischit fàere bene unu trebballu Sinònimos e contràrios altigianu, artista Frases semus regollendhe sas pinturas de sos mezus arteris Ètimu srd.