A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

irbasoladúra , nf Sinònimos e contràrios ischipudhàmene, lollúghine, macheine, machiore Ètimu srd.

irbasolàre , vrb: irvasolare Definitzione nàrrere isciolórios, cosas chentza fundhóriu, de pagu sustàntzia Sinònimos e contràrios ibentiare, illeriare Frases candho giuchent una tassa de binu, sos ómines istant irbasolandhe e ripetindhe sa matessi laredha ◊ dàssalu irbasolare, chin custos issudhos chi si nch'est cravandhe in conca! Ètimu srd. Tradutziones Frantzesu délirer Ingresu to rave Ispagnolu desvariar, vanear, disparatar Italianu vaneggiare Tedescu irrereden.

irbatàre , vrb Sinònimos e contràrios aciapuai, atapai, atumbae, fèrrere.

irbatilàda , nf: irbatilata, irgatilada Definitzione iscutulada a gatzile Sinònimos e contràrios arropada, colpu, isciuta, isdobbada Frases cuss’irbatilata gai forte mi aiat lassatu istontonatu e foras de sentitos Ètimu srd.

irbatilàre , vrb: irgassilare, irgatilare Definitzione iscúdere a gatzile, segare sa mola de su tzugu Sinònimos e contràrios sgalitzai / corpare, isciúdere, istidingiai Ètimu srd.

irbatilàta irbatilàda

irbatulàda ibbatulada

irbatulàdu , pps, agt: irbatulau Definitzione de irbatulare; nau de ccn., chi est unu pagu macotu, pagu giustu de conca Sinònimos e contràrios iscutu / cdh. isbatulatu / isalambradu, istoladu.

irbatuladúra , nf Definitzione su irbatulare Ètimu srd.

irbatulàre , vrb: isbatulare Definitzione pigare e iscúdere a calecunu logu o cun calecuna cosa; pistare, catzigare Sinònimos e contràrios abbanzare, aciociai, acorpai, arropai, isciúdere Frases candho no la cheret intèndhere li cheret irbatuladu puru! ◊ at leadu unu cantu de fuste russu, totu nodosu, pro l'isbatulare ◊ l'aiant agatadu ischervijadu in s'oru de su tirighinu: su cadhu l'aiat isbatuladu a terra ◊ a s'isbàtula isbàtula, sa limba nostra la matratant e narant chi no giuat prus 2. isbàtulant… pro disisperu, istradones de mundhu, andhantanos, a cheghentare dies a sole anzenu! Ètimu srd. Tradutziones Frantzesu battre, frapper Ingresu to knock Ispagnolu sacudir Italianu picchiare, sbàttere Tedescu schlagen, klopfen.

irbatulàu irbatulàdu

irbautídu ilbautídu

irbecàda , nf Definitzione su irbecare Sinònimos e contràrios irbecadura Ètimu srd.

irbecadúra , nf Definitzione su irbecare Sinònimos e contràrios irbecada Ètimu srd.

irbecàre , vrb Definitzione ispistorare, ma fintzes fèrrere, acropare, bochíere Sinònimos e contràrios atumbae, colpare / bochire 2. una natzione irbecaiat contra a s’àtera, una vidha contra a s’àtera 3. sos pegos tres annos chentza anzare dhos irbecaus ◊ a santu Zuanni candho at fatu a mannu dh'ant irbecau.

irbeciàe , vrb Definitzione ibecióngiu, fai de pruàcia, trebballu chi si faet a sa bide segandhoche totu sa pértiga bècia o in prus, lassandho solu cussa de pudare acabbandho s'ierru po bogare sa noa.

irbelégu, irbeléu , nm: irvelegu, isbeleu, ispeléigu, isperegu Definitzione cosa chi si faet po passare ora, po gustu, a giogu; nau in cobertantza, infestu, cosa matanosa, trebballosa Sinònimos e contràrios arrecreu, desogu, dirvagu, diveltimentu, giogu, ispàssiu, ispidientu / ifestu, inaventu | ctr. impelegu Frases sa catza est irvelegu? ◊ sa beste sua a sorte amus tiradu pro irvelegu ◊ s'ortu, su ribu fint s'irbelegu de sos pitzinnos ◊ sias ghia e irvelegu a s'irventuradu! (G.Ruju)◊ sos irvelegos nostros: cantare, sonare ◊ s'ispelegu allegrat sa tristura ◊ inie bi teniat amigos e ispeléigos ◊ sunt addurados in mare una chida godíndhesi s'ispeléigu che duos isposos 2. bellu ispelegu tenet, mih, a ndhe collire s'olia a una a una dae mesu de s'erba!…◊ si lu leat s'ispelegu a istudiare totu cussu muntone de líbberos!… Ètimu srd. Tradutziones Frantzesu passe-temps, distraction, amusement Ingresu pastime, entertainment Ispagnolu pasatiempo Italianu passatèmpo, sollazzo, svago Tedescu Zeitvertreib, Vergnügen, Zerstreuung.

irbeliàre ilbiliàre

irbelirbéli , avb: isbelisbeli, isberisberi, isvelisveli, iveliveli Definitzione andhare, caminare i. = chentza si dha pòdere fàere, chentza fortza, chentza de ischire mancu a inue unu est andhandho, che unu chi at pérdiu sa memória Sinònimos e contràrios istelisteli, periberi Frases funt andhendhe chena pasu isvelisveli in chirca de sole ◊ est andhendhe iveliveli ◊ custos andhant iveliveli e che capitant in d-una tzidade chi b'aiat unu re ◊ isberisberi chi andhet!

irbelledhàre , vrb Definitzione istrampare a terra, iscutulare sa castàngia sicada (in sacu), po dh'ispigiolare Ètimu srd.