A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

sutamarínu , nm Definitzione prus che àteru, màchina de gherra, fata po andhare in mare totu asuta de s'abba, de no si pòdere bíere.

sutammíntere , vrb Definitzione pònnere asuta, bínchere, abbarrare a cumandhu de ccn., lassare cumandhare Sinònimos e contràrios abbadinare Frases sos dimónios si sutammintint a bois.

sutàna , nf Definitzione sa parte de sa mola, su coro, chi si ponet asuta de sa tónica ma intrada apare cun custa; in su molinu po mòlere olia est su fundhu de su radu; fintzes bestimentu longu de preide.

sutànu suntànu

sutànu 1 , nm Definitzione númene tanti po ndhe nàrrere un'àteru Frases non culpes a Fulanu e ne a Sutanu (P.Pisurzi).

sutàrgada, sutàrgana, sutàrgara, sutàrgheda , nf Definitzione s'ossu de su linu o àteru chi, pistau a farinos, orruet asuta de s'ógronu, ogronandho; fintzes súciu o abba chi perdet un'istrégiu in fundhu, asuta Frases si atelaiat s'argadadura fatendhe colare sas màtulas de su linu infr'a sas dogas e sos incàscios de s'àrgada pro lis fagher pèrdere sa sutarga, a sas tramas, pistendhe cun sa traessa Ètimu srd.

sutasèghede , nm Definitzione sa parte de su laore messau chi abbarrat in sa terra Sinònimos e contràrios restrucu Ètimu srd.

sutasuércu , nm Sinònimos e contràrios sircu, sorbicu, subacani, subercu 1 Ètimu srd.

sutatenènte , nm Definitzione gradu militare prima (prus bàsciu) de su tenente.

sutavàlce, sutavàrce sutàlle

sutèa , nf Definitzione terratza carragiada, in artu, in pitzu, in sa domo, mescamente comente costumant a fàere in Otieri Frases si abberint sos balcones, terratzas e suteas ◊ dhus ispraxu in sa sutea ◊ sa zente est miriendhe in sas suteas Terminologia iscientìfica dmo Ètimu spn. azotea Tradutziones Frantzesu terrasse Ingresu loggia Ispagnolu terraza Italianu terrazzo, lòggia Tedescu Terrasse, Loggia.

suterrài sunterrài

suterraméntu , nm Definitzione su suterrare Ètimu srd.

suterràneu , nm Definitzione logu, buidu asuta de terra.

suterràre sunterrài

sútidu , nm Definitzione intrada de ària a prumones, genia de súlidu chi si faet a moida, e aintru, suspindho ària meda, fintzes po immarritzone o pentzamentu Sinònimos e contràrios súlida, susprexu Frases si mi bollu istentai asut'e àcua, innantis depu fai unu bellu sútidu (Gn.Piu) 2. iscerada, nd'at ghetau unu de sútidu!… Tradutziones Frantzesu inspiration Ingresu inhalation Ispagnolu inspiración Italianu inspirazióne Tedescu Einatmung.

sutigadúra , nf Sinònimos e contràrios afinamentu, afinu, francusina, isaminamentu, scinigu Ètimu srd. Tradutziones Frantzesu épuisement Ingresu exaustion Ispagnolu agotamiento Italianu sfiniménto Tedescu Erschöpfung.

sutigàre , vrb Definitzione fàere sútile, consumau Sinònimos e contràrios conciumire, finire, sutiligai Ètimu srd.

sútile, sutíle , agt: sutili Definitzione chi est de carena istrízile, fine, làngia Sinònimos e contràrios drízile, fini 1, iltrízile, isútile, stinghiritzu | ctr. grussu, russatzu Frases sútile e sica fit che canna, lezera e lestra che crabola ◊ s'ebba de Giorzi est sútile e lezera (B.Truddaju)◊ cussa baghiana est sutile che anedhu Ètimu itl. Tradutziones Frantzesu mince Ingresu thin Ispagnolu esbelto Italianu sottile, snèllo Tedescu dünn, schlank.

sutilèsa, sutilétzia , nf Definitzione su èssere sútile, fine, nau siat de cosa, de carena, e siat de abbilesa, de capacidade Sinònimos e contràrios finària, finesa, finichesa | ctr. russària Ètimu ctl., spn. sutilesa Tradutziones Frantzesu minceur, finesse Ingresu thinness Ispagnolu sutileza, agudeza Italianu sottilità, sottigliézza Tedescu Dünne, Dünnheit, Feinheit.