A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bissída bessída

bissionàre bisionài

bissiósu , agt: bissosu Definitzione chi tenet vítzios Sinònimos e contràrios malafissiadu | ctr. birtudosu Frases no fit bissosu, ma prus de su travàgliu li piachiat a fartziare su cuitale Ètimu srd. Tradutziones Frantzesu vicieux Ingresu depraved Ispagnolu vicioso Italianu vizióso Tedescu lasterhaft.

bíssiu bísciu

bissonzàre bisongiài

bissósu bissiósu

bíssu , pps, agt Definitzione de bínchere / dàrela bissa a ccn. = sessare de gherrare, de si li apònnere, de li pretènnere carchi cosa Sinònimos e contràrios bínchidu | ctr. pérdidu Frases candho creia de aer bissu perdei su pretu ◊ ant bissu e balanzadu.

bissúra , nf Definitzione iscutulada de abba próina a meda, mancari in ora paga Sinònimos e contràrios abbisciada, abbísciu, bírrida, dallúviu, ischísciu, strasura Frases at fatu una bissura de àcua candu fut sa domu iscarraxada e mi at umidau sa bòvida.

bísta , nf: vísta* Definitzione sa capacidade de bíere, de ischerare o connòschere sa figura de is cosas, de ndhe bodhire cun is ogos su chi est sa cosa; cosa o logu de bíere / fàchere bistas a…= nau de posidura, castiai faci a… (calincuna bandha) Sinònimos e contràrios ida.

bistàcu, bistàculu , nm Definitzione mància, genia de maladia a sa pedhe chi si faet moresina a màncias mannitas o pitichedhas Tradutziones Frantzesu éphélide, tache de rousseur Ingresu a kind of skin disease, freckle Ispagnolu efélide, cloasma Italianu efèlide, cloasma Tedescu Sommersprosse, Ephelide, Chloasma, Leberfleck.

bistebèdhi bestebèdhi

bistèca , nf Definitzione fita de petza segada a istúturu de s'ispinu Tradutziones Frantzesu bifteck Ingresu steak Ispagnolu bistec, bife Italianu bistécca Tedescu Steak.

bistentàda , nf Definitzione su bistentare Sinònimos e contràrios biltentu Ètimu srd.

bistentàdu , pps, agt Definitzione de bistentare Sinònimos e contràrios tratesu 2. bi aiat calchi pastore solu bistentadu in sos montes.

bistentàre biltentàre

bistentósu , agt Definitzione chi si la leat a istentare, chi no tenet coidau Sinònimos e contràrios cagallente, mandrone | ctr. coidosu Frases animalatzu bistentosu, no ponet a mandhigare e cudha crebendhe de su fámine! Ètimu srd. Tradutziones Frantzesu paresseux, fainéant Ingresu lazy Ispagnolu perezoso Italianu pigro Tedescu faul.

bisténtu bilténtu

bisténtu 1 , avb Definitzione dificurtade, pelea Sinònimos e contràrios addizu Frases solu a bistentu rezo reu e no tenzo fortza de bènnere ◊ sunt reséssidos a bistentu a ndhe lu tirare a fora ◊ campat a bistentu dae sas míseras intradas.

bistiàmene, bistiàmini beltiàmene

bistícu, bistículu , nm Definitzione cropighedhu giau in cunfidàntzia, cun is pódhighes, unu pagu a ispitzuladura a trempas Sinònimos e contràrios bidhighitada, bistínchidu, bistonca, ghinga, isbillongu, pistincu, pistónchina, pistóriga, tzinchillitu Frases a sa síndria unu bisticu das, un'aterunu ndhe das a sa broca (Màsala) Ètimu srd.