A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

infiudài ifiudàre

ínfla , nf: infra, infras Definitzione manera de fàere de chie si credet tropu Sinònimos e contràrios altivesa, arrodhu, barrosia, madérria, magnosidade Ètimu ctl., spn. inflar.

inflachèssiri , vrb: infrachessi Definitzione pigare a frachesa, a debbilesa, bènnere o fàere débbile Sinònimos e contràrios allacanae, flachèssiri, ifrachire, ispotriare 2. procura de inflachèssiri is disígius e gustus malus! Ètimu spn. enflaquecer Tradutziones Frantzesu épuiser Ingresu to exaust Ispagnolu agotar Italianu spossare Tedescu erschöpfen.

inflachiméntu , nm Sinònimos e contràrios allacanamentu, irbalesiadura, irbalesiamentu Ètimu srd. Tradutziones Frantzesu débilitation Ingresu enfeebling Ispagnolu debilitación Italianu debilitazióne Tedescu Schwächung.

inflachíri ifrachíre

inflatziòne , nf Definitzione istadu, cunditzione de s'economia de mercau candho sa moneda chi curret no est in balantza ma prus de su valore reale de is benes chi si produent, e deosi artzant tropu is prétzios (s'i. curret e dhue bolet dinare meda a comporare sa cosa) Tradutziones Frantzesu inflation Ingresu inflation Ispagnolu inflación Italianu inflazióne Tedescu Inflation.

inflochitài infiochitàre

inflorài, infloràre infioràre

infloríre, infloríri , vrb: infrorí, infroriri Definitzione nau de is matas, bogare o fàere su frore; pònnere frores po bellesa, fàere bella una cosa coment'e ponendhodhi frores Sinònimos e contràrios fiorire / aflorigiai, infiorare, florèssiri Frases cussu at a benni candu infrorit sa figu ◊ est circhendi in sa tenta messada umbras de babaoi infroriu ◊ is campuras funt infrorendi ◊ ocannu sa castàngia, candu s'arritzoni fiat crescendu, at torrau a infrorí 2. su mutetu ti dh'infrorit ma bèni, lah! Ètimu srd. Tradutziones Frantzesu fleurir, orner (fig.) Ingresu to decorate with flowers, to bloom Ispagnolu florecer, florear Italianu fiorire, infiorare Tedescu blühen, mit Blumen schmücken.

influénscia ifruèntza

influensciàdu , agt: infruensciadu Definitzione chi portat s'arremadiu Frases fit influensciadu e s'intendhiat male Tradutziones Frantzesu grippé Ingresu suffering from influenza Ispagnolu con gripe Italianu influenzato Tedescu an Grippe leidend.

influéntzia ifruèntza

influíre, influíri ifruíre

infócu , nm: infogu, irfogu, isfogu Definitzione lobu de fune o corria largu chi si betat de atesu a conca o a corros de s'animale arestosu po dhu pòdere aciapare e pigare a fune, comente faent is issocadores Sinònimos e contràrios infogadolza Maneras de nàrrere csn: betare s'i. a un'animale, tènnere un'animale a i.; èssere a isfogu paradu = a latzu prontu Frases in sas gherras usadu ant cun vitória frundha, arcu, virga e soga pro s'infogu ◊ a bortas mi biso tentu a infogu comente a cadhu in cunzados anzenos ◊ est andhendhe a tènnere a infogu sa baca ispana Tradutziones Frantzesu lacet, lasso Ingresu snare Ispagnolu lazo Italianu làccio Tedescu Schlinge.

infodhinadúra , nf Definitzione imbrutadura de tzintziedhu, de fodhine Ètimu srd.

infodhinàe, infodhinài, infodhinàre , vrb Definitzione imbrutare de fodhine, de tzintziedhu o fumàdigu Sinònimos e contràrios afumadicare, imberdonare, intentiedhare Frases su babbu dh'at donau una surra, puru cun is manus infodhinadas ◊ s'at infodhinau is manus in sa buca de su forru ◊ pascendi is angionis in s'uscrau fua totu infodhinau dèu puru Ètimu srd.

infodhonàre , vrb Sinònimos e contràrios ilfodhonare, istiriolare, sciabudhai, sciadhonai, sciodhai Ètimu srd.

infogadòlza , nf Definitzione lobu de fune o de corria largu chi si betat de atesu a conca de un'animale arestosu po dhu cassare ca, si no est domau, no lassat acostire Sinònimos e contràrios infocu.

infogàdu ifogàdu

infogài , vrb Definitzione tènnere, pigare fogu, fàere fràmula Sinònimos e contràrios achighinare, afocazare, impampidhare | ctr. studai Tradutziones Frantzesu enflammer Ingresu to kindle Ispagnolu inflamar Italianu infuocare, infiammare Tedescu anzünden, entflammen.