A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cunsónu , nm Definitzione cuncordu de cantores, su càntidu chi faent; su cunsonare, su torrare paris de una cosa cun àtera Sinònimos e contràrios coro 1, cuntratu 1 2. sa peràula depet esser sempre in cunsonu cun sa sustàntzia de sa chistione ◊ su tràgiu signalat finamentra su cunsonu de su poete cun su tenore, cantendhe ◊ intraiat in cunsonu cun sa zente Ètimu srd. Tradutziones Frantzesu chœur, chant choral Ingresu chorus, choral singing Ispagnolu coro, canto coral Italianu còro, canto corale Tedescu Chor, Choralgesang.

cunsòrre , nf: cussorre Definitzione fémina chi faet parte de una cunfraria Sinònimos e contràrios germana Tradutziones Frantzesu consœur Ingresu sister Ispagnolu hermana Italianu consorèlla Tedescu Schwester.

cunsórtziu , nm: cussórtziu Definitzione comunella chi si faet po contivigiare unu bene de totu cudhos chi ndhe faent parte; genia de butega po calecuna categoria de comporadores Tradutziones Frantzesu coopérative Ingresu consortium Ispagnolu consorcio Italianu consòrzio Tedescu Genossenschaft.

cunsòrza cunsòlza

cunsúlta , nf: cussurta Definitzione unas cantu personas, postas a istudiare una chistione, a manera chi si ndhe potzat serbire chie depet decídere.

cunsummàu consumàdu

cunsúmu consúmu

cuntàdu contàdu

cuntagiósu , agt Definitzione chi apicigat, chi est fàcile a si apicigare, a passare de s'unu a s'àteru, mescamente nau de maladia Sinònimos e contràrios apicigosu, apodhosu.

cuntàntu , cng Definitzione cun tantu = belle e…, cun totu chi… Sinònimos e contràrios macari Frases cuntantu chi Lughia fit bona massaja, comintzaiat a si agatare in abbas malas, chentza laore e cun su maridu in sa gherra Ètimu srd. Tradutziones Frantzesu malgré Ingresu in spite of Ispagnolu pese a Italianu nonostante Tedescu obwohl.

cuntàtu contàdu

cuntàtu 1 , nm Definitzione su tocare chi faent is cosas postas acanta, impare; su èssere s'unu cun s'àteru de sa gente Frases si sos filos no faghent cuntatu, sa currente no colat Tradutziones Frantzesu contact Ingresu contact Ispagnolu contacto Italianu contatto Tedescu Kontakt.

cuntemplài , vrb Definitzione abbaidare a sa sighia, istare cun sa mente firma, coment'e ispantaos, pentzandho e cunsiderandho calecuna cosa Sinònimos e contràrios cumpassare.

cuntènnere , vrb Definitzione portare o àere aintru, in mesu, calecuna sustàntzia o cosa Sinònimos e contràrios àere, giúchere, poltare Frases s'abba de mare cuntenet sale.

cuntentài, cuntentàre , vrb: acuntentai Definitzione fàere o abbarrare cuntentu, giare su cuntentu, provare cuntentesa, prexu / malu a cuntentare = mendhegosu, itl. esigènte Sinònimos e contràrios allegrare, apagnai, saltifàghere | ctr. dispiàchere, scuntentai Frases mi cuntento de custu: bastat goi! ◊ ant inventadu àteras maneras pro cuntentare sos ischivinzosos puru ◊ a dies babbu est ammurrionadu e m'istelevro deo pro cuntentare a isse ◊ Luisicu si depiat cuntentai de is pantalonis atzapulaus ◊ sa genti si cuntentàt de seminai isceti cudhu tanti de trigu po sa provista ◊ cheria cuntentare a fizu meu, ma no poto! Ètimu srd. Tradutziones Frantzesu contenter Ingresu to please Ispagnolu contentar, complacer, satisfacer Italianu accontentare Tedescu zufriedenstellen.

cuntentèsa , nf Definitzione su èssere o istare cuntentos, sentidu de gosu, de praxere / no ischire inue ndh'istare de sa c. = no càpiri in pannus de su prexu Sinònimos e contràrios aggaju, ajubore, allegria, biadesa, bríllida, contentu, gosa, prégiu, ufania | ctr. annicu, dispiachere, dispiaghéntzia, iscuntentesa, triltura Frases cussa sciumana de genti est a itzérrius de prexu e de cuntentesa ◊ deo de sa cuntentesa no parabo! ◊ no ischit inue ndh'istare de sa cuntentesa ◊ sa cuntentesa li fit durada pagu ca l'est bénnidu custu dolore de non poder istare ◊ bella sa cuntentesa chi no ti donant trabballu!… Tradutziones Frantzesu joie Ingresu contentment Ispagnolu contento Italianu contentézza, giòia, gàudio Tedescu Freude.

cuntentòne , agt Definitzione chi est cuntentu che pasca, prexau meda.

cunténtu conténtu

cuntèssi, cuntèssiri , vrb: acontèssere* Definitzione bènnere deasi de una cosa, a sola, fintzes chentza dha cricare e ne bòllere, chi podet èssere, chi podet capitare de fàere, de nàrrere Sinònimos e contràrios acadessi, capitai, costare 1, cumbinare, sucèdere Frases càstia chi siat inténdia: chi ti torrat a cuntessi ti nci ghetu a funtana! ◊ chi no ti torrit a cuntessi de ponni peis in domu! ◊ ita istocada megat de ti cuntessi?!

cuntestadòre, cuntestadòri , nm Definitzione chie tenet de abbitúdine a iscontroriare s'àteru, a abbetiare, a si pònnere o foedhare in contràriu Terminologia iscientìfica ntl.