A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

campiòni campiòne

campiónu , nm Definitzione su campionare / fàghere cosa a campionu = bene, cun órdine, cun métidu Ètimu srd.

campíre , vrb Sinònimos e contràrios bívere, campae Frases seus trabballanno po campire e no po errichire!

campíste , nm Definitzione badrianu de campu Sinònimos e contràrios barracellu Ètimu spn. campista.

campitzàre , vrb: campizare, camputzare Definitzione campare comente male si podet, chentza fortza meda Sinònimos e contràrios arramputzare, campugiai, campurigiai Frases de cudhu mannau chi campizaiat sos mandroníglios no si ndhe agatat zenia! ◊ campizat sa crabita a trazu de su chintorzu ◊ fit zentighedha chi campitzaiat cun pagu e nudha Ètimu srd. Tradutziones Frantzesu vivoter Ingresu to live from hand to mouth Ispagnolu ir tirando Italianu campicchiare Tedescu sich mühselig durchschlagen.

campixédhu campighédhu

campizàre campitzàre

campólicu, campóligu , agt Definitzione nau de sa fae lampósiga, pompósiga, calidade chi faet a tega manna meda Sinònimos e contràrios lampósigu Ètimu srd.

campólu , agt Definitzione nau de logu, chi est chentza matedu Frases tandho su pastore istaiat a culu a praza in su campu campolu (P.P.Fois).

campónzu , nm Definitzione manera de campare, su campare Ètimu srd.

campósu , agt Definitzione nau de logu, chi est apertu de dhue àere logu meda, chi est largu / sedha camposa Sinònimos e contràrios abbeltinu / iscampaniadu, scampiosu Terminologia iscientìfica slg Ètimu srd. Tradutziones Frantzesu spacieux, vaste, large Ingresu roomy Ispagnolu espacioso Italianu spazióso Tedescu geräumig.

càmpu , nm, agt Definitzione totugantu su logu foras de sa bidha; logu prus bàsciu, in paris, ue prus che àteru si sèmenant is laores; coment'e calidade de logu, chi no dhue at matas a meda, no dhue at matedu cracu, e chi po cussu assimbígiat a su terrenu de prènnere; foedhandho de logu o de is cosas po comente si bient, prus atesu e pagu distintas o prus ananti e prus distintas, mescamente candho funt figuradas in pinturas e trastos, sa parte de fundhu, sa prus atesu / min. campighedhu, campixedhu Sinònimos e contràrios campagna, sàltiu 1 / fundhu, irfundhu | ctr. bidha / monte / padente Maneras de nàrrere csn: abbertu in c. (logu, domo, zanna, àteru) = abbertu deretu, deunudotu; logu campu, terra campa = logu ue petzi bi est su terrinu, chentza matedu nudha; c. braxu = terrinu a pàsculu ue bi at matas puru, logu campu ma no deunudotu; campumata = terrinu azummai deunudotu cobertu de matas; èssiri a culu in c. (e a capedhu) = male cumbinadu, iscufusu; chelu campu = netu, chentza nues; bogare a c. = a) leare a campu, b) bogare una nada, pònnere carchi cosa in ziru, bogai a pillu; essire a c. = andai in campagna po biri, po trabballai; donai c. francu = lassare fàghere a unu totu comente pessat, donai ampra manu; andhare, essire campu campu = passai me is campus, totu in logu de campura pro andai a ccn. logu Frases nois semus zente de campu, no de bidha ◊ chie triballat in campu za la suerat sa vida! ◊ sa die bona si chircat in campu, pro fàghere faina 2. bellos cussos campos, totu triballados! ◊ dhui at unu campu de cardu ◊ is campus immoi funt totus messaus ◊ dae su monte a sos campos si est istérrida sa nue (G.Raga) 3. sa robba che la tenides in campu o in montes? ◊ élighes, chercos, totu ant isfundhadu: su monte chei su campu est resultadu netu de bi pòdere semenare 4. innanti b'aimis unu buscu mannu: como est totu campu! 5. sa fémina gighiat una falda a campu niedhu e a fiores granatos 6. bracones e zannas fint abbertos in campu ◊ si ponit sa camisa po no abarrai cun sa carri in campu ◊ bi at una nuighedha in chelu campu ◊ s’istore at bidu sa columba in logu campu ◊ bae a sa furca: cosas de bocare a campu sunt, custas?! ◊ teniat una deghina de ètaros de terra campa chi poniat a laore Sambenados e Provèrbios smb: Campu, Campus, (Decampus) Terminologia iscientìfica slg Ètimu ltn. campus Tradutziones Frantzesu champ, campagne Ingresu field, country Ispagnolu campo Italianu campo, campagna Tedescu Feld, Land.

campugiài, campugiàre, campugliàre , vrb: campullare, campuzare Definitzione campare a sa bona, male comente si podet Sinònimos e contràrios balivigare, campitzare, campurigiai Frases fint baranta cristianos chi campugliaiant cun pagos fiados a s'ispàstinu ◊ triballant ortos, téula e matone e si campullant sa pòvera vida (P.Lavra)◊ issu si dha campugiàt cun d-una parada de birduras chi bendhiat in pratza Ètimu srd. Tradutziones Frantzesu vivoter Ingresu to live from hand to mouth Ispagnolu ir tirando Italianu campicchiare Tedescu sich mühselig durchschlagen.

campulínu , agt Definitzione nau de erba, chi est de campu, chi faet a sola, chentza prantada Sinònimos e contràrios agreste | ctr. masedu Frases sunt bodhindhe frores campulinos Tradutziones Frantzesu sauvage Ingresu wild Ispagnolu silvestre Italianu campèstre Tedescu ländlich.

campullàre campugiài

campúra , nf Definitzione logu in paris mannu meda Frases campuras e padros sunt birdes in beranu ◊ ses tue su prus cànnidu lizu de totu sas campuras ◊ is campuras funt infrorendi 2. sa luna est caminendhe in sa campura de su chelu Terminologia iscientìfica slg Ètimu srd. Tradutziones Frantzesu vaste plaine Ingresu wide plain Ispagnolu llanura extensa, planicie Italianu pianura estésa Tedescu weite Ebene.

campúria , nf Definitzione logu campu, terrenu chentza matas e ne tupas Sinònimos e contràrios camparitu, iscamparitu Ètimu srd.

campurigiài , vrb Definitzione campare, tirare chentza grandhe fortza Sinònimos e contràrios arramputzare, balivigare, campitzare, campugiai Frases est bècia e maladiòngia, ma gei si dha campurígiat Ètimu srd. Tradutziones Frantzesu vivoter Ingresu to scrape a living Ispagnolu ir tirando Italianu vivacchiare Tedescu recht und schlecht leben.

campusàntu , nm Definitzione logu inue s'interrant is mortos Sinònimos e contràrios gimitóriu Frases cussu est unu bichinadu ispérdidu, desertu che campusantu abbandhonadu ◊ in domo bi aiat unu mudímene che in campusantu ◊ sos campusantos sunt logu sagradu Terminologia iscientìfica bdh Ètimu itl. Tradutziones Frantzesu cimetière Ingresu cemetery Ispagnolu cementerio Italianu camposanto Tedescu Friedhof.

camputzàre campitzàre