A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cabilèra , nf Definitzione its, cabidalera?, cabillera? (S'Ischíglia 6,94,188) Frases picadu subra de chimas ses de su Tufudesu minore cun s'ordinzu chi t'est a cabilera (G.Masala).

cabillèra cabaglièra

cabinzòne , nm: camignone, caminzone, capinzone, crapinzone Definitzione orrugu de linna chi si ponet in buca a is crabitos po no súere e in cobertantza fintzes totu su chi impedit de foedhare; su càbudu de su filu o de una funighedha Sinònimos e contràrios acamu, camedha 1, camusone Frases pariat una crabita essindhe dae su sercone: petzi su crapinzone pro no súere li mancaiat! 2. cale caminzone podet muscire sa càdara de sa zente?! (P.Mura) Terminologia iscientìfica pst.

cabíre , vrb: crapire Definitzione su istare de sa cosa aintru de un'istrégiu cunsiderandho sa cantidade, nau fintzes de sa gente in su logu, in su tretu Sinònimos e contràrios càbere, iltare.

càbiru càbadu

cabisciòne , nm Definitzione genia de bonetedhu chi ammontat totu sa conca de su pipiu lassandho solu sa cara Sinònimos e contràrios cabbúsciu, cambussinu, careta Terminologia iscientìfica bst.

cabíscu , nm: caliscu, caulísciu, cauliscu, caulitu, cobiscu, coiscu 1 Definitzione genia de càule areste, nau de erbas unu pagu diferentes: naschint meda in mesu de is laores, faent unu frore grogo e tegosu Sinònimos e contràrios àntzala, caulina, lànsana, masaocu, pirisca / naponi 1 / alaussa, giúspinu Frases immoi no seus fuedhendu ni de cobiscu, ni de prunixedha e ni de corastidha ◊ cobiscu no ndi papant is burricus ◊ su coiscu est sa bregúngia de su massaju… fait prus artu de su trigu!◊ su trigu dhu depis puliri de su cobiscu, desinò ita messas?! Terminologia iscientìfica rba, Moricandia arvensis, Brassica rapa Ètimu srd.

cabíssa cabícia

cabissàna , nf: capitana, capitzana Definitzione tretu chi abbarrat chentza trabballau orus orus de una terra, fintzes tretu prus in artu Sinònimos e contràrios bacantinu, biradolzu, cabitale, spotedhàriu Ètimu ltn. capitium.

cabíta , nf: capita, capitza 1 Definitzione in su letu, in css. crocadórgiu, sa parte ue si ponet su cabitzale po sa conca, fintzes sa parte de pitzu de unu logu, in artu; in sa carena, sa conca; cosa modhe chi si ponet asuta de sa conca po crocare Sinònimos e contràrios cabatzau, cabiciana, cabitzalera / conca / cabetzera, cabidabi, pumma Frases in cabita de letu si la podiat pònnere, cussa bomba! ◊ mamma, sétzida afaca a sa cabita, pianghet e pregat, poberita ◊ una rughe cun su Cristos in bratzos miro in sa capita de sas penas mias ◊ in s'àtera istàntzia corcant sos fitzos, in duos letos, chie in pedes e chie in capitza 2. so addobbèndhemi sa cabita a sos muros ◊ sàmuna sa cabita a s'àinu: àinu est e àinu s'istat! ◊ cussu narat totu su chi li benit a cabita ◊ fit torrendhe cun sa fàscia de ispigas in cabita 3. apo drummiu chin predas de ribu a capita ◊ pònedi cosa a cabita, ca sinono drommis male! ◊ si aiat aggheretzatu sa preta lata chi zuchiat a capitza e aiat sichitu a pònnere ifatu a su sonnu chi si fit bidenne Sambenados e Provèrbios smb: Cabita, Cabitta Tradutziones Frantzesu tête du lit Ingresu headboard, pillow Ispagnolu cabecera Italianu testata del lètto, guanciale Tedescu Kopfteil, Kissen.

cabitàle , nm: cabitzabi, cabitzale, cabitzali, capitzale, cobitzali Definitzione conca de un'órdine o giuale de bíngia, de surcu, de una tenta, su tretu a surcu ue acabbat unu terrenu, ue arandho si fúrriat s'arau e su giú a sa fine de sa tula; orrugu o corria de terra in làcana inter unu terrenu e un'àteru; a logos fintzes cosa modhe chi si ponet asuta de sa conca po crocare / èssiri sentza de cabitzabis = istremenadu, meda Sinònimos e contràrios birada, biradolzu, bortadorzu / cabidabi / cdh. capitzali Frases iscratzendi nci calàt sa conca in su cabitzali de bàsciu fintzas a candu lompiat a su cabitzali de susu ◊ at postu piantinas e matzocas in cabitales e in cheas ◊ fatzat sa carronada acanta a su cabitzabi de sa terra mia! ◊ is brebeis a bortas s'istallant e intrant in terra de lori sartendi cabitzalis allenus 2. cussu est un'isciogu sentza de cabitzabis Terminologia iscientìfica msg Ètimu ltn. capitalis Tradutziones Frantzesu lisière Ingresu unploughed side of a field Ispagnolu cabecera, besana Italianu capezzagna Tedescu Vorgewende.

cabitàna cabiciàna

cabitéllu , nm: capitellu Definitzione sa conca de una colunna totu trebballada a mustras; puntedhu o biga de linna po aguantare fràigu chi essit fora de su muru maistu; orrugu de linna chi s'aciunghet a una biga maista Tradutziones Frantzesu chapiteau Ingresu capital Ispagnolu capitel Italianu capitèllo Tedescu Kapitell.

cabitèra cabetzèra

cabítza , nf Definitzione genia de acapióngiu chi si betat a lobu in conca de s'animale po dhu pòdere méngius pigare a tira aifatu Sinònimos e contràrios brunchile, cavessa, crabistu, doga 1, dogale, murrabi Sambenados e Provèrbios smb: Cabitza, Cabizza Ètimu itl. cavezza.

cabítza 1 cabícia

cabítza 2 , nf Definitzione genia de pigione Sinònimos e contràrios acabussoni 1, catzolu, coaciolu, gangorredha Sambenados e Provèrbios smb: Cabitza, Cabizza Terminologia iscientìfica pzn, podiceps nigricollis Tradutziones Frantzesu grèbe Ingresu grebe Ispagnolu zampullín cuellinegro Italianu svasso minóre Tedescu Taucher.

cabitzàbi, cabitzàle cabitàle

cabitzàle 1 cabiciàle

cabitzalèra , nf Sinònimos e contràrios cabiciana, cabitzera Ètimu srd.