A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Abbreviazioni | Legenda Simboli

fúndu 1, fundúcu fundhúcu

fundúdu fundhúdu

fundurúlla fundhulúza

fundurullósu fundarillósu

fundurúllu fundhulúza

fundurússu , nm Sinonimi e contrari cocoininni, concuda, pabarantzolu Terminologia scientifica rba.

fundurúxu fundhulúza

fúne , nf: funi Definizione genia de cosa forte atrotigada o téssia de essire tundha e longa meda, de diferente grussària, po acapiare, tènnere e pigare animale; in cobertantza, sa fune est domíniu, mancamentu de libbertade, acàpiu e dipendhéntzia, ma fintzes arrégula / min. funedha, funedhutza / zenias de fune: funi de spartu, de cannau, de giuncu, de pilu Sinonimi e contrari cànnabu, sédina, soca Modi di dire csn: atrotoxau che una f. = totu profizadu; dare f. curtza a unu = dare paga fide, fidàresi pagu de unu, no dàreli ampra manu; bogai sa f. a unu, a una cosa, a una faina = dàreli fune longa, lassàrelu andhare o fàghere totu comente cheret, lassare istare; èssere o andhare a f. isorta = cun tropu libbertadi, sentza de régula; bogare de f. a una cosa, segàreli sa f. = lassaidha a pèrdiri, bogare de cabu; domare a f. = fàghere sa prima domadura de un'animale; contare a f. curtza = contai contus sentza de si pèrdiri in furriotus; andhare a f. = pigaus acomenti si pigant is animalis; no andhare mancu a f. (nau de unu) = èssiri trotu peus de su molenti, no ascurtai mai s'arrexoni, èssere malu a fune, no pònniri in menti Frasi prendho s'àinu a fune longa de poder pàschere ◊ in logu de fàghere dannu, s'animale cheret presu a fune curtza 2. bògali de fune de la chircare, tantu no lu agatas! ◊ bògali de fune a cussa cantilena! ◊ fiza mea, bòcali sa fune, làssalu chi si tiret su trucu! ◊ segàibbi sa fune e allegamos de àteras chistiones! 3. canno su contu est contatu a fune curtza, s'arréjonu caminat, iscutet su brincu e torrat a domo (B.Bandinu)◊ cussu cristianu est dortu chi no andhat mancu a fune! ◊ mancari tirriosa e mala, a fune zai ammasetzas! ◊ as a èssere unu pegus mancante, de cussos chi no andhant mancu a fune! 4. a sa fune anzena sias rude! Cognomi e Proverbi smb: Funedda, Funi / prb: a cuadhu papadori funi crutza! ◊ fune ligat boe e paràula ligat ómine ◊ donzi cadhu at segadu sa fune sua Etimo ltn. fune(m) Traduzioni Francese corde Inglese rope Spagnolo cuerda, soga Italiano fune, còrda Tedesco Seil.

funédhu , nm Definizione funighedha finivini po acapiare cosa Sinonimi e contrari balentinu, cannabitu, cordedha, filadissa, ispaitu, músciu, toroneu, tzunghedhu Frasi a funedhu si prendhet sa buca de sos sacos Traduzioni Francese cordelette Inglese cord Spagnolo cordita Italiano cordicèlla Tedesco Schnur.

funedhútza , nf Definizione min. de funedha, fune pitica Sinonimi e contrari cherdiola.

funegrísti , nf Definizione spina de Cristus, linna ispinosa chi faet a tupa, a ispinas longas Sinonimi e contrari ispinasanta, prunagrista, spinagristi 1 Terminologia scientifica mt, Lycium europaeum Etimo srd.

funeràle, funeràli , nm Sinonimi e contrari interru.

funeténtu , avb Definizione a f. = pigau a funi, pigau o cumandau coment'e un'animali.

fungària , nf Sinonimi e contrari fundària, fungori, fungudesa, tuvucaria Frasi cantus metrus est sa fungària de custa funtana?

fungarútzu , agt: fungulussu Sinonimi e contrari devucu, fucudu, fungudu, trevucu | ctr. ladu.

funghèdha , nf Definizione linna pudrigada e sicada meda, in mesu de is truncos, pedhe morta; sa pedhe de su zurrete, sa bentre chi si prenat po còere su sàmbene de sa brebè Sinonimi e contrari prudedha Frasi sa linna de su truncu est pagu sana, est una tuva prena de funghedha.

fungòri , nm Sinonimi e contrari fungudesa, fungutúmine, profundhidade Etimo srd.

fúngos , nm pl Definizione genia de maladia de is cuadhos, ma fintzes su codrolinu chi si arregollet po papare / andhare a fungos = andai a circai corrorinu Terminologia scientifica mld, rba.

fungubísinu , nm: fungupísina Definizione busina de matzone o tebbacu de margiani, genia de codrolinu, pitichedhedhu, chi, candho est passau, istrecandhodhu faet coment'e unu bufietu (e po cussu dhi narant fintzes sa fodhe) Sinonimi e contrari bussamariana, buscicaninu, fogubíssimu, ispiscinifogu, pisinache 1, scapavumu Terminologia scientifica atn, Lycoperdon bovista Etimo srd. Traduzioni Francese vesse-de-loup Inglese puffball Spagnolo pedo de lobo Italiano véscia di lupo Tedesco Bovist, Bofist.

fungubíssimu, fungubíssinu, fungubíssiu , nm Definizione genia de maladia, mufa niedha chi ponet a su trigu e dhu faet a crabone o a trigu mortu; busina de matzone o tebbacu de margiani, genia de codrolinu pitichedhu Sinonimi e contrari bruvurinu, fodhebíssina, fogubíssimu, gurtizone, ispiscinifogu / fungubísinu Frasi su trigu est prenu de lullu e fungubíssinu: menescit prugau bèni deghinou no fait a fai su pani Terminologia scientifica atn, Tilletia caries.