A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

risipèglia, risipèlla , nf: arrisipella Definitzione mali molentinu, genia de maladia a sa pedhe chi si faet orrúbia e ufrada Sinònimos e contràrios dessipella*, isipèrela Terminologia iscientìfica mld.

risípula , nf Sinònimos e contràrios risipella*.

risitàre , vrb Definitzione apèrrere unu pagu is lavras po erríere, èssere alligru, coment'e erriendho Sinònimos e contràrios arriri, risulare 2. risitat a su sole su beranu, s'isparghent sos fiores in s'arzola (L.Mudadu)◊ Paret chi no - narzeit sa Giana, risitendhe Ètimu srd. Tradutziones Frantzesu sourire Ingresu to smile Ispagnolu sonreír Italianu sorrìdere Tedescu lächeln.

risitógliu , nm Definitzione errisu, befa, cosa o chie faet a si ndhe erríere po erríere e a disprétziu Sinònimos e contràrios ciacota, ciasconu Frases a fàchere comente fachiat isse fit a èssere chene caràtile e fit cussideratu su risitógliu de sa bidha Ètimu srd.

risítu , nm Definitzione ischiríngiu de errisu, errisighedhu Sinònimos e contràrios risichedhu / cdh. risaredha Frases sas laras coradhinas apenas torradas isganzant unu risitu ◊ sa mere at rispostu totu tosta, ma cun d-unu risitu ca sa pisedha aiat cumpresu sa briga Ètimu srd. Tradutziones Frantzesu sourire Ingresu smile Ispagnolu sonrisa Italianu sorriso Tedescu Lächeln.

rísiu rísidu

risizólu rassaniólu

rísma résima

risólu rezólu

risolútu resolútu

risonédhu , nm Definitzione unu chi faet s'errisighedhu a finta, coment'e a befa.

risòrsa , nf Definitzione bene o capacidade chi si podet isfrutare, chi podet serbire.

risórtu , agt Definitzione nau de Cristos, chi est torrau a biu apustis chi dh'ant bochitu.

risòza Sinònimos e contràrios rasògia

risparmiài, risparmiàre reprammiàre

rispàrmiu , nm: errespràmmiu Definitzione totugantu su chi no si consumat e si podet pònnere abbandha, su ispèndhere o pònnere prus pagu Sinònimos e contràrios aorru, avitu, economizu, spràmiu, stràviu | ctr. dispéndiu, isperdíciu, istrubberia, példua Frases su rispàrmiu tocat a l'abbaidare! ◊ sos Sardos emigrados ponent sos rispàrmios in Sardínnia ◊ aia imparadu àteru caminu, a su logu fia andhadu a rugadura e duncas fatu unu bellu rispàrmiu Tradutziones Frantzesu économie, gain Ingresu saving (s) Ispagnolu ahorro Italianu rispàrmio Tedescu Ersparnis.

rispetài, rispetàre respetài

rispetósu , agt Definitzione chi faet contu de s'àteru e dh'arrespetat, no dh'ofendhet e no dhu custringhet a fàere su chi no bolet o no pentzat giustu Sinònimos e contràrios cdh. rispitosu Frases Giuda puru pariat rispetosu: iat béndiu a Cristu basendidhu in fronti! (Danese)◊ isse est ómine onestu e rispetosu de sa cosa anzena Tradutziones Frantzesu respectueux Ingresu respectful Ispagnolu respetuoso Italianu rispettóso Tedescu respektvoll.

rispétu respétu

ríspia , nf Definitzione salia chi si bogat de buca Sinònimos e contràrios ispudu, rúspia.