A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

zísa , nf: zisu Definitzione bisura, prus che àteru nau sèmpere po assimbígiu: a z. de… = comenta a…, a manera de pàrrere…, a usu de… Sinònimos e contràrios disa, ghisa 1 Frases bi aiat pensadu su tempus a la modellare a cussa zisa ◊ a la mirare benint dae atesu in medas, a zisa de profiscione ◊ cussu est a zisa de fustialvu ◊ est incapotadu a zisa de mammutone ◊ a zisu de marrania ◊ las sutzant a zisu de ampullitas ◊ faedhat a zisa de macu Ètimu itl. Tradutziones Frantzesu en guise de Ingresu like Ispagnolu guisa, modo Italianu a guisa Tedescu wie.

zisíre , vrb Definitzione istidhigare Frases mànigas de sartitza, postas a ria in sa cradica untzada, zisint supra de sa bràsia chi si allughet.

zistèrra, zistérru , nf, nm: gisterra* Definitzione genia de fossu tundhu fundhudu a muru o bàrcia manna, a fràigu, asuta de terra, prus che àteru po arregòllere abba próina / sa fune de sa z. = fune acapiada a un'istrégiu po piscare abba Frases mi ponzo in d-unu zisterru s'est chi no leo a tie!

zistíllu , nm: giustígliu, zustillu Definitzione in su costúmene, bestimentu chi ammontat is palas e is petorras Sinònimos e contràrios imbustu, sustígliu Terminologia iscientìfica bst. Ètimu spn. justillo.

zistràre , vrb: azistrare*, gistrare Definitzione pònnere zistros, ingiúlios Sinònimos e contràrios addiciai, allomingiai, aparalumenare, aproegliare.

zístru , nm: gistris Definitzione àteru númene chi si ponet a unu prus che àteru po dhu pigare a befa po calecuna cosa (su naturale, unu difetu, sa genia de sa carena), o fintzes solu po dhu distínghere de àtere Sinònimos e contràrios allomíngiu, annomíngiu, aproégliu, imparanígiu, improperju, impróveru, paradíciu, paranòmini Frases a zistru lu mutiant Buzacardentu ◊ lu mutimus a zistru pro no bos abberguare de chie semus nendhe ◊ a zistru li narabant Zacanedhu prommore ca fit istau in ziminàriu Tradutziones Frantzesu sobriquet Ingresu nickname Ispagnolu apodo Italianu nomígnolo Tedescu Spitzname.

zístru 1 , nm Sinònimos e contràrios acínnidu, ingestu*, manigiada, móvida, ocrada Frases a duos sordados lis at fatu de zistru a ndhe bogare unu galeristu a fora.

zísu zísa

zizí , nm Definitzione genia de pigione Sinònimos e contràrios cincirri, moretina 1, murinata, olzale, trinedha, vivirria Terminologia iscientìfica pzn Ètimu srd. Tradutziones Frantzesu bruant Ingresu bunting Ispagnolu escribano soteño Italianu zìgolo néro Tedescu Zaunammer.

zizía , nf Definitzione cosighedha bella po giogare Sinònimos e contràrios gigiu

zizía 1 , nf Definitzione rosa putzinosa o pabaule orrúbiu Sinònimos e contràrios babaoi, pabàiri, papàile, papaosu, paparre, papaurru, pitzirilloi, tzantza Frases sos laores, sos campos sunt ruxos de zizia ◊ s'abe est inghiriendhe in sa zizia Terminologia iscientìfica rba.

zizía 2 , nf: cicia* Definitzione genia de bonetedhu tundhu de pònnere in sa sedha de cúcuru Frases sa zizia li dat sa bisura de un'ebreu.

zizía 3 zinzíu

ziziàdu, ziziàtu , agt Definitzione chi est totu frores, a zizios; chi est a marchighedhos de diferente colore, ingespiau Sinònimos e contràrios macradu Frases ziziata bandhela, bandhela de zizia! ◊ basolu, fiore, campu, cane, ziziadu, antunna ziziada Ètimu srd. Tradutziones Frantzesu tacheté Ingresu spotted, flecked Ispagnolu manchado Italianu macchiettato, chiazzato Tedescu besprenkelt, befleckt.

ziziàlla , nf Definitzione sos zinzios, is gingius, cosighedhas bellas, piticas, de imbidru o de terra Frases atentos a no secare sa zizialla chi est in sos móbbiles, no tochezas! Ètimu srd.

zizióli , nm Definitzione frorighedhu de campu, mescamente sa sitzia Sinònimos e contràrios fioredhu, sisia, ziziu Ètimu srd. Tradutziones Frantzesu petite fleur, pâquerette Ingresu small flower, daisy Ispagnolu flor pequeña, maya Italianu fiorellino, margheritina Tedescu Blümchen, Margerite.

ziziólu , nm Definitzione genia de cicória, erba bona a papare Frases fit chircandhe gramminzone, ziziolu.

zizirísta , nf: gigirista Definitzione coment'e unu pígiu de carre diferente (giai sèmpere orrúbiu), totu a bicos e chentza pinnias, chi creschet in conca, de longu, a pudhas e mescamente a pudhos Sinònimos e contràrios chichirista*, cocorosta, crilta, ogroista, pibirita, proborista.

zizíu zinzíu

zízu , nm Sinònimos e contràrios gígiua, gíngiallu, síntzulu 1, sisu, zingulu.