A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gríllaru grígliaru

grillète , nm: grilletu Definitzione cane de fosile, parte de un'arma chi si tirat cun su pódhighe po iscúdere su martedhu a betare su tiru; foedhandho de sa natura de sa fémina, limbedhu o tituledha Sinònimos e contràrios sparadori Frases ita istocada ndi apu a fai de cust'iscupeta candu no seu bonu mancu a cracai su grilletu?! ◊ tenia un'archibbusu chi, apenas chi tocai su grillete, de tiros ndhe partiat ses e sete Tradutziones Frantzesu détente Ingresu trigger Ispagnolu gatillo Italianu grillétto Tedescu Abzug.

grilletòni , nm Definitzione puda de bide cun assumancu bàtoro ogos Ètimu srd.

grillètu grillète

gríllia gríglia 1

grilliadòre , agt, nm Definitzione chi o chie manígiat sa gríllia po sedatzare cosa.

grilliadúra , nf Definitzione su passare in sa gríglia Sinònimos e contràrios coladura.

grilliàre , vrb Definitzione passare sa cosa in sa gríglia Sinònimos e contràrios cobai.

grilliàu , pps, agt Definitzione de grilliare; chi est passau (in sa gríglia).

grílliri grígliaru

grillonàdu , agt Definitzione chi portat grigliones Frases est arribbadu chin sa tràbila de s'impinnu totu bene galonada e grillonada Ètimu srd.

grillòne grigliòne

gríllos gríglios

grillósu , agt Definitzione nau de ccn., chi est de ideas o de fàeres unu pagu improvisaos, chi no s'ischit mai ite si dhi depet ibertare Sinònimos e contràrios bizarrosu, ideàticu, sconchidhisciau.

gríllu grígliu

gríllu 1 , nm Definitzione sa tzeurra noa chi bogant is sèmenes e is frutos, unas cantu erbas coment'e sa chibudha, s’àgiu e àteras deasi Sinònimos e contràrios inseurru, serione, tudhu Frases a su sangunedhu dhui andat bèni sa cibudha a grillu Terminologia iscientìfica rbr Ètimu ctl., spn. grill, grillo,

gríllus gríglios

grílu , nm Definitzione calidade de bide e de àghina madura, a pibiones matucos.

gríma , nf Definitzione cosa chi s'istat sèmpere pentzandho, chi si giughet in conca a sa sighia Sinònimos e contràrios abeju, berinizu, violu Frases no mi ch'essint mai dae grima, ca sas anzones meressint sentidas! ◊ sa grima issoro fit de fàghere sa cosa sa die de mesaustu Tradutziones Frantzesu marotte, dada Ingresu fixed idea Ispagnolu manía, idea fija Italianu idèa fissa Tedescu Zwangsvorstellung, fixe Idee.

grimbiàle , nm Definitzione genia de pinzos de pònnere in pitzu po no s'imbrutare, mescamente su chi ponent is piciochedhos de iscola Sinònimos e contràrios àntela, fadreta, falda, fantallicu, fascadòrgia, frandha, panneananti, saúciu Terminologia iscientìfica bst. Ètimu itl. grembiule.