A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

illepiàda illebiàda

illepiadúra , nf Definitzione su illepiare Sinònimos e contràrios illebiamentu, illepionzu Ètimu srd.

illepiàre illebiàre

illepiónzu , nm Definitzione su illepiare, su fàere o essire prus lébiu Sinònimos e contràrios illebiamentu | ctr. aggravamentu Ètimu srd. Tradutziones Frantzesu allègement Ingresu lightening Ispagnolu alivio, aligeramiento Italianu alleggeriménto Tedescu Erleichterung.

illépiu illébiu

illeredhiàre , vrb: illeriedhare Definitzione su si pèrdere in lerédhias, contare o nàrrere isciolórios, cosas de pagu contu foedhandho meda chentza bosóngiu Sinònimos e contràrios cregantae, illeriare Frases irmentigandhe sos patimentos anzenos, si che illerédhiat bantandhe custu fizu suu Ètimu srd. Tradutziones Italianu dilungarsi

illeredhiàu , pps, agt Definitzione de illeredhiare; chi istat a leredha, sèmpere naendho chentza cabu e ne coa Sinònimos e contràrios ciaciareri, gargale, labredhiosu, paraletadore, trepedhosu / cdh. sculdiulatu Tradutziones Frantzesu bavard, inconséquent Ingresu chatterer, rambling Ispagnolu hablador, inconsecuente Italianu chiacchieróne, sconclusionato Tedescu geschwätzig, unschlüssig.

illeriàdu , agt: illoriadu Definitzione chi istat a isciolórios, naendho o contandho isciolórios, cosas chentza cabu e a tropu Sinònimos e contràrios alleriau, irbentiadu, isambrulidu Frases cudh'illeriadu, no l'agabbat prus candho imbucat a chistionare! Ètimu srd.

illeriàre , vrb: illoriare Definitzione nàrrere isciolórios, istare unu pagu a giogu in cunfiantza; fintzes foedhare meda, a tropu, po cosas de pagu contu Sinònimos e contràrios astrologare, cregantae, ibentiare, illeredhiare, istralobbiare Ètimu srd. Tradutziones Frantzesu dire des bêtises Ingresu to talk nonsense Ispagnolu decir tonterías Italianu dire sciocchézze, scemènze, dilungarsi Tedescu Dummheiten reden.

illeriedhàdu , agt Definitzione chi istat a isciolórios Sinònimos e contràrios illeriadu Ètimu srd.

illeriedhàre illeredhiàre

illerinàre , vrb Definitzione istare a lérina, a chistionu, naendho cosas chentza cabu Frases s'illerina illerina de tia Tzitza e su binu niedhu de tiu Bustianu los ponzeit in àndhias Ètimu srd.

illériu , nm Definitzione chistionu o àteru chi si narat chentza cabu, chentza sustàntzia Sinònimos e contràrios allódhiu, creganta, ibbàmbiu, istorodhu, istrallóbbiu, istrolichéntzia, laredha, lérina Frases làssami sos illérios chi no so in chirca de zogare, como! ◊ ma sèmpere a illérios istas, tue: abbàida si cheres pessare a carchi cosa de imprastu! Ètimu srd. Tradutziones Frantzesu fadaise, niaiserie Ingresu nonsense Ispagnolu sosería Italianu insulsàggine Tedescu Albernheit.

illertàre , vrb Definitzione fàere su logu límpiu Sinònimos e contràrios illertire, ifrancare, ilbratare, illitiare, iscabbúllere, ispatare, limpiai | ctr. imbratare Frases s’iscola l’illertat una fémina.

illertída , nf Definitzione su illertire, trebballu de pulidura, de illimpióngiu Sinònimos e contràrios allichidia, illempiada, innetiada | ctr. imbrutada Frases su logu fit totu bascaràmine ma como li apo dadu un'illertida, apo collidu e assentadu sa cosa e fuliadu s'arga Ètimu srd. Tradutziones Frantzesu nettoyage Ingresu cleaning Ispagnolu repasada, arreglo Italianu ripulita Tedescu Säuberung, Reinigung.

illertíre , vrb: illestire, illirtire Definitzione fàere su logu límpiu, pinnigare totu s’àliga, su bascaràmene; iscabbúllere de ccn. cosa, fintzes fàere su fedu Sinònimos e contràrios ilbratare, illertare, illitiare, iserrinire, ispatare, limpiai / allichidie / disgagiai, ifrancare, iscabbúllere / illierai, insinnigare, iscendiai Frases pro illertire cussu logu bi cheret duas pessones ca bi at arga meda ◊ sicomente tenia bisonzos metas de fàchere no apo pótitu illestire su locu ◊ sas féminas sigheint a illirtire sos aposentos 2. sos pecados mios fint unu muntone, un'ira, chi no resessia prus a mi ndhe illertire Tradutziones Frantzesu nettoyer Ingresu to clean (up) Ispagnolu limpiar Italianu ripulire Tedescu reinigen.

illesinàre , vrb Definitzione prnl., fàere su lésinu, istare a irmasionu, tratènnere o istentare tropu Sinònimos e contràrios adasiai, istentae Frases no bos setzedas in cussa domo, no bos illesinedas inie! (G.Cau)

illessiàre , vrb Definitzione fàere in lissia s’orrobba samunandho; in cobertantza, fàere o essire in colore de chera, brigare Sinònimos e contràrios samunae / incerai, isarbolire, issustassiare, lissiai Ètimu srd.

illestíre illertíre

illestràre , vrb Definitzione fàere impresse, prus impresse, cun lestresa / i. su passu = istirare, acradiare su passu, camminare de prus Sinònimos e contràrios illestrire, impressire | ctr. abblandai, allentai Ètimu srd.