A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fúnnu fúndhu

funnúdu fundhúdu

funnurúza fundhulúza

funsionài , vrb: funtzionai, funtzionare Definitzione nau prus che àteru de màchinas e imbentos, chi camminant, chi faent is movimentos e su trebballu chi depent, chi serbint bene a un'iscopu 2. deo tèngio esperiénsia in custas cosas e cumprendho súbbitu candu sa cosa funsionat o non funsionat! Tradutziones Frantzesu marcher, fonctionner Ingresu to operate Ispagnolu funcionar Italianu funzionare Tedescu funktionieren, arbeiten.

funsiòne , nf: afuntzioni, funtzione, funtzioni Definitzione su funtzionamentu, su funtzionare, mescamente nau de un'organísimu (animale, vegetale o de àtera genia, de unu aparíciu mecànicu); pregadorias, missa, pésperu o àteras faturas a onore de Deus e santos; nau cun ispantu, e fintzes cun tzacu, cosa male fata, chi dispraxet, chi faet arrennegare Sinònimos e contràrios ofísciu / fizilia Frases sa funtzione de is dentes est de matziare su chi papaus ◊ una die de allegria chin sos fratiles e chin sos tzios, a parte sa funtzione de continuidade in sa parentela, est un'ocasione po issire dae tantu malumore (T.Cherchi) 2. sa genti fut andendisindi ca fiat totu acabbau, funtzioni e sarmoni ◊ a ti l'ammentas su contu de cussu Corale antigu pro sas funtziones de sa Chenàbura Santa?…(A.M.Pala) 3. a ndhe cheres bídere de sa funtzione?!…◊ bidindhe cussa funtzione so restadu transidu ◊ addaghi at bidu sa funtzione ndhe torrat afutadu frastimendhe ◊ ite funtzione, intendho chi ndhe ant torradu su mànigu!…◊ tiu Tzitzu, candho at bidu cussa funsione, insedhat su cadhu e a binza a brigare sos teracos! ◊ daghi sa pitzinna at contadu sa funtzione, sa nonna li at nadu a si asseliare.

funtaminàre , vrb Sinònimos e contràrios arranomonai, arremonae, fentomare, mantovare, mentomare, nemonai Frases mudas che balla, sidhiosi e non funtamineis prus a Mariaghinisu! (L.Mura) Ètimu srd.

funtàna fantàna

funtanèlla , nf Definitzione grifone púbblicu cuncordau in is orrugas, pruschetotu inue si ndhe atóbiat duas, po pòdere pigare s'abba púbblica Sinònimos e contràrios grifone 1, puntanella Frases sas féminas fint fatendhe sa fila in sas funtanellas pro si che leare pagos litros de abba.

funtanéri , nm Definitzione maistu chi cuncordat o faet funtanas, putzos Terminologia iscientìfica prf.

funtànu , nm Definitzione sos funtanos: nau a sa senneresa, funtanas.

funtómu fentómu

funtòri , nm: puntore* Definitzione male de punta, mescamente male a bentre, male mannu fintzes de ndhe mòrrere; s'incubadura chi bochit is animales candho papant erba caente e isciusta Sinònimos e contràrios mabadia Frases cust'impiastu de dotori… su funtori dhi pighit, a issu! ◊ e unu funtoredhu: gei ses pedhi bella!… Terminologia iscientìfica mld Tradutziones Frantzesu pleurésie Ingresu pleurisy Ispagnolu pleuritis Italianu pleurite Tedescu Rippenfellentzündung, Brustfellentzündung, Pleuritis.

funtzionài funsionài

funtzionaméntu , nm Definitzione su funtzionare, su fàere de un'aparíciu, de una calesiògiat màchina, fintzes de unu cuncordu o organísimu chi trebballat cunforma a un'iscopu o a unu programma Sinònimos e contràrios funsione Frases su funtzionamentu de s’archibbusu fiat perfetu ◊ fintzas s'issòpero de pacas pessones podet firmare su funtzionamentu de un’istabbilimentu Tradutziones Frantzesu fonctionnement Ingresu functioning Ispagnolu funcionamiento Italianu funzionaménto Tedescu Funktionieren.

funtzionàre funsionài

funtzionàriu , nm Definitzione impiegau de un'ente, mescamente in postu de gradu artu.

funtziòne, funtziòni funsiòne

fúra , nf Definitzione su furare, su s'impobidhare de sa cosa angena; sa cosa furada Sinònimos e contràrios aciapa, arrelantzu, bardana, furóngiu, ladratzonia, ladroneria, sdorrobbatóriu Maneras de nàrrere csn: f. prana, f. fraissina = aciapa, fura fata cun trassa, ma chentz'armas, sentza de si ndi acatai su meri; avb. a fura = manera de leare, ma fintzas manera de fàghere chentza èssere bidos: a cua Frases leant dai totue inchibberèndhesi a fura piana (G.Fiori)◊ sa fura iscóviat povintzas a chini no dh'iat a bolli isciri! ◊ de bestiàmine a fura prana no mi ndhe ant tentu mai ◊ cun s'ódiu e sa fura est ora de l'acabbare! ◊ zae tentu ca est torrandhe sa fura!◊ mi che ant furadu sa bistrale a fura prana! 2. iant fatu unu sdorrobbatóriu e is bandidus fiant aprobiaus a campusantu po dividí sa fura Ètimu srd. Tradutziones Frantzesu vol, appropriation Ingresu theft Ispagnolu robo Italianu furto, ruberìa Tedescu Diebstahl, Diebesgut.

furabbéntu , nm: furaentu Definitzione logu in aprigu, logu inue no dhue tocat bentu Frases peri si tzapo carchi furabbentu, su fritu no mi lassat sa carena ◊ sos seros de iberru, in cussu furabbentu, babbu mi contabat babizones de ammentos ◊ si sunt acoconaos in su furabbentu de un'alapinna Ètimu srd.

furabbúscia , nm Definitzione chie furat istúgios ue dhue podet àere dinare (bussas, portafógliu, o àteru deasi) Sinònimos e contràrios sbertadori Tradutziones Frantzesu pickpocket Ingresu pickpocket Ispagnolu carterista Italianu borsaiòlo Tedescu Taschendieb.