A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

fungudèsa , nf: fungulesa Definizione su èssere fungudu de sa cosa Sinonimi e contrari fungori, fungutúmine, profundhidade, truvucaria Frasi sunt iscummitendhe cantos metros est de fungulesa su putu Etimo srd.

fungúdu , agt: funguru, fungutu Definizione chi giughet su fundhu in bàsciu meda; chi calat a fundhu o, nau de unu pentzu, de un’idea, chi bolet nàrrere cosa meda, de importu / terra funguda = terra russa, chi falat a fundhu chentza agatare pizu de pedra Sinonimi e contrari burgutu, copudu, fosciudu, fucudu, fundhucu, fundhudu, putudu, trevucu, tufudu | ctr. subranu Frasi su putu fit mannu e fungutu ◊ custa perca est funguda: betèndheche una preda no s'intendhet candho ferit ◊ in cue sa terra est totu paris e funguda ◊ su nie fit fungutu, a pizu russu ◊ cust'istampu tocat a dhu fai prus funguru 2. s'arriscu giughet a fungudos isetos de pena ◊ in sas abbas fungutas de s'ingannu su tempus che afungat sos ómines toltos ◊ tue ses disizu fungudu de sos beranos (C.Puddu) Etimo srd. Traduzioni Francese profond Inglese deep Spagnolo profundo, hondo Italiano profóndo Tedesco tief.

fungulèsa fungudèsa

fungullútu , agt Sinonimi e contrari fungudu Frasi chie bos at ghiadu in cussas vadhes fungullutas e bujas?

fungulússu fungarútzu

fungulúza , nf: funguruza Sinonimi e contrari fundaina, fundhuluza* Frasi cogliat sas funguluzas de sas famílias pro calchi póveru Traduzioni Francese reste, résidu Inglese remainder Spagnolo sobra Italiano rimasùglio Tedesco Rest.

fungupísina fungubísinu

fungúru fungúdu

fungurúza fungulúza

fungútu fungúdu

fungutúmine , nm Definizione su èssere fungudu de sa cosa o fintzes de unu pentzamentu, de unu fàere, de un'idea, su bòllere nàrrere cosa meda, su àere significau mannu Sinonimi e contrari fungudesa Etimo srd.

fúni fúne

funighèdha , nf: funixedha Definizione genia de fune finedhedha Sinonimi e contrari balentinu, cannabitu, cordedha, cordigliola, filadissa, funedhu, grosseru, ispaitu, músciu, presógliu, reste, restiga 1, toroneu, tzunghedhu / cdh. funicedha Etimo srd. Traduzioni Francese ficelle, cordelette Inglese string Spagnolo cuerdita Italiano funicèlla Tedesco Schnur.

funimènta , nf Definizione funes, totu is funes Sinonimi e contrari cordàgiu, funàmine.

funixèdha funighèdha

fúnna , nf Definizione cosa chi unu bolet, a ue punnat, crica / èssere in f. de… = in chirca de… Sinonimi e contrari punna*.

funnàgu frundhàgu

funnàle fundàbi

funnamènta fundaméntu

funnèdha , nf Definizione bestimentu de fémina de istrínghere in chintzu, larga, longa fintzes a cambúcios Sinonimi e contrari bunnedha, gunnedha*, munnedha, punnedha Frasi suta de sas funnedhas cussas pitzinnas sont budhinne che furredha de frailàgliu! ◊ Meledha no nche aiat picatu nudha, solu sas funnedhas e sas brusas Terminologia scientifica bst.