A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

illebiàda , nf: illepiada Definitzione su illebiare, nau prus che àteru de is maladias Sinònimos e contràrios illebiamentu, illeniada | ctr. aggravamentu Frases a su malàidu li at dadu un'illebiada ◊ mi paret chi mi at dau s'illebiada: m'intendho menzus abberu! ◊ cussa fit s'illebiadedha de sa morte: pariat chi istaiat mezus, cudhu, e at fatu s'úrtimu póchiu! Ètimu srd.

illebiàdu , pps, agt Definitzione de illebiare Sinònimos e contràrios lébiu, líbide, slebiau.

illebiaméntu , nm Sinònimos e contràrios illebiada, illebiadura, illevionzu, irgràviu | ctr. aggravamentu Ètimu srd.

illebiàre , vrb: illepiare, illeviare Definitzione fàere prus pagu grae unu pesu, ma pruschetotu unu dolore, una suferéntzia, unu male; menguare o abbrandhare ccn. cosa (es. tempus malu) Sinònimos e contràrios abbacare, abblandai, abbonantzai, achietai, aliviai, alixerai, allebiae, allenare, apachiare, assebiai, asselenare, assussegai / artziare / ilgarriare | ctr. ingrajai, peorare Frases illebiade su carru ue sos boes no bi la faghent prus a tirare 2. lassàdemi a gosare sas notas de sa música chi illébiat s'ànima! ◊ coro, fache a manera chi sia illepiau ca so in pena! ◊ inoche m'illévio e mi paso su póliu de sos annos colaos ◊ illebiadu li at, cussu dolore, a mamma tua? ◊ solu tue m'illébias sa munza! ◊ a dogni tribbuladu paghe e gosu a dare sempre su médiu faghe illebiendhe a totu sos afannos! (Gv.Piredda) 3. no ti tuches como ca est proindhe meda: iseta a illebiare! 4. su babbu at aggarrau su pitzinnu, l'at illebiau in artu e li at imbucau a basos Tradutziones Frantzesu soulager, alléger Ingresu to relieve Ispagnolu aliviar Italianu alleviare, risollevare, alleggerire Tedescu erleichtern, wiederaufrichten.

illébide , nm Sinònimos e contràrios frastima, irrocu Frases est a illébides e a frastimos contr'a sos sórighes.

illébiu , nm: illépiu, illéviu, illíviu Definitzione menguamentu de unu pesu e pruschetotu de unu dolore o male Sinònimos e contràrios allébiu, alléniu, disaggràviu | ctr. aggravamentu Frases mancari su mare no la sanet li at a èssere un'illépiu pro sos dolores ◊ chircat de li nàrrere carchi cosa chi li servat de illíviu ◊ sa sorre picabat su pitzinnu a codhu pro dare illépiu a sa mama ◊ as a sufrire e no as a acatare illéviu! Ètimu srd. Tradutziones Frantzesu soulagement Ingresu relief Ispagnolu alivio Italianu sollièvo Tedescu Erleichterung.

illebizàre , vrb Definitzione irmurtire (pèrdere abba, nau de erbas, de linnas); fintzes illebiare, abbrandhare su dolore, mediare una maladia Sinònimos e contràrios allebizare, allebigiare 2. zuncu e istoja bene illebizados pro chi sa corria mantenzant lenta a sa selena che dhos as bogados (G.A.Mura) 3. cuss'òpera depiat illebizare sas penas issoro ◊ totu sa note dhi fuit costau a respirare, ma zai s'incràs a manzanu su dolore fuit illebizau Ètimu srd.

illecadúra , nf Sinònimos e contràrios allacanadura, allacanonzu, fiachesa, illechenadura Ètimu srd.

illecài , vrb Definitzione istrecare, fàere lecu Sinònimos e contràrios lecai, pistae Ètimu srd.

illecàre , vrb Sinònimos e contràrios allacanae, allebigiare, allecare 1 Ètimu srd.

illechenadúra , nf Sinònimos e contràrios allacanadura, allacanonzu, allecadura, apistixonadura, fiachesa Ètimu srd.

illechenàu , agt Definitzione chi est lecu, réndhidu, chentza fortzas Sinònimos e contràrios allechiau, illacainzau, illechinzau.

illechinzàu , agt Definitzione chi est lecu, réndhidu, chentza fortzas Sinònimos e contràrios allechiau, illacainzau, illechenau Ètimu srd.

illedaminàda , nf Definitzione su illedaminare, ispainadura de ladamíngiu Sinònimos e contràrios contzimada Ètimu srd.

illedaminàre , vrb Definitzione betare, istèrrere su ledàmine Sinònimos e contràrios alladamenae, ladamingiare Ètimu srd.

illegàdu , agt Definitzione chi no est in sa lei, chi no faet su de sa lei Tradutziones Frantzesu hors la loi Ingresu outlaw Ispagnolu bandido Italianu fuòri légge Tedescu ungesetzlich.

illegàle, illegàli , agt Definitzione chi no est a cunforma a sa lei Frases cussos sunt fizos nàschidos dae giunghinzos illegales!

illegalidàde , nf Definitzione su èssere fora de sa lei.

illegiadúra , nf Definitzione su illegiare, su fàere, su si fàere lègios Sinònimos e contràrios infeida Tradutziones Frantzesu enlaidissement Ingresu brutishness Ispagnolu afeamiento Italianu imbruttiménto Tedescu Häßlichwerden.

illegiàre , vrb: illezare, slegiai Definitzione fàere o essire lègios Sinònimos e contràrios illegiri, illezicare, infeire, sbisuriai | ctr. imbellichinare, imbellire Frases ti ses illezada peus ponèndhedi su mucadore Ètimu srd.