A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

campiòni campiòne

campiónu , nm Definizione su campionare / fàghere cosa a campionu = bene, cun órdine, cun métidu Etimo srd.

campíre , vrb Sinonimi e contrari bívere, campae Frasi seus trabballanno po campire e no po errichire!

campíste , nm Definizione badrianu de campu Sinonimi e contrari barracellu Etimo spn. campista.

campitzàre , vrb: campizare, camputzare Definizione campare comente male si podet, chentza fortza meda Sinonimi e contrari arramputzare, campugiai, campurigiai Frasi de cudhu mannau chi campizaiat sos mandroníglios no si ndhe agatat zenia! ◊ campizat sa crabita a trazu de su chintorzu ◊ fit zentighedha chi campitzaiat cun pagu e nudha Etimo srd. Traduzioni Francese vivoter Inglese to live from hand to mouth Spagnolo ir tirando Italiano campicchiare Tedesco sich mühselig durchschlagen.

campixédhu campighédhu

campizàre campitzàre

campólicu, campóligu , agt Definizione nau de sa fae lampósiga, pompósiga, calidade chi faet a tega manna meda Sinonimi e contrari lampósigu Etimo srd.

campólu , agt Definizione nau de logu, chi est chentza matedu Frasi tandho su pastore istaiat a culu a praza in su campu campolu (P.P.Fois).

campónzu , nm Definizione manera de campare, su campare Etimo srd.

campósu , agt Definizione nau de logu, chi est apertu de dhue àere logu meda, chi est largu / sedha camposa Sinonimi e contrari abbeltinu / iscampaniadu, scampiosu Terminologia scientifica slg Etimo srd. Traduzioni Francese spacieux, vaste, large Inglese roomy Spagnolo espacioso Italiano spazióso Tedesco geräumig.

càmpu , nm, agt Definizione totugantu su logu foras de sa bidha; logu prus bàsciu, in paris, ue prus che àteru si sèmenant is laores; coment'e calidade de logu, chi no dhue at matas a meda, no dhue at matedu cracu, e chi po cussu assimbígiat a su terrenu de prènnere; foedhandho de logu o de is cosas po comente si bient, prus atesu e pagu distintas o prus ananti e prus distintas, mescamente candho funt figuradas in pinturas e trastos, sa parte de fundhu, sa prus atesu / min. campighedhu, campixedhu Sinonimi e contrari campagna, sàltiu 1 / fundhu, irfundhu | ctr. bidha / monte / padente Modi di dire csn: abbertu in c. (logu, domo, zanna, àteru) = abbertu deretu, deunudotu; logu campu, terra campa = logu ue petzi bi est su terrinu, chentza matedu nudha; c. braxu = terrinu a pàsculu ue bi at matas puru, logu campu ma no deunudotu; campumata = terrinu azummai deunudotu cobertu de matas; èssiri a culu in c. (e a capedhu) = male cumbinadu, iscufusu; chelu campu = netu, chentza nues; bogare a c. = a) leare a campu, b) bogare una nada, pònnere carchi cosa in ziru, bogai a pillu; essire a c. = andai in campagna po biri, po trabballai; donai c. francu = lassare fàghere a unu totu comente pessat, donai ampra manu; andhare, essire campu campu = passai me is campus, totu in logu de campura pro andai a ccn. logu Frasi nois semus zente de campu, no de bidha ◊ chie triballat in campu za la suerat sa vida! ◊ sa die bona si chircat in campu, pro fàghere faina 2. bellos cussos campos, totu triballados! ◊ dhui at unu campu de cardu ◊ is campus immoi funt totus messaus ◊ dae su monte a sos campos si est istérrida sa nue (G.Raga) 3. sa robba che la tenides in campu o in montes? ◊ élighes, chercos, totu ant isfundhadu: su monte chei su campu est resultadu netu de bi pòdere semenare 4. innanti b'aimis unu buscu mannu: como est totu campu! 5. sa fémina gighiat una falda a campu niedhu e a fiores granatos 6. bracones e zannas fint abbertos in campu ◊ si ponit sa camisa po no abarrai cun sa carri in campu ◊ bi at una nuighedha in chelu campu ◊ s’istore at bidu sa columba in logu campu ◊ bae a sa furca: cosas de bocare a campu sunt, custas?! ◊ teniat una deghina de ètaros de terra campa chi poniat a laore Cognomi e Proverbi smb: Campu, Campus, (Decampus) Terminologia scientifica slg Etimo ltn. campus Traduzioni Francese champ, campagne Inglese field, country Spagnolo campo Italiano campo, campagna Tedesco Feld, Land.

campugiài, campugiàre, campugliàre , vrb: campullare, campuzare Definizione campare a sa bona, male comente si podet Sinonimi e contrari balivigare, campitzare, campurigiai Frasi fint baranta cristianos chi campugliaiant cun pagos fiados a s'ispàstinu ◊ triballant ortos, téula e matone e si campullant sa pòvera vida (P.Lavra)◊ issu si dha campugiàt cun d-una parada de birduras chi bendhiat in pratza Etimo srd. Traduzioni Francese vivoter Inglese to live from hand to mouth Spagnolo ir tirando Italiano campicchiare Tedesco sich mühselig durchschlagen.

campulínu , agt Definizione nau de erba, chi est de campu, chi faet a sola, chentza prantada Sinonimi e contrari agreste | ctr. masedu Frasi sunt bodhindhe frores campulinos Traduzioni Francese sauvage Inglese wild Spagnolo silvestre Italiano campèstre Tedesco ländlich.

campullàre campugiài

campúra , nf Definizione logu in paris mannu meda Frasi campuras e padros sunt birdes in beranu ◊ ses tue su prus cànnidu lizu de totu sas campuras ◊ is campuras funt infrorendi 2. sa luna est caminendhe in sa campura de su chelu Terminologia scientifica slg Etimo srd. Traduzioni Francese vaste plaine Inglese wide plain Spagnolo llanura extensa, planicie Italiano pianura estésa Tedesco weite Ebene.

campúria , nf Definizione logu campu, terrenu chentza matas e ne tupas Sinonimi e contrari camparitu, iscamparitu Etimo srd.

campurigiài , vrb Definizione campare, tirare chentza grandhe fortza Sinonimi e contrari arramputzare, balivigare, campitzare, campugiai Frasi est bècia e maladiòngia, ma gei si dha campurígiat Etimo srd. Traduzioni Francese vivoter Inglese to scrape a living Spagnolo ir tirando Italiano vivacchiare Tedesco recht und schlecht leben.

campusàntu , nm Definizione logu inue s'interrant is mortos Sinonimi e contrari gimitóriu Frasi cussu est unu bichinadu ispérdidu, desertu che campusantu abbandhonadu ◊ in domo bi aiat unu mudímene che in campusantu ◊ sos campusantos sunt logu sagradu Terminologia scientifica bdh Etimo itl. Traduzioni Francese cimetière Inglese cemetery Spagnolo cementerio Italiano camposanto Tedesco Friedhof.

camputzàre campitzàre