A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

incorràda , nf Definitzione bultzone de boe, cropu o iscaviada chi is boes giaent cun is corros, mescamente movendho sa conca a corpu Sinònimos e contràrios incorradura, sigorrada / cdh. incurrata, ttrs. iscurrada Frases candho muschinzas in su tirighinu timent totu s'incorrada frusca (G.A.Cossu)◊ a s'incorrada su boe ndhe at betadu s'antarile ◊ sos boes ant leadu su cane a incorradas ◊ baidindi candu passant is bois, no nd'ingollas calincuna incorrada! Ètimu srd. Tradutziones Frantzesu coup de cornes Ingresu goring, header Ispagnolu cornada Italianu cornata, cozzata Tedescu Hörnerstoß.

incorradítu , agt: incorraitzu Definitzione nau de boe, chi costumat a incorrare Sinònimos e contràrios incorradore Frases no apo mancu sos ojos cunzadu chi sónnio: coloras paliendhe, traos incorraditos e ruendhe dae unu ponte in su riu aundhadu (G.Sini) Ètimu srd.

incorradòre, incorradòri , agt Definitzione nau de boe, chi costumat a incorrare, dhu tenet a vítziu Sinònimos e contràrios incorraditu, sucorradore Frases custu malloru est incorradori e tocat a dhu timi! Ètimu srd.

incorradúra , nf: incorratura Definitzione su incorrare / apompiare a i. = castiai abbascendi sa conca acomenti faint is animalis po incorrai, castiai a culu de ogu Sinònimos e contràrios incorrada 2. su síndhigu si fit abbaidendhe a incorradura a Faghebane ◊ su mantzanu su mere si mi at miratu a incorratura Ètimu srd.

incorrài , vrb: incorrare Definitzione iscaviare cun is corros, iscúdere, férrere o cracare a cropos de corru, nau de animales chi ndhe portant; bogandho in bregúngia a ccn. po cosa de pagu contu timendhodha tropu, fàere male Sinònimos e contràrios acorrae, acorrociai, iscorratzare, sigorrai Frases chi fiat istétiu bòi t'iat incorrau ◊ si sunt boes chi incorrant, no ti bi acúrtzies! ◊ fit nóidu ca su boe incorraiat 2. màniga su minestrone, za no ti at a incorrare! Ètimu srd. Tradutziones Frantzesu encorner Ingresu to gore Ispagnolu cornear Italianu incornare, cozzare con le còrna Tedescu auf die Hörner nehmen.

incorraítzu incorradítu

incorrajólu , agt Definitzione nau de animale cun corros, chi costumat a incorrare Sinònimos e contràrios incorraditu, incorradore Ètimu srd.

incorràre incorrài

incorredhàda , nf Definitzione ingurtia manna de cosa Sinònimos e contràrios acirrada, intullada, trincada Ètimu srd.

incorredhàe, incorredhàre , vrb Definitzione istare a su bufa bufa de su corredhu, imbriagare; istare a su lea lea su tebbacu de su corredhu Sinònimos e contràrios imbreacare / tebbacare Ètimu srd.

incorredhéri , agt, nm Definitzione chi o chie costumat a bufare meda o fintzes a tebbacare Sinònimos e contràrios bibidore, bufadore, inciumidore Frases fit una fémina incorredhera de tabbacu de nasu Ètimu srd.

incorriài, incorriàre , vrb Definitzione acapiare cun is corrias; foedhandho de aperturas, pònnere is càncaros o grofales Maneras de nàrrere csn: incorriare sa die, su tempus = colare sa die, su tempus; incorriare a ccn. = cumbínchere a carchi cosa 2. chirca de che lu incorriare tue, chi a mie no m'iscurtat! 3. ispero chi su dinari mi bastet a che incorriare nessi s'annu Ètimu srd.

incorrillài , vrb Definitzione cúrrere aifatu cricandho de cassare, po aciapare, aferrare Sinònimos e contràrios currellai, perseghire.

incorríri , avb Definitzione fàere a corru, intostare che corru / abbarrari a i. = campare a betzu mannu.

incorritzàda , nf Definitzione coment'e incorrada, iscaviada, móvia de corros, nau de animale chi ndhe portat Frases sa craba faghet s'incorritzada e tucat Ètimu srd.

incorrorinàu , agt Definitzione nau de unu, chi est béciu meda, arrimau, chi no essit prus.

incorrósu , agt Sinònimos e contràrios abbetiosu, dirbetosu, puntigliosu.

incorrudàre , vrb Definitzione nau in cobertantza, pònnere is corros, cobèrrere cun sa pobidha de un'àteru Ètimu srd.

incorrutài , vrb: incurrutai Definitzione primmare, essire tristu, agiummai coment'e istare in dolu (corrutu); pònnere su corrutu Sinònimos e contràrios intristai / corrutae | ctr. allegrare Ètimu srd. Tradutziones Frantzesu s'attrister Ingresu to become sad Ispagnolu entristecerse Italianu rattristarsi Tedescu traurig werden.

incorrutíbbile, incorrutíbbili , agt Definitzione chi no si currumpet: nau de gente, chi no si bendhet, chi no si lassat comporare.