A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

fungudèsa , nf: fungulesa Definitzione su èssere fungudu de sa cosa Sinònimos e contràrios fungori, fungutúmine, profundhidade, truvucaria Frases sunt iscummitendhe cantos metros est de fungulesa su putu Ètimu srd.

fungúdu , agt: funguru, fungutu Definitzione chi giughet su fundhu in bàsciu meda; chi calat a fundhu o, nau de unu pentzu, de un’idea, chi bolet nàrrere cosa meda, de importu / terra funguda = terra russa, chi falat a fundhu chentza agatare pizu de pedra Sinònimos e contràrios burgutu, copudu, fosciudu, fucudu, fundhucu, fundhudu, putudu, trevucu, tufudu | ctr. subranu Frases su putu fit mannu e fungutu ◊ custa perca est funguda: betèndheche una preda no s'intendhet candho ferit ◊ in cue sa terra est totu paris e funguda ◊ su nie fit fungutu, a pizu russu ◊ cust'istampu tocat a dhu fai prus funguru 2. s'arriscu giughet a fungudos isetos de pena ◊ in sas abbas fungutas de s'ingannu su tempus che afungat sos ómines toltos ◊ tue ses disizu fungudu de sos beranos (C.Puddu) Ètimu srd. Tradutziones Frantzesu profond Ingresu deep Ispagnolu profundo, hondo Italianu profóndo Tedescu tief.

fungulèsa fungudèsa

fungullútu , agt Sinònimos e contràrios fungudu Frases chie bos at ghiadu in cussas vadhes fungullutas e bujas?

fungulússu fungarútzu

fungulúza , nf: funguruza Sinònimos e contràrios fundaina, fundhuluza* Frases cogliat sas funguluzas de sas famílias pro calchi póveru Tradutziones Frantzesu reste, résidu Ingresu remainder Ispagnolu sobra Italianu rimasùglio Tedescu Rest.

fungupísina fungubísinu

fungúru fungúdu

fungurúza fungulúza

fungútu fungúdu

fungutúmine , nm Definitzione su èssere fungudu de sa cosa o fintzes de unu pentzamentu, de unu fàere, de un'idea, su bòllere nàrrere cosa meda, su àere significau mannu Sinònimos e contràrios fungudesa Ètimu srd.

fúni fúne

funighèdha , nf: funixedha Definitzione genia de fune finedhedha Sinònimos e contràrios balentinu, cannabitu, cordedha, cordigliola, filadissa, funedhu, grosseru, ispaitu, músciu, presógliu, reste, restiga 1, toroneu, tzunghedhu / cdh. funicedha Ètimu srd. Tradutziones Frantzesu ficelle, cordelette Ingresu string Ispagnolu cuerdita Italianu funicèlla Tedescu Schnur.

funimènta , nf Definitzione funes, totu is funes Sinònimos e contràrios cordàgiu, funàmine.

funixèdha funighèdha

fúnna , nf Definitzione cosa chi unu bolet, a ue punnat, crica / èssere in f. de… = in chirca de… Sinònimos e contràrios punna*.

funnàgu frundhàgu

funnàle fundàbi

funnamènta fundaméntu

funnèdha , nf Definitzione bestimentu de fémina de istrínghere in chintzu, larga, longa fintzes a cambúcios Sinònimos e contràrios bunnedha, gunnedha*, munnedha, punnedha Frases suta de sas funnedhas cussas pitzinnas sont budhinne che furredha de frailàgliu! ◊ Meledha no nche aiat picatu nudha, solu sas funnedhas e sas brusas Terminologia iscientìfica bst.