A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

gherrabíga , nf: gherrapica Definitzione genia de gherra, gherrígiu a foedhos, cun abbétias Sinònimos e contràrios abbétia, ghirta, reota, tiristratza Ètimu srd. Tradutziones Frantzesu logomachie Ingresu logomachy Ispagnolu logomaquia Italianu logomachìa Tedescu Wortstreit, Wortgefecht.

gherradòre, gherradòri , agt, nm: gherratore Definitzione chi o chie faet gherra o dhi praghet a brigare Sinònimos e contràrios gherreri, gherrianu, gherristu Frases si sa fera fit gherratora, tanno isse si sentiat prus forte ◊ cussos sunt àbbiles gherradores a istrumpas Ètimu srd.

gherràe, gherrài , vrb: gherrare, gherriai Definitzione peleare meda, fàere sacrifícios mannos mescamente trebballandho po campare, fàere cosa cun dificurtade manna; fàere gherra, iscórriu mannu de s'iscúdere e de fàere dannu; fàere gherra coment’e is militares, cun armamentos Sinònimos e contràrios gherredhae, matanai, peleai, traballare / certai Frases funt de diora a nosu gherrendusí ca nanca seus impiasteris ◊ sa vida gherrant a dogni manera, triballant totus, mannos e minores ◊ noso colaiamus comente potiamus, totu gherrandho chin sa manu nostra ca atros trabballos no si ndhe teniat ◊ Cristos sa bida za l'at gherrada! ◊ sos cumpanzos de sartu fint gherrandhe issos puru pro sa bida ◊ seus gherrandho po nos aumentae cussos cuatro sodhos ci nos daet su mere 2. istat in d-unu buturinu serradu chi su sole la gherrat a b'intrare 3. ganas de gherriai teneis? ◊ cussos pisedhos innantis fint zoghendhe paris e apustis si sunt totu gherrados ◊ sos lacanarzos si sunt brigados e gherrados puru 4. nche los ant picaos a totus, babbos, zòvanos e isposos, che bestiàmene a su masellu, a locos mai bidos e ne connotos, a gherrare frades Ètimu spn. guerrear Tradutziones Frantzesu lutter, combattre Ingresu to war Ispagnolu luchar, guerrear Italianu lottare, combàttere, guerreggiare Tedescu kämpfen, ringen, im Kriege stehe

gherrajólu , nm Sinònimos e contràrios gherreri, gherristu | ctr. pachiosu.

gherraméntu , nm Definitzione su istare a gherra, su gherrare Sinònimos e contràrios garrígiu, gherronzu | ctr. assébiu Frases no timas su bentu: ista in gherramentu! ◊ sunt semper in gherramentu cun s'inimigu Ètimu srd.

gherrantínu , agt, nm Definitzione chi o chie costumat a s'iscontroriare brigandho e gherrandho Sinònimos e contràrios brigantinu, ghírtalu, pretadori | ctr. pachiosu Ètimu srd.

gherràre gherrài

gherratòre gherradòre

gherredhàe , vrb Definitzione gherrare in su sensu de peleare, trebballare meda, a pelea Sinònimos e contràrios gherrae, matanai, peleai.

gherréri , agt, nm Definitzione chi o chie faet is gherras Sinònimos e contràrios gherradore, gherristu / cdh. ghirreri Frases sos gherreris si acucaiant suta de sos iscudos Ètimu ctl., spn. guerrer Tradutziones Frantzesu guerrier Ingresu warrior Ispagnolu guerrero Italianu guerrièro Tedescu kriegerisch, Krieger.

gherriài gherrài

gherriànu , agt Definitzione chi gherrat, chi istat a gherra, dhi praghet a gherrare Sinònimos e contràrios gherradore, gherreri, gherristu | ctr. pachiosu Ètimu srd. Tradutziones Frantzesu belliqueux Ingresu warlike Ispagnolu belicoso Italianu bellicóso Tedescu kriegerisch

gherrigàre , vrb Definitzione lpigare a gherra, lòmpere a unu a dhu cracare; fintzes imbestire, giare un'atumbada 2. cussu est mortu de intzidente: si ch'est essidu a ziru e che l'at gherrigadu una màchina!(G.B.Fressura)

gherrigiài, gherrigiàre , vrb: gherrizare Definitzione istare o èssere a gherrígios Sinònimos e contràrios gherrunciai, ingherriare, irgherremiare Frases trantzidi, no mi toches ca so un'ómine mannu e no tenzo gana de gherrizare cun tue!

gherrígiu garrígiu

gherrincionài , vrb Definitzione gherrigiare a giogu, nau de piciochedhos; nau de gente manna, leàresi a tírria, fàere dispetos, èssere a gherra, in malas Sinònimos e contràrios ingherriare / gherrare 2. duus mannus funt gherrincionendi candu si ódiant, si faint dispetus Ètimu srd.

gherríscu , agt Sinònimos e contràrios gherradore Ètimu srd.

gherrístu , nm Definitzione chie gherrat, faet is gherras (e totu su chi si faet po fàere male a is àteros), istat a gherrígiu Sinònimos e contràrios gherradore, gherrajolu, gherreri, malu | ctr. pachiosu Frases ponidí custu prafallissu bidri e su capedhu de gherristu Ètimu srd. Tradutziones Italianu violènto

gherrizànte , agt Definitzione chi istat a gherra, matanandho, sèmpere faendho Frases su cadhu est animosu e gherrizante ma no faghet proa in logu tortu.

gherrizàre gherrigiài