A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

zócula 1 , nf, nm: zóculu Definitzione genia de cartzamenta fata cun su fundhu de linna e una tira de pedhe po intrare su pei Sinònimos e contràrios capu 1 Frases sas cosas si sunt cumplicadas a deminos chi faghias fadiga a ndhe tostare sos zóculos ◊ cussas zóculas fuint betzas e tocaiat a che dhas fuliare.

zoculàna , nf: giogulana Definitzione s'ossu tundhu de su benugu Sinònimos e contràrios arrodedha 1, badhadori, ortiedhu, rodighedha, ruédhula Terminologia iscientìfica crn Ètimu srd. Tradutziones Frantzesu rotule Ingresu kneecap Ispagnolu rótula Italianu ròtula Tedescu Kniescheibe.

zoculànu , agt: gioguanu*, zogulanu Definitzione nau de ccn., chi est giau a su giogu, chi est sèmpere giogandho; chi est pagu sériu de conca Sinònimos e contràrios abbredhuladu, agiogatzadu, agioguladu, giogansau, ingiogansau Frases cussu est alligru e zogulanu.

zoculàre , vrb: agiogulare*, giogulare Definitzione pigare a giogu, giogare; fintzes èssere o giúghere a su move move Sinònimos e contràrios abbrengulare, agiogatzare, giochitare, ingiogaciai.

zoculéri zocalléri

zóculu zócula 1

zóculu 1 , nm Definitzione su zoculare / èssere a z. = a su move move, pagu firmu Ètimu srd.

zodhàrzu , nm Definitzione istrégiu po fàere su giodhu Frases sos bervegarzos zughiant murtorzos, zodharzos, concos pro ammurzare su casu, istojas, pedhes, aimas, truzones, zonedhas, cogarzos… Terminologia iscientìfica stz Ètimu srd.

zódhu , nm: giodhu* Definitzione late caentau agiummai de budhire e apustis fatu mòrrere a frammentu (giodhu etotu o fintzes cun cagiau imbischidau, aghedu): essit cagiau e aghedu, bonu meda coment'e alimentu / èssere che z. cràpinu = ispassientziau Sinònimos e contràrios casaxedu, fruja, giuncheta, mezoradu 2. tziu Pàule est che zodhu cràpinu, deretu a si ufrare!

zódia , nf: zóica* Definitzione prendha: genia de medàglia chi si ponet in su costúmene, apicada a su tzugu Frases sas predas rujas e birdes de sa zódia si narant "turres" Terminologia iscientìfica prd.

zodíacu , nm Definitzione zona de s'isfera de s'aera totu comente paret chi passat su Sole e ue si movent sa Luna e totu is pianetas: ispartzia in dóighi partes, donniuna est numenada cun su númene de un'animale (po su prus).

zòga , nf Definitzione gioga*, ma prus che àteru si narat de su corgiolu de sa cóciula e de is tzintzigorros.

zogadòre zocadòre

zogadórzu zocadórju

zogàe zocàre

zogajoghèndhe , avb Definitzione giogandho, a su gioga gioga / z. e s'ogru boghendhe = faendho male cun s'iscusa de giogare, giogare ma fàere male a is àteros.

zogànte , nm: giogante* Definitzione maistu chi faet giogos in is circos po ispassiare sa gente Sinònimos e contràrios gioghista, istrocadore, zocalleri Frases finimundhela de caminare che zogantes chi caminant ponindhe sas manos in terra, pro fàghere a ríere o fàghere ispantos! Tradutziones Frantzesu clown Ingresu clown Ispagnolu payaso Italianu pagliàccio Tedescu Spaßmacher.

zogàre zocàre

zoghighédhu , nm Sinònimos e contràrios gioghitu.

zògia , nf: zoja, zoza Definitzione sa de bàtoro dies de sa chida / z. lardazola = gióbia de is arrestus, laldagiolu Sinònimos e contràrios gióbia*.