A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

intonfaranàre intanfaranàre

intonicàda , nf Sinònimos e contràrios illatadura, imbarchinadura Ètimu srd.

intonicài , vrb: intunicai, intunicare, intunigare Definitzione impalitare, betare e firmare bene s’impastu a unu muru po dhu finire e fàere lisu; passare o frigare sa tinta a is muros finios Sinònimos e contràrios albiare, arrabbussai, arraspagliai, impalitai, impilatzare, incalchinare, incroxai, ingrostare, innalvinare, irrustigare, ischedrare / illatare, imbarchinai 2. intunicandhe cochinas e salas chin tintas noas bellas chi parent telas bestis sas domos de pompas e galas e tue puru intunicau irghelas! Ètimu itl. Tradutziones Frantzesu crépir, enduire de plâtre, enduire de ciment Ingresu to plaster Ispagnolu enlucir, encalar Italianu intonacare Tedescu verputzen.

intonicónzu , nm Sinònimos e contràrios imbarchinadura, imbarchinamentu, illatonzu Ètimu srd.

intónicu , nm: intúnigu Definitzione pígiu de impastu (crachina o cimentu puru cun arena) chi s’impalitat a is muros po dhos finire, allisare, ammontare calecunu difetu, istare prus límpios e acabbare cun sa tinta puru Sinònimos e contràrios àlbiu, arrebbussu, incalchinu, innàlvinu, pulimentu Frases su palatu de s’Iscolta fit bestidu de intúnigu biancu ◊ sa domo inue istaiat prima Bachis fit domo totu iscurosa, a pamentu de terra, chentza intúnigu in muros Tradutziones Frantzesu crépi, plâtre Ingresu plaster Ispagnolu enlucido Italianu intònaco Tedescu Verputz.

intónu , nm Definitzione su intonare; genia de significau, de idea Sinònimos e contràrios intonadura 2. si agataus ananti de un'òpera chi tenit unu solu intonu Ètimu srd.

intòpa , nf Definitzione incàsciu chi si faet (cun su radhadore) a parte e àtera de is doas de is carradas po dhue pòdere incasciare is fundhos Sinònimos e contràrios angina, incartzu, incrava.

intopadúra , nf Definitzione su intopare, atobiare Sinònimos e contràrios abboju, addóbiu Ètimu srd.

intopài , vrb: intopare 1, intopari, intopiare, intupare 1 Definitzione nau de personas diferentes, andhare de duas bandhas a sa matessi bandha e lòmpere a cara apare; su si agatare o capitare in d-unu logu, de calecuna manera, fintzes iscúdere o atumbare a unu logu de malesaura Sinònimos e contràrios abbogiare, acatare, addopare, èssere / imbronconai Frases su callelledhu nd'est sartau po intopai su meri ◊ fatendhe caminu at intopadu unu giòvanu ◊ l'ant intopadu cun d-un'ebba domada ◊ s'àteru manzanu m'intopeit un'ajana ◊ candho m'intopas tue mi tocat su coro! ◊ su focu brujat totu su ch'intopat ◊ l'aio intopiadu in logu chi s'abbojant paritzos caminos 2. si m'intopo a s'iscuru andho abbellu, a su parpu ◊ esseit a chilcare monzeta e intupeit in d-una tàula de antunna 3. depu drommí in su coru is afetus, po chi no m'intòpinti su camminu Ètimu spn. topar.

intopaméntu , nm Definitzione su intopare Sinònimos e contràrios abbojadura Ètimu srd.

intopàre , vrb: intzopare, intzopiai Definitzione fàere tzopu Sinònimos e contràrios assopiai, atopigare, intopire, irtopiligare Frases custas cosas serbint pro intopare peus a chie est topu! Ètimu srd.

intopàre 1, intopàri intopài Frases

intopàre 2 , vrb Definitzione istorrare, istrobbare, tupare ponendho cosa in mesu Frases che abba chi curret in su riu, torrat si no l'intopant su andhare (A.Marceddu).

intopiàre intopài

intopigàre , vrb: intzopigare Definitzione fàere o essire tzopu Sinònimos e contràrios assopiai, atopigare, intopare, intopire, irtopiligare Frases ruendhe m'intopighei a ambas ancas Ètimu srd.

intopíre , vrb Definitzione andhare a tzopu; fàere tzopu Sinònimos e contràrios assopiai, atopigare, intopare, intopigare, irtopiligare Ètimu srd. Tradutziones Frantzesu boiter Ingresu to limp Ispagnolu cojear Italianu zoppicare Tedescu hinken.

intópu , nm Definitzione su intopare, su atobiare, atóbiu; fintzes istrobbu, dificurtade chi impedit calecuna cosa Sinònimos e contràrios addopu / irbortu Frases fúrrio lestru e istrampo sa gianna, ca si mi benit torra a intopu oe sutzedit dannu mannu! 2. pruite no est recuidu ancora? E si at àpidu calchi intopu? Ètimu srd. Tradutziones Frantzesu obstacle, difficulté Ingresu obstacle Ispagnolu obstáculo Italianu intòppo Tedescu Anstoßen, Hindernis.

intorinadúra , nf Definitzione su intorinare; sa cosa chi essit intorinandho, prentzandho Sinònimos e contràrios prentzadura, supressadura Ètimu srd.

intorinàre , vrb: intorniare, intorriare, intorrinare Definitzione pònnere in su tórinu, in sa prentza; pònnere in mesu o inghiriare una cosa o a unu, fintzes coment'e po dhu bínchere de ccn. manera o po dh'ingannare Sinònimos e contràrios supressai / acircai, arrodeare, incircai, inghirare / incossiare 2. su fogu mannu si fit acurtziendhe ma resessimus a che l'intorriare: ite consolu a lu bídere istudadu! Ètimu itl. intorniare.

intórinos , nm pl: intórrios Definitzione foedhandho de logu, sa leada, is sartos de acanta Frases andheit a sas bidhas afaca e in sas campagnas de sos intórinos pro si chircare cosa ◊ sa fama sua si est isparta luego in totu sos intórinos de sa Galilea ◊ bi sunt acudidos sos pastores de sos intórinos Tradutziones Frantzesu environs Ingresu surroundings Ispagnolu alrededores Italianu dintórni Tedescu Umgebung.