Ditzionàriu in línia
de sa limba e de sa cultura sarda

camuvrénu , nm Definitzione genia de acàpiu po aguantare un'animale, po dhu pigare a fune Frases no mantenzo a fiza mia in camuvrenu ca cunsidero su bisonzu sou Ètimu srd.

càmuxu càjamu

càna , nf Definitzione aina segante a punta acancarronada e a màniga longa de pigare prus che àteru a duas manos / pàrrere dolau a c. (nau de ccn.)= fatu a sa grussera Sinònimos e contràrios assidadorza, canutza, càvana, cirradroxa, faltzone, fústina, luatorja, orostazu, rultàglia, urvajola Frases fit essiu a cana in chitu pro si buscaret una francada de linna ◊ làssannos sa cana ca nos fachimus linna! ◊ note e die infatu a sos anzones, pro fàchere paura a sos matzones cantas a boche e tocas chin sa cana (Cucca) Terminologia iscientìfica ans Tradutziones Frantzesu serpe Ingresu billhook Ispagnolu podadera, hocino Italianu róncola Tedescu Hippe.

canàbara , nf: cenàbara, cenàbera, cenàbura, cenarba, cenarva, chenàbara, chenabra, chenàbura, chenapra, chenàpura, chenarpa, chenàura, cianàbara Definitzione sa de chimbe dies de sa chida (est númene fémina, ma cumènciat a fartare)/ chenàbura santa = sa die chi sa Crésia católica ammentat, mescamente cun sa funtzione de s'incravamentu, sa morte e passione de Cristos Frases sa chenarpa fut a fàchere su giúngiu ◊ chenàura e sàpadu faghent sos druches pro carrasegare ◊ si sunt cojados in chenàbura ◊ sa cenàbura moliat sa farra po sa cota ◊ cenarba santa nos torrat a conca ca Cristos s'est giau a sa morte po totus ◊ gióbia o cenàbara, est una dí de fatu! ◊ in barantinu, su chenabra fit a papare pane ebbia Terminologia iscientìfica tpc Ètimu ltn. cena pura Tradutziones Frantzesu vendredi Ingresu friday Ispagnolu viernes Italianu venerdì Tedescu Freitag.

canàbi , nm: canai, canale, canali Definitzione cundhutu, apertu o serrau (tubbu, cora, o àteru) ue passat abba arregorta o fintzes àteru; badhe istrinta o a dónnia modu pitica in mesu de duos montigos, duas serras; istrintu de mare; oe fintzes médiu de difusione ràdiu e televisivu Sinònimos e contràrios badhicru Maneras de nàrrere csn: canale de s'urina = su cundhutu de s'orina; canale de sa bula = aghentolu, garguena; canale de su mucu = su canaledhu de sa lara de subra, suta de su nasu Frases innòi funt a us'e is canais de crabetura: candu istídhiat unu istídhiant totus! ◊ onzi canale de sa cobertura falat a butarolu, de cantu est proindhe meda 2. unu tempus cussos canales za fint tuposos! ◊ cussos canales, in su cumonale, sunt prenos de erba ca sunt caentosos ◊ est unu canali mannu e totu perda aundi calat un'arriu burdellosu 4. est a televisioni alluta andendi de unu canabi a s’àteru Sambenados e Provèrbios smb: Canale, Canali, Canalis Terminologia iscientìfica slg Ètimu ltn. canale(m) Tradutziones Frantzesu canal Ingresu channel Ispagnolu canal Italianu canale Tedescu Kanal.

canàciu , nm Definitzione una genia de tela grussa; trastu po si asciutare in manos, in cara, o àteru Sinònimos e contràrios abbamanu Terminologia iscientìfica ts Ètimu itl. canavaccio.

canacòsta cabagòsta

canacostínu , avb Definitzione a c. = (andhare) a canacosta, de rugadis, de traessu.

canadèglia, canadèlla cadranèlla

canadèsa , nf Definitzione genia de bestimentu serrau, po totu sa carena, fatu in duas partes, una fintzes a chintzu e s'àtera de chintzu in susu Frases depit èssi genti pòbira: in sa canadesa portàt un'iscórriu impipau, aici! Terminologia iscientìfica bst.

canadílla cadranèlla

canàglia , nf: canalla, canàllia Definitzione gente mala, malefatora, àliga de muntonàrgiu Frases bator boltas mi azis pissitu… arratza de canàllia! ◊ una dí, cumenti Narcisu fiat nendi sa missa, una surra de canàllia intrat in crésia e apustis de dh'ai assartillau dhu lassant mesu mortu ◊ sa canàglia de su bichinau a cuss’ómine li nabat Zanchetone Tradutziones Frantzesu canaille Ingresu rogue Ispagnolu canalla, gamberro Italianu canàglia Tedescu Schuft.

canàgliu , nm: canaju, canalzu, canàrgiu, canarju, canartzu, canarzu, canaxu, cranaxu Definitzione chie ingollet o manígiat canes, mescamente cassandho (o chi fintzes ndhe pesat, ndhe custódiat e àteru); chi o chie faet atziones pagu bellas, pagu bonas Sinònimos e contràrios canateri / birbante Maneras de nàrrere csn: canàrgiu abarrau = su chi istat coizadu dendhe tentu a daisegus de sos àteros catziadores; c. scrancadori = su chi tentat in sas postas Frases sa die de sa catza dao su cane meu a su canarzu ◊ su capugassa at fatu unu signali a is canaxus ◊ canno fipo canàgliu no mi lassaiant mancu perchiare canno su capucatza fit ammustrànnennos sos sinnos de sas postas ◊ in catza bi sont sos canàglios e bi sont sos posteris 2. cussos canarzos de Montetzitóriu tochent a fora, mala raighina! ◊ ma abbàida ite mi at fatu cussu canarzu!… Sambenados e Provèrbios smb: Canargiu Ètimu ltn. canarius Tradutziones Frantzesu batteur, canaille Ingresu scoundrel, beater Ispagnolu perrero, canalla Italianu battitóre, bracchière, canàglia Tedescu Treiber, Schuft.

canagòsta cabagòsta

canài canàbi

canàju canàgliu

canalài , vrb Definitzione segare o iscavare una cosa a canale, fàere a canale Sinònimos e contràrios iscanalai Ètimu srd. Tradutziones Frantzesu canneler, rainer Ingresu to groove Ispagnolu acanalar, estriar Italianu scanalare Tedescu auskehlen.

canàle, canàli canàbi

canalíscu , agt Definitzione chi est de su canale, de sa badhe (nau de sa gente chi istat in sa badhe de su Tirsu) Ètimu srd.

canàlla, canàllia canàglia