A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

liscinài , vrb: allescinai, lissinai Definitzione nau de css. cosa, su si mòvere o andhare in logu lisu (o de cosa lisa), ma mescamente orruendho, chentza pòdere firmare su pei Sinònimos e contràrios cadriare, fugire, illascinare, illiscigare, iscadriare, istrissinare, lascinare*, lissiniri Frases cumenti ghetat su pei po ci cabai, líssinat e ci arrúmbuat a bàsciu ◊ su pisci liscinat de manus Tradutziones Frantzesu glisser Ingresu to slip Ispagnolu deslizarse, resbalar Italianu scivolare Tedescu gleiten, rutschen.

liscinaméntu , nm Definitzione su liscinai, andhare illascinandho Sinònimos e contràrios iscadriadura, lassinonzu Ètimu srd. Tradutziones Frantzesu glissement Ingresu slipping Ispagnolu deslizamiento Italianu scivolaménto Tedescu Gleiten, Rutschen.

liscinavénu lantzinavénu

liscinèrba liscièrba

liscíngiu lascíngiu

liscinósu , agt: alliscinosu* Definitzione chi liscinat o faet illascinare Sinònimos e contràrios istrogosu, lascinosu, linidu, liscighinosu, líscinu Frases su pignoni est unu truncu liscinosu Tradutziones Frantzesu glissant Ingresu slippery Ispagnolu resbaladizo Italianu sdrucciolóso Tedescu rutschig, glatt.

liscínu , nm Definitzione logu inue si podet illascinare e orrúere illascinandho Sinònimos e contràrios alliscinadroxu, calangiossa, fuzidorzu, illassinatorju, iscadriadógiu, lascíngiu, làssinu, rascinadolzu Frases in su liscinu de Sa Roca tzichírriant is arrodas de su carru Ètimu srd. Tradutziones Frantzesu glissière Ingresu slide Ispagnolu tobogán Italianu scìvolo Tedescu Gleitbahn, Rutschbahn.

líscinu , agt Definitzione chi faet illascinare, chi est lisu Sinònimos e contràrios lascinosu.

lisciòne leisciòne

lísciu , agt, nm: lísiu, líssiu 1, lissu, lisu Definitzione nau de cosas, chi a dhas tocare no faent arrèschere nudha, o, de logu, chi est pranu pranu (dhu narant fintzes de chie no portat pilos in conca); nau de papares, chi funt pagu cundhios, simples simples Sinònimos e contràrios lígiu 1, pianu / conchispilidu | ctr. aprighizonadu, arraspiosu, arrescidhosu, grispu Maneras de nàrrere csn: lisu che sa seda = lísiu lísiu; fai una cosa lisa, a sa lisa = de sa manera prus simple, chentza dificurtade, chentza cosas in prus; túndiu a sa lisa = a rapu; l. de suore = sudori meda, chi calat alliscinendi; mércuris de lísciu = s'incràs de su martis de carrasegare; èssere o pònnere lisu terra = a paris a terra, in terra Frases emus a bolli arrugas lisas e deretas, ma depeus passai in mòri istrintu e trotu ◊ no caminist in s'arrigàngiu ca is arrocas lísias fàinti liscinai ◊ portat sa faci lisa lisa che iscróciu de ou ◊ su mari oi est lisu coment'e s'ollu 2. a su piga e fala, fit isalenendhe, a limba fora e a líscios de suore ◊ est tota die a líscios de suore, triballendhe 3. faimí un'assiguratzioni lisa lisa, ca no bollu ispendi meda! ◊ unu teniat bàtero o chimbe burdos e sa zente naiant: Cussu dhu faet a sa lisa, chentza condòs! ◊ ant fatu s'isposóriu a sa lisa Sambenados e Provèrbios smb: Lisu Ètimu srd. Tradutziones Frantzesu lisse Ingresu smooth Ispagnolu liso Italianu lìscio, levigato Tedescu glatt.

liscivàda , nf Definitzione sa primu abba chi si che bogat, samunandho s'orrobba posta in lessia Frases po su dolore de orija bona est sa liscivada…◊ si tenis liscivada, isciacuadí is carronis!

liscósu lescósu

lisiàrdu , nm Definitzione àpiu de cuadhus, una genia de erba bona a cundhimentu puru Sinònimos e contràrios alisandru, apiuguadharu, arrosàdulu, chirielle, liriandru, lisau, maceroni, orrusadu Terminologia iscientìfica rba, Smyrnium olusatrum Ètimu srd.

lisiàre lisài

lisiédhu , agt, nm Definitzione min. de lísiu: incodau fatu a pedras mannas, ladas 2. sos fiotos de s'abba curriant isegheraos tra unu lisiedhu e s'àteru de su gurutu Tradutziones Frantzesu pavé Ingresu paved, pavement Ispagnolu enlosado Italianu lastricato Tedescu gepflastert.

lisinàre , vrb Sinònimos e contràrios bodhetai, leghendhare, contularjare, crastulai, piscinargiai Frases dae sa mesajanna de domo s'incraraiat sa zente passendhe pro unu saludu o pro lisinare (I.Flore).

lisinédhu , agt, nm Definitzione chi o chie est avesu a lisinare, a fàere su leghendhàrgiu Sinònimos e contràrios bodheteri, contulàgliu, cràstulu, leurdanu, piscinàrgiu.

lisingiài , vrb Sinònimos e contràrios liscinai Frases dhus lassant lisingiai a bàsciu in sa cea Ètimu srd.

lisiriòne lasariòne

lisitài , vrb Definitzione coment'e liscinai, andhare a illascinadura chentza si lassare sapire, chentza fàere ischidu Ètimu srd.