irbicocàre , vrb Definitzione betare o isconciare cosa a picu Sinònimos e contràrios ispiconare.
irbiculadúra , nf Definitzione su irbiculare; orrughedhu de cosa segada, mescamente de is oros de un'istrégiu Sinònimos e contràrios ispistoladura, spistoramentu, spistoru / ttrs. ibbicuradura Ètimu srd.
irbiculàre , vrb: isbiculare Definitzione segare a orrughedhos Sinònimos e contràrios apimpirinai, filchinare, irfarfaruzare, scirfinai, spamparinai, spimpiridai Ètimu srd.
irbièscere , vrb: irbièsciri Definitzione mòvere un'arremu de s'annoigadórgiu Sinònimos e contràrios innoigare, irbesciai Frases sartandu sa cresuri soi orrutu e mi apu irbiésciu su bursu (E.Nieddu).
irbiescidúra , nf: isvesciadura Sinònimos e contràrios bocadura, ilmànchinu, irbéscia, irbíssiu, scordogadura, sdollocadura Frases at àpidu un'isvesciadura a su benuxu e si est dévidu operare Ètimu srd.
irbièsciri irbièscere
irbigonzíu ibregungíu
irbiligàre , vrb: isbidhiai, isbiligare, sbidhiai Definitzione segare, fàere s'imbíligu; fintzes coment'e crepare sa bentre Sinònimos e contràrios ilbidhicare, imbiligare 2. est istraighinadu in terra isbiligadu de risu Ètimu srd.
irbinarjàda , nf Definitzione su irbinarjare, segare, fàere iscórrios Sinònimos e contràrios iscorriadura, iscorriolada, iscorrioladura, iscórriu Ètimu srd.
irbinarjadúra , nf Definitzione su irbinarjare Sinònimos e contràrios irbinarjada, iscorrioladura Ètimu srd.
irbinarjàre , vrb Definitzione comente e segare o bogare a tiras, fàere a bicos Sinònimos e contràrios bichedhare, ischirriolai, sarretai Frases si l'est botzicada sa martinica e l'at irbinarjau sas bestes ◊ no bi ndh'at unu capassu de irbinarjare sa pistuléssia de sos focos.
irbinarjàu , pps Definitzione de irbinarjare Sinònimos e contràrios iscorriolau, ispendhuladu.
irbioladúra , nf Definitzione su irbiolare, su perdimentare mescamente su tempus chentza cabu, in cosas de nudha, in violeras Sinònimos e contràrios disperdíssiu, irviolonzu, isperdíciu Ètimu srd.
irbiolàre ilviolàre
irbiolàu ilviolàdu
irbirgonzàre ilvilgonzàre
irbirgonzíre ibregungíre
irbírgu , nm: irvirgu Definitzione
cosa chi si faet unu pagu a ingéniu e a ingannu, a bisura de iscusa / imbentare, bocare irbirgos = bogare iscusas
Sinònimos e contràrios
estremagiogu,
imbentu,
ispediente,
trastamèngia,
troca
Frases
carchi irbirgu tocat puru de bocare pro campare ◊ sos ricos irfundhaos no ischint s'irbirgu de bocare ◊ sa sorte bocat irbirgos de cada zenia ◊ ant bocau a campu milli irbirgos pro rèndhere sa bida prus a códomu ◊ su traballu de s'onorèvole fit fàtzile: bastabat de bocare s'irbirgu de si mantènnere sa cadira ◊ l'at collonau chin d-un'irbirgu ◊ at contau sa beridade ca no podiat imbentare carchi irbirgu
Tradutziones
Frantzesu
stratagème,
subterfuge,
expédient
Ingresu
stratagem
Ispagnolu
escapatoria
Italianu
stratagèmma,
sotterfùgio,
espediènte
Tedescu
List,
Kniff.
irbirritàre , vrb Definitzione bogare, leare sa berrita de conca Ètimu srd.
irbirroncàre , vrb Definitzione pigare a ccn. a irbirroncos, a ciafos, a bicadas, bicare Sinònimos e contràrios abbofetai, ciafitare, ilciafitare, iscarigai, scantergiai Frases sos puzones irbirroncant lestros in s'àchina! Ètimu srd.