A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

tèndhere , vrb: tèndiri, tènnere 1 Definitzione istrecare a alladiare sa pasta fintzes a dha fàere de sa grussària giusta e parívile segundhu sa calidade de pane chi si bolet (o fintzes po fàere a macarrones, es. lisòngias); nau de orrobba o fintzes de àteru, pònnere istérria, istirada; rfl. nau de ccn., su si prestare, giare agiudu / pps. téndhiu, tesu; tèndhere sa manu = (a unu) agiudai, donai una manu de agiudu, ma fintzas ponnirisí a fai faina, aprontai su logu po calincun'àteru trabballu; téndhia de manu = manu de agiudu Sinònimos e contràrios acannonare, incannonare 1 / atendiai, ispàlghere, istèndhere, istenniare, istèrrere, istirai, stendiai Frases tendhindhe su pane a cannedhu cheret chi sas manos fetant fortza paris ◊ a tèndhere bi cheret pratighesa, sinono su pane essit a tretos russu e a tretos fine ◊ a tèndhere su pane como est a màchina ◊ tèndiri pillus de pasta 2. intrat a samunare e sa robba l'at totaganta tesa e ispalta ◊ Marta fit in su cortile tendhindhe sos pannos chi aiat sammunadu 3. issu fut sèmpere prontu a si tèndhere po agiudare is àteros 4. unu massau iat pigau un'incone de terrenu e, brexosu, cumènciat a dhue tèndhere sa manu narbonandhodhu Ètimu ltn. tendere Tradutziones Frantzesu abaisser la pâte avec le rouleau Ingresu to roll bread Ispagnolu extender la masa Italianu spianare la pasta col matterèllo Tedescu den Teig mit dem Nudelholz dehnen.

tèndhere 1 , vrb Definitzione totu is significaos de tènnere Sinònimos e contràrios àere, tènnere* Frases candho apo a èssere manna apo a tèndhere unu maritu ◊ tenie presente chi custos contichedhos los apo iscritos tantu pro mi tèndhere ischitu.

tendhidòra , nf Definitzione fémina àbbile a tèndhere su pane, chi tendhet su pane de fresa (e podet èssere una màchina puru po sa matessi faina) Ètimu srd.

tendhidúra , nf Definitzione su trebballu de tèndhere su pane (de fresa), nau mescamente de sa manera Sinònimos e contràrios tendhinzu Ètimu srd.

tendhína , nf Definitzione tendha pitica (po fentanas o gennas solu) Sinònimos e contràrios cortinedha, impanna Ètimu itl. tendina.

tendhínzu , nm Definitzione su trebballu de tèndhere su pane (carasau) Sinònimos e contràrios tendhidura Ètimu srd.

téndhiu , pps, agt: téndiu Definitzione de tèndhere Sinònimos e contràrios tesu.

tendhòne , nm: tendoni Definitzione telu mannu de istèrrere in terra, o de pònnere po ammontare cosa (es. càmiu).

tèndiri tèndhere

tendòni tendhòne

tène , prn: te* 1 Definitzione prn. de 2ˆ pers. sing. impreau in calecunu cumplementu Sinònimos e contràrios tibe, tui Frases pessa pro tene! ◊ cussu est prus malinnu de tene ◊ si essèrepo in tene no bi tia andhare ◊ est santu su chi at a naschire dae tene ◊ de tene ndhe so meda cuntentu ◊ l'apo bidu innantis de tene ◊ arguai de tene! ◊ in dommo ant bisonzu de tene ◊ peri Zesugristu est mortu debbadas, sicundhu tene!

tenèa , avb Definitzione a t. = a tenta, unu ifatu de s'àteru, bene cun órdine, coment'e in crica de si aciapare apare Frases bi at fogos a tenea in donzi parte de Sardigna ◊ che ranos, a tenea, mi fuent sos pensamentos ◊ dae fundhu de sa funtana si fint pesadas tantas lunitedhas, sighíndhesi a tenea.

tenèca , nf Definitzione tanti de terrenu, de largària, chi si pigat trebballandho Sinònimos e contràrios ràglia, tenta, tula Frases messandhe picamus sa teneca dae bassu.

tenedène , nm: tenetene Definitzione su giogu de is piciochedhos a si tènnere, a si cúrrere aifatu paribari po si aciapare Sinònimos e contràrios tenetoca, teniscapa Frases giogaimus a bòcias de istratzu, a ballinas, a su tenedene, a barriera ◊ sos pitzinnos zocandhe a tenetene chichelabant de boches innossentes Terminologia iscientìfica ggs Ètimu srd.

tenedòpe , nm Sinònimos e contràrios arratonera, soricàrgiu Frases su tenedope s'est isparau ma no n'at colliu su tope Ètimu srd.

teneghíta , nf Definitzione genia de prendha de pònnere in su tzugu, apicada a calare in petorras Sinònimos e contràrios cadeníglia, cadenita Terminologia iscientìfica prd Tradutziones Frantzesu chaînette Ingresu fine chain Ispagnolu cadena Italianu catenèlla Tedescu Kettchen.

tenellàssa , avb Definitzione tene e lassa, tene e iscapa / istare a su t. = aciapandho e lassandho andhare Ètimu srd.

tenénsia , nf Definitzione firmesa e critériu lógicu in su chistionare Frases proite non giughes tenénsia in su cuntrestu? pro cherrer fàghere su corazosu ch'essis pala pala costa costa! (G.Ruju)

tenènte, tenènti , nm Definitzione gradu de is militares, su de duos de is uficiales; in su sedhatzu, in su frenu: cosa chi serbit a firmare, a poderare firmu.

tenéntiche , nm Definitzione s'apiconi o iscovile de sa cheréssia Sinònimos e contràrios tanache, tanàsiche, tenàgliulu, tanàgiu Frases sas cariasas a cropa sunt ligadas a su matessi tenéntiche (L.Pusceddu) Ètimu srd.