A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fratàda 1 , nf Definitzione su fratare, tratagasada (de casu o àteru) Ètimu srd.

fratadòre , agt, nm Definitzione chi o chie tratat, tratagasat.

fratadúra , nf Definitzione su tratagasare Ètimu srd.

fratagàsu fratacàsu

fratàju , agt Definitzione chi est amigu de is paras.

fratàle , nm Definitzione logu de frata, de malesa, logu totu tupas ispinosas Sinònimos e contràrios frascarzu, ispinalzu Terminologia iscientìfica slg Ètimu srd.

fratamàza , nf Definitzione gente de pagu contu, chi no est de cabbale Sinònimos e contràrios gentaredha, gentixedha, ratatúglia, scrufulia Tradutziones Frantzesu racaille Ingresu scum Ispagnolu populacho Italianu gentàglia Tedescu Gesindel, Pack.

fratamúza , nf Definitzione cosighedha pitica Sinònimos e contràrios arrogalla, cífrinu, cruscuza, fafaruza, frataza, piciualla, pispisa, vèglia.

fratàre , vrb Definitzione arrasigare a fine cun su tratagasu; arrasigare sa pedhe po papíngiu, arrasigare po àteru Sinònimos e contràrios teriae, tratai / arrasigai, scrafi 2. ramos sicos e prumutza ispinosa frataiant sos pantalones curtzos de sos pitzinnos ◊ est fratèndhesi sas manos pro si frobbire su ludu Ètimu itl. grattare Tradutziones Frantzesu râper Ingresu to grate Ispagnolu rallar Italianu grattugiare Tedescu reiben.

fratàre 1 , vrb Definitzione cricare (o andhare aifatu de) is peadas, de s'arrastu de bestiàmene, de gente; passare lassandho is postas de pei, catzigandho o imbrutandho su logu, fintzes andhare a frata, a s'apràpidu Sinònimos e contràrios addromare, arrastai, arrestallai, atratare, atrataritzare, orminare, ormizare, trateare Ètimu srd.

fratassàre faldassài

fratassàu , pps, agt: fardassau Definitzione de fratassare; chi est fatu, allisau, trebballau a fardassu.

fratàssu, fratàtzu fadràssu

fratàu , pps, agt Definitzione de fratare / pane f. = papai fatu cun pani carasau isciustu in su brodu, postu a pillus cun casu tratau, bagna e un'ou fritu in pitzu 2. li apo fatu a mannicare unu pacu de casu fratau.

fratàu 1 faltàdu

fratàza , nf Definitzione cosa orrugada a cantighedhos piticos Sinònimos e contràrios arremusulla, arrogalla, chirchiza, cífrinu, fafaruza, fratamuza, paparida, piciualla, pispisa, pistazia, romasiza, tzimuca, vèglia Ètimu ltn. *fractalia Tradutziones Frantzesu plâtras, restes, miettes Ingresu flakes of dry plaster, remains Ispagnolu cascotes, sobras, migajas Italianu calcinàcci, rimasùgli, briciolame Tedescu Schutt, Rest, Brotkrümchen.

fratazadúra , nf Definitzione su fratazare; cosa fratazada Sinònimos e contràrios arrogalla, biculaza, círfinu Ètimu srd.

fratazàre , vrb Definitzione fàere a frataza, segare a pitichedhedhu, a orrughedhos Sinònimos e contràrios amminudare, filchinare, ifrighinare, irfarfaruzare, scirfinai, sfiniallai, spamparinai, spimpirallai, spimpiridai / manigare 2. s'àinu batit paza e issu si la fratazat Ètimu srd. Tradutziones Frantzesu émietter Ingresu to crumble Ispagnolu desmenuzar, desmigajar Italianu sbriciolare Tedescu zerbröckeln.

fratazía , nf Sinònimos e contràrios frataza.

fratàzu , nm Definitzione orrugu de ossu, de ferru o àteru chi si ponet apicau aintru de is sonàgias po dhas fàere sonare Sinònimos e contràrios antarzu, batàgliu*, limbassa, limbatzu, limbedha, matàgliu, pichiagiolu, trantallu Frases su chi intendhes atesu est su sonarzu mannu: a corpos de fratazu faghet de ghia a su masone.