A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cabidiànu , agt: cabudianu Definitzione chi benit o andhat prus a innanti de un'àteru, de un'àtera cosa, chi est in primu pupa; nau de frutuàriu, chi benit o lompet a presse, lompet cabudàrgiu / màsciu cabidianu, berbeghe cabidiana = mascu, brebei de ghia Sinònimos e contràrios cabidraxu, premediu | ctr. regadiu, coàinu Frases sos tronos sunt cabidianos de sos lampos Ètimu srd. Tradutziones Frantzesu précédent, chef de file Ingresu previous, leader Ispagnolu batidor, que precede, primero de una fila Italianu guidaiòlo, precedènte, che precede, capofila Tedescu Leit…, vorige, erste, Erste.

cabidíle , nm Definitzione tedile de orrobba modhe a pònnere in cúcuru po ingòllere unu pesu o fintzes ortigu de pònnere asuta de unu cadhàrgiu Sinònimos e contràrios chirchile, cirí, cucurile, cugúdhura, tadibi, tedílighe Ètimu srd.

cabidòni , nm Sinònimos e contràrios cabidale.

cabidràxu , agt: cabudàrgiu, cabudarzu, cabudraxu, capudàrgiu Definitzione chi benit o lompet a presse, foedhandho de frutuàriu o àteras cosas de su sartu, ma si narat fintzes de gente chi benit o faet sa cosa innanti de s'ora o de su tempus (e, de animale ghiadore, chi andhat a punta de ananti)/ pira cabudraxa, annada cabudraxa Sinònimos e contràrios cabidianu, premediu, primadiarzu / puntaresu | ctr. redadiu, trigadinu Frases de pira dhoi nd'at cabudraxa e coaxa ◊ nd'eus arregortu s'olia cabudraxa 2. zai ses pagu cabudarzu: no est arribbau mancu s'isposu e tue innoghe! ◊ fiat cabudàrgiu su piciochedhu: a chimbe annos ischiat fàere totu a solu! ◊ at fatu beranu cabudraxu, ocannu Ètimu srd. Tradutziones Frantzesu hâtif Ingresu early Ispagnolu precoz Italianu primatìccio Tedescu Früh…

càbidu càbadu

càbidu 1 , pps: càpidu, càpiu Definitzione de càbere Sinònimos e contràrios istadu Frases mancari isterzu mannu, su chi bi cheria pònnere no bi est càbidu ◊ de custa cosa bi ndhe at càbidu paga, in s'isterzu, ca leat logu meda.

càbidu 2 , nm Definitzione nasedhu o tenaghe de frutuàriu Terminologia iscientìfica rbr.

cabíga , nf: cabígia, cabixa, caprica, crabiga, crabixa, crapica, crebiga, giabiga Definitzione orrugu o cotza de linna (o de àteru) chi s'intrat a istúturu in s'istampu chi s'iscala de su carru (e fintzes s'àscia de is orrodas) e sa timona o aguri de s'arau portant in sa punta, a manera de arrèschere candho funt in tira: dh'aguantat firma de no ndhe essire unu piredhu o obbilu o crae; genia de ferru grussu e longu (crae) chi si ponet a unu muru giumburudu po no ndhe orrúere Sinònimos e contràrios cabiadolzu, cangiolu, carícia, clavíglia, ordigione Frases sa crabiga no ndh'essit dae s'iscala ca a s'ala prus fine zughet unu piredhu a la muntènnere 2. ammaniamus una caprica a su muru Ètimu ltn. clavic(u)la Tradutziones Frantzesu cheville ouvrière Ingresu bolt Ispagnolu tarugo Italianu cavìcchia Tedescu Holzpflock.

cabighédhu , nm Definitzione min. de cabu: càbudu pitichedhu, curtzitu.

cabígia cabíga

cabigiài , vrb rfl Definitzione adatare a istare o trebballare in pagu logu.

cabigiósu , agt: cabixosu, cabizosu Definitzione nau de fémina, chi portat tzimingiones mannos (o, nau de animale, chi ndhe portat calecunu in prus) Sinònimos e contràrios cabijudu Sambenados e Provèrbios smb: Cabizzosu Ètimu srd.

cabígiu , nm: cabigu, cabixu, crabidu, crabigu, crapicu, crebigu Definitzione sa punta de sa tita inue essit su late / cabixu addrempiu = prenu, crispu Sinònimos e contràrios cimignoni, ninni, tapíciu, titica, titiminxone, tzitzíligu Frases sa tita de sa fémina zughet unu crabigu, sa tita de sa berbeghe duos, de sa baca bàtoro 2. de s'aca sarda sutzant su cabixu chi allatat tantos canes de isterzu ◊ est ingruxadu subra de sa bide e suta de sas olias trupiendhe sos cabixos de sa mama terra Terminologia iscientìfica crn Ètimu ltn. capit(u)lu(m) Tradutziones Frantzesu mamelon Ingresu nipple Ispagnolu pezón Italianu capézzolo Tedescu Brustwarze.

cabigiulàda , nf Sinònimos e contràrios arragorta, collia Ètimu srd.

cabigiuladúra , nf Sinònimos e contràrios arragorta, cabigiulada, collia Ètimu srd.

cabigiulàre , vrb: acabigiulare* Definitzione arregòllere cosa chi no est tanti fàcile a tènnere ca si ndhe agatat pagu Sinònimos e contràrios acabulare, collire, preulire | ctr. perdimentare, sperditziai.

cabiglièra cabaglièra

cabigórrinu , agt Definitzione nau de sa trama de s'orrobba téssia, chi no est dereta ma a un'imboe, a corru, sbiàscia Ètimu srd.

cabígu cabígiu

cabíle , nm Definitzione abbistesa, capacidade de fàere bene is cosas, cunsiderandhodhas, giaendho atentzione Sinònimos e contràrios abbistesa, cabu, fracongia, imprastu Frases a ndhe zughes de cabile: andhas a su logu e no bides ite bi cheret fatu! Ètimu srd. Tradutziones Frantzesu diligence Ingresu diligence Ispagnolu esmero Italianu diligènza Tedescu Fleiß.