A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

berbalàda , nf Sinònimos e contràrios faedhada Ètimu srd.

berbalàre , vrb Definitzione foedhare de calecuna cosa, istare foedhandho de calecuna cosa Sinònimos e contràrios chistionai, faedhare Ètimu ltn. *verbulare.

berbecàlgiu, berbecàrju , nm: berbegarzu, bervecarzu, bervegarzu, bevegarzu, brabagaxu, brabegaxu, brebegàrgiu, brebegarxu, vervecarju Definitzione pastore chi contivígiat su paru brebeghinu Sinònimos e contràrios alvegalzu, gamaresu Frases sos berbegarzos ocannu sunt cuntentones ca est annada bona ◊ in bidha is brabegaxus ant a èssi noi o dexi Ètimu ltn. *berbecarius Tradutziones Frantzesu berger Ingresu shepherd Ispagnolu ovejero Italianu pecoràio Tedescu Schäfer.

berbèche barbèghe

berbechíle barveghíle

berbechína , nf: bervechina Definitzione genia de giacheta chentza mànigas, de pedhe brebeghina conciada ma chentza túndhia, longa Sinònimos e contràrios aciamarra, talanassu Frases lis at essiu duos mascarotis in bervechina chin sas socas a ambucodhu ◊ sos frades mannos fint bestios chin sa berbechina nighedha a pilu longu Terminologia iscientìfica bst Ètimu srd.

berbechínu , agt: arveghinu, berbeghinu, brebeghinu, brebexinu, vervechinu Definitzione chi est de brebè / paru, late, casu b., peta, lana berbeghina; mascru b. = mascru de berbeghes Ètimu ltn. *berbecinus Tradutziones Frantzesu de mouton, de brebis Ingresu sheep Ispagnolu ovejuno Italianu pecorino, ovino Tedescu Schaf.

berbecòne , nm Definitzione foedhu nau prus che àteru a disprétziu po ignorante Sinònimos e contràrios buzurru Ètimu srd.

berbegàdu , agt Definitzione nau de s'aera, candho est totu nuighedhas biancas ispartzinadas che brebès paschendho Frases s'aera est berbegada: chissaghi proat! Ètimu srd.

berbegarzàre , vrb: vervecagliare Definitzione pastorigare, contivigiare brebès Sinònimos e contràrios bervecare Frases cun Basili fimis paris berbegarzandhe Ètimu srd.

berbegàrzu berbecàlgiu

berbèghe barbèghe

berbeghína , nf Definitzione totu is brebès, su paru brebeghinu Sinònimos e contràrios alveghiu Frases in maju sa berbeghina cheret tusa ◊ in campu bi at berbeghina meda Ètimu srd. Tradutziones Frantzesu ovinés Ingresu ovines Ispagnolu ovinos Italianu ovini Tedescu Schafe (Pl.).

berbeghínu berbechínu

berbéllida , nf Definitzione iscracalliada de errisu / ríere a berbéllidas = a boghes, a iscracàllios Frases cussa, a bortas, riet a berbéllidas!

berbèna , nf Sinònimos e contràrios àlimu, èlamu, selebra Terminologia iscientìfica mt, Atriplex halimus.

berberàre , vrb: verberare Sinònimos e contràrios addobbai, arropai, cadhai, irbatulare, isciúdere Ètimu ltn. verberare.

berbèsa , nf Sinònimos e contràrios erbagràbina 1, bascumarinu Tradutziones Frantzesu giroflée, matthiole à fruit à trois cornes Ingresu sea viola Ispagnolu alhelí salvaje Italianu vïòla marina Tedescu Dreihörnige Levkoje.

berbéticu, berbétigu , agt Sinònimos e contràrios arrevésciu, bisbetigosu, bizarrosu, solàsticu, trevessu Ètimu itl. bisbetico.

berbòre , nm: borbore Definitzione genia de gana, de fortza o sentidu de fàere calecuna cosa, ma si narat fintzes in su sensu de si crèdere unu pagu tropu, in sensu de airu / rispòndhere, favedhare chin b. Sinònimos e contràrios arrodhu, barrosia, fovore, pospore / airu, cardedha / luscore Frases s'imbeniente acabbu de su berbore fassista lis poniat punnas a si mòghere ◊ li dimandhabo comente fit andhandhe, ma in sas rispostas suas no bi aiat perunu borbore 2. ue ch'est como su berbore chi tandho at bintu s'enemigu? (J.Pira) Ètimu ltn. fervore(m) Tradutziones Frantzesu ferveur Ingresu fervour Ispagnolu fervor Italianu fervóre Tedescu Inbrunst.