A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

campuzàre campugiài

càmu , nm: acamu, chemu 1 Definizione orrughedhu de linna chi si ponet in buca a istúturu (e acapiau a su tzugu) a is crabitos po no súere; lobu de fune postu in murros (a sa barra de fundhu) de un'animale po dhu pigare cun seguresa Sinonimi e contrari ammu, cabinzone, camedha 1, camusone, pubúgnulu Frasi s'impreabant sos camos pro istitare sos crapitos, ca no los lassabat súghere ◊ gighet s'àinu sempre a camu e a murrale ◊ no allónghies meta a su cadhu su camu, ma no li tires tropu su barbatzale Etimo ltn. camus, chamus.

camugórru , avb Definizione leare a c. = leare su pegus de bulu cun d-una manu betada a sa barra de fundu e cun s'àtera a unu corru faendho fortza a dhi atrotigare su tzugu po dhu betare a terra; prèndhere a c. = acapiare su pegus a sa barra e a su corru a manera de dhi mantènnere firma sa conca; andhare a c. = camminare a conca bàscia e atrotigada, a conca trota; abbaidare a c. = a ogos trotos 2. mi as miradu a camugorru timendhe sa cara mia aoscrada Etimo srd.

càmuju càjamu

càmula , nf Definizione su frore de s'olia a bisura de gurdonedhu Sinonimi e contrari cadràmula pannuga, ràmula Frasi ocannu sa càmula est bella e úriga: si no bi at istrobbu amus a tènnere olia meda ◊ sas olias zughent sa càmula noa e ancora olia betza Terminologia scientifica rbr Etimo crsn. cámula Traduzioni Francese inflorescence de l'olivier Inglese olive florescence Spagnolo rapa Italiano mìgnola, infiorescènza dell'ulivo Tedesco Olivenblütenstand.

càmula 1 , nf: càmura Definizione genia de bobboi chi ponet a sa lana Sinonimi e contrari arna, àrrala, arrentza, carignàtula, lanasta, papagalledhu, tingiolu Terminologia scientifica crp, tinea tapetzella, t. pellionella.

camulàre , vrb Sinonimi e contrari acaogare, afandhare, afauciae, allacanae, assupai, sufratare Traduzioni Francese languir, haleter Inglese to languish Spagnolo languidecer, jadear Italiano languire, ansimare Tedesco ermatten.

camumílla cabbumílla

càmura càmula 1

camurrísta camorrísta

camúrru , agt, nm: gamurru Definizione ignorante, unu chi tenet unu fàere chi dirgustat Sinonimi e contrari grosseri Frasi fit un'ómine camurru, ma atrividu Terminologia scientifica ntl Traduzioni Francese fruste, rude Inglese rough and unpleasant person Spagnolo grosero Italiano persóna rózza e antipàtica Tedesco ungehobelter und unsympathischer Mensch.

camusàju , nm Definizione suetore de pedhes, chie trebballat sa pedhe de is animales po dha fàere bella, bona po dha manigiare Terminologia scientifica prf Traduzioni Francese tanneur Inglese tanner Spagnolo curtidor Italiano conciatóre Tedesco Gerber.

camúsciu , nm Definizione sa pedhe de una genia de craba chi no si agatat in Sardigna; una genia de careta / contzare a camúsciu = camussai Sinonimi e contrari camussa Etimo itl. camoscio.

camusína cambusína

camúsiu càjamu

camusòne , nm: comusone Definizione orrughedhu de linna chi si ponet in buca a is crabitos po no súere Sinonimi e contrari acamu, cabinzone, camedha 1 Etimo srd.

camússa , nf Definizione sa pedhe de una genia de craba chi no si agatat in Sardigna / conciai a c. = camussai Sinonimi e contrari camúsciu Terminologia scientifica anar, rupicapra rupicapra Etimo ctl. camussa Traduzioni Francese chamois Inglese chamois Spagnolo gamuza Italiano camòscio Tedesco Chamoisleder.

camussài , vrb Definizione giare sa camussa a is pedhes, conciare sa pedhe a manera chi essat coment'e pilosa Etimo srd. Traduzioni Francese chamoiser Inglese to chamois Spagnolo agamuzar Italiano scamosciare Tedesco sämisch gerben.

camussàju , nm Definizione maistu chi cònciat, camussat is pedhes Sinonimi e contrari conciadori.

camussínu cambussínu