bría 1 , nf Definitzione un'apenas de tempus / una bria ses!… = un'orixedha ses!…, male e un'ora ses!… Sinònimos e contràrios ora Frases una bria ses, truncandhe sa passéntzia!…◊ una bria ses a fúrria e borta!… Ètimu itl.t bria.
briàbi, briàli , nm Definitzione una de is maneras de fàere tessíngiu a mustras (su b. de su limone, de s'istella, figuras giométricas) a unu o a duos colores totu a cuadredhos ponendho trama de lana, prus che àteru po fàere bértulas, coberigàscias, ammontu po letu: si narat fintzes a litzus (chi però est a trama de linu o de cotone) e s'intessidura de fundhu est sèmpere fata a pannu 'e carri Terminologia iscientìfica ts.
briànciu , agt Definitzione
chi di praghent is brigas, chi istat a briga, chi costumat a pesare brigas
Sinònimos e contràrios
briganteri,
brigantinu,
brigàntzulu,
cravachinu,
pletista,
pretadori,
scuncórdiu
Terminologia iscientìfica
ntl
Tradutziones
Frantzesu
querelleur
Ingresu
quarrelsome
Ispagnolu
pendenciero
Italianu
litigióso
Tedescu
zanksüchtig.
briàre , vrb: brigai,
brigare Definitzione
giare unu certu, una briga, nàrrere cosa a unu, pigare a ccn. a tzérrios o cun arrennegu; nàrrere foedhos malos s'unu a s'àteru, tènnere murrúngiu mannu, a boghes e a gherra puru
Sinònimos e contràrios
abbetiae,
aciociai,
brigociae,
certai,
ghirtare,
irvapiare,
iscancamurrare,
pabarotare,
trilliare
Frases
fiant brighendi prima de cummentzai sa riunioni ◊ a briare chin tecus no bi at gustu ◊ cun sos cumpanzos tuos no ti brighes! ◊ sa mama l'at brigadu, a su pitzinnu, ca fit ora meda in ziru ◊ ci babbu e mama mi brigant tegno passiéncia ◊ aiat brigau s'amigu ca dh'aiat lassau solu ◊ murrunzade ma no bos brighedas!◊ brigadas apare si seis cun sa bighina, chi no dha bio prus in domo tua?
2.
dae candho ant brigadu no sunt prus, cussas famíllias, e mancu si faedhant ◊ abbàssiami sas boghes, chi parimus brighendhe!
Sambenados e Provèrbios
prb:
si unu no cheret duos no brigant
Ètimu
itl.
brigare
Tradutziones
Frantzesu
réprimander,
tancer,
rabrouer,
se disputer,
se quereller
Ingresu
to dispute
Ispagnolu
reprochar,
echar la bronca,
pelear
Italianu
redarguire,
rimbrottare,
bisticciare,
diverbiare,
litigare
Tedescu
ausschelten,
streiten.
bribànti birbànte
bríbba , nf Definitzione cosa chi si narat a befa / pigai a b. a unu = pigare a befa, a brulla Frases no fètzasta bribbas, deghinou ti nci ghetu a s'àcua! ◊ dhi funt fendi is bribbas po su bestiri chi portat.
bribbantésima, bribbantésimu birbantésimu
bribbànti bilbànti
bríbbidhi , nm Definitzione bica o punta de orroca; in cobertantza, idea o cumportamentu mesu macu, a meledu, disígiu Sinònimos e contràrios bidhídhiri, erredha, zibbírriu 2. a chelencunu, biendu cussa fémina cun is cambas a spralàcius, dhi passat su bribbidhi!
bribbidhósigu , agt Definitzione
chi si dha leat tropu a irmasionu, addàsiu, chi faet o narat is cosas tropu a fine
Sinònimos e contràrios
cagallente,
crastabibitziris,
letrangosu
Terminologia iscientìfica
ntl
Ètimu
srd.
Tradutziones
Frantzesu
tatillon,
vétilleux
Ingresu
fastidous person
Ispagnolu
meticuloso
Italianu
pignòlo
Tedescu
übergenau,
pedantisch.
bribbillíscu , nm Definitzione genia de idea maca, mala, meledu Sinònimos e contràrios bidhídhiri, birbillitzu.
bribbillítu , nm Definitzione cosighedha de pagu contu; idea unu pagu maca Sinònimos e contràrios catzavusalla / bidhídhiri 2. no ti pòngiast bribbillitus in conca, lah, no t'innamoris de sa professoressa, ca tui ses béciu puru!
bribbillítzi birbillítzu
bribidhósu , agt Definitzione
chi tenet àscamu de totu, chi totu dhi faet ischifu
Sinònimos e contràrios
afastiadori,
ascamile,
ascamosu,
ascherosu,
ascosu,
coniosu,
ghelestiosu,
gravellosu,
grighilliosu,
ingrivigliosu,
ischifosu,
pullinu,
stogumosu
Tradutziones
Frantzesu
chichiteux
Ingresu
squeamish
Ispagnolu
exigente,
descontentadizo
Italianu
schifiltóso
Tedescu
zimperlich.
bribigliàre, bribillàre birbillàre
bribilliàdu birbilliàu
bribillítzu , nm Definitzione unu de is tantos númenes de su dimóniu; genia de idea, de acucada, de meledu Sinònimos e contràrios bibbiritzu 2. disígius… sempri bribillitzus de conca funt!
bricàta , nf: brigata Definitzione in su foedhóngiu currente, una chedha de gente; in su foedhóngiu de is militares, unidade de duos o tres regimentos de sordaos Sinònimos e contràrios camarada, fiotu Frases furis mancari cincu o ses de bricata, totu piciocas 2. a sos Sardos los ant postos paris in sa "Brigata Sàssari" a gherrare cun sos Austríacos ◊ sos de sa Brigata Tataresa los mandhaiant a nche leare su trintzeramentu imbreacos a prúvera.
bríchi , nm Definitzione piciochedhu botosu, malinnu, befulianu Sinònimos e contràrios brichillitu, pisedhu Frases bolo in mesu a totu sos arriscos, goso in pònnere sos brichis in intriscos (P.Casu)◊ però sos brichis si l'ant sapiada, li current fatu cun frunzas e cannas… e issa, a boliadas piús mannas…
brichichédhu , nm Definitzione min. de bigru, bigu de naschidórgiu.