A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

chischíre , vrb Definitzione giare chíschiu, educatzione, imparu, annestru Sinònimos e contràrios annestrare, chischiare Frases tue ses peus de cane dannàgliu, male pesau e male chischiu Ètimu srd.

chischisài , vrb Definitzione bogare o fàereche andhare a unu cun ammeletzos Sinònimos e contràrios chelcire, ispochiare Frases po s'onori de Deus, su profeta Elias no teniat duda de chischisai reis e potentis prepotentis.

chischisàri , vrb Definitzione prnl., ofèndhere, pigaresidha coment'e un'ofesa Sinònimos e contràrios picai 3.

chischisiàda , nf Definitzione su chischisiai, su chi si narat foedhandho a iscúsiu Sinònimos e contràrios alleghinzu, ispibisu, pisighinzu, pispisu Ètimu srd.

chischisiài , vrb Sinònimos e contràrios abbrubudhai, ascugiare, bischigliare, frofoai, pispisinzare, spibisai Ètimu srd.

chischisínzu , nm Definitzione mutúgiu, genia de moidedha chi si faet tocandho o movendho cosa Sinònimos e contràrios ischimuzu, istrepitzu Frases in cuss'iscurigore sos bardaneris, chena fàghere chischisinzu, a corpu de culatzu de fusile ant aturdidu sa sentinella (I.Flore).

chischísu , nm Definitzione línia a istúturu, de traessu, de una bandha a s'àtera, ma no parallela a un'àtera de riferimentu / segare a c. = a buca de pitariolu, a perraunga, de sbiàsciu (itl. in diagonale) Maneras de nàrrere csn: andhare in logu de costera a c. = a perraunga, a cabagosta, andhandho e pesandho prus in artu faendho su camminu prus longu (e no su prus curtzu ca est tropu in pesada); èssere segau a c. (nau de ccn.) = persona trota.

chíschiu , nm Definitzione manera de fàere, de si cumportare cun educatzione, cun crabbu, cun delicadesa / a bonu c. = cun amore, de bona manera, cun grabbu Sinònimos e contràrios educascione Frases a sas primas rosinas de s'atonzu su massaju, chin su punzu atarjau, chin chíschiu sèmenat su trídicu ◊ as fatu barbacana chin sas ungras in narbones raspitzos barbatandhe sa terra a bonu chíschiu (G.Piga)◊ sa zente morit priva de cada bene, e nois, chene chíschiu perunu, pessandhe a míseras cantonedhas… Ètimu srd. Tradutziones Frantzesu éducation, amabilité Ingresu education, courtesy Ispagnolu educación, cortesía Italianu educazióne, creanza, cortesìa Tedescu Erziehung.

chischixína , nf Definitzione abbighedha fine fine, agiummai mufore Sinònimos e contràrios arrosina, modhaca, modhina, papuschina, paspia, proischina, tzibina Ètimu srd. Tradutziones Frantzesu petite pluie fine Ingresu drizzle Ispagnolu llovizna Italianu acquerùgiola Tedescu Sprühregen.

chischíza chirchíza

chisciaghíscia , avb Definitzione nau de cosa posta in istrégiu (e de custu etotu), biraira, essindhoche fora de s'istrégiu tropu prenu Ètimu srd. Tradutziones Frantzesu débordant Ingresu overflowing Ispagnolu desbordante Italianu trabocchévole Tedescu übermäßig.

chiscighísci , avb Definitzione istare c. = nàrrere cosa dónnia tanti a is animales, a is piciochedhos faendho cosas chi no andhant bene, po dhos furriare Ètimu srd.

chisciósu chensciósu

chiscíre chelcíre

chísciu chílciu

chísciu 1 chílciu 1

chiscórru , avb Definitzione a c. = de traessu, a trotu, coment'e lassandho corros / andhare, essire, segare a c.: istressiendi de sa línia dereta Frases seghendhe sa robba che so essida a chiscorru ◊ ses arendhe a chiscorru.

chiscusèdha , nf Definitzione calidade de àghina bianca (unu pagu groga candho est cota), a pibione piticu e gurdone no tanti mannu, bona po binu Terminologia iscientìfica frt.

chiscusína , avb: coscusina, curcusina, cuscujina, cuscujinu, cuscusina, cuscusinu Definitzione a c. = agiummai a iscúsiu, foedhandho a boghe bàscia bàscia / ríere, faedhare a cuscusinu o a cuscusina = a iscusi, a boxi bàscia, a s'acua Sinònimos e contràrios acua, iscúsia Frases sos operajos fint befendhesindhe a chiscusina de su capiscuadra (N.Osu)◊ mastru Chicu si ndhe riet a cuscusinu ◊ bidindhe sos fizighedhos chentza manigare, girandhesiche pro no la bíere, a cuscusinu infundhiat sa farda cun rios de prantu ◊ fit mortu de risu, a cuscusinu Tradutziones Frantzesu tout bas Ingresu in a low voice Ispagnolu en voz baja Italianu sottovóce, sommessaménte Tedescu leise.

chiscússu , avb Definitzione de àtera manera, de àteru betu, in àteras cunditziones Sinònimos e contràrios candeghinò, dassinunca, diacussu, sinoncas, sinono.