Ditzionàriu in línia
de sa limba e de sa cultura sarda

dugonàre , vrb Definitzione bufare meda Ètimu srd. Tradutziones Frantzesu boire comme une éponge Ingresu to booze Ispagnolu empinar el codo Italianu bére spésso e mólto Tedescu saufen.

dummidàre , vrb Definitzione fàere sa dúmida, su zúmiu, girare comente faet sa bardúfola, su fusu, s’ixorbedrama Sinònimos e contràrios drinnire, tzugnai, zumiai / rotzulare Ètimu srd. Tradutziones Frantzesu tournoyer, pirouetter Ingresu to twirl Ispagnolu voltear Italianu prillare Tedescu herumdrehen.

durài , vrb: durare Definitzione su sighire in su tempus, de una cosa, de unu, su àere dura, su sighire a èssere bonu, a serbire Sinònimos e contràrios campae / agguantai, babiai, poderai, repetire, ringire | ctr. acabbae, passae Frases custa cura bandat fata durai seti dis e seti notis ◊ prega chi istemus bene e fetemus cosas de bonu cantu duramus bios ◊ cussu fit su pagu duradu de babbai ◊ meda ti ant a durare cussas iscarpas, comente las zughes a donzi cosa!…◊ in zerru su denote durat prus de su dedie ◊ custa cosa de manigare fora de frigoríferu no durat, si guastat deretu ◊ durat de prus su cartu fatu in forte Sambenados e Provèrbios prb: a chie su pagu no mesurat, su meda pagu durat ◊ no durat totu su malu e no durat totu su bonu Ètimu ltn. durare Tradutziones Frantzesu durer Ingresu to last Ispagnolu durar Italianu durare Tedescu dauern.

duritàre , vrb Definitzione àere duritu, istare in pentzos, a su time time, prus che àteru coment'e candho paret dolu o ndhe paret male o bregúngia a fàere una cosa Sinònimos e contràrios arredutai, induritare Frases indunas, intrat a campusantu, duritendhe, e annoditat sa puba de un'isconnotu ◊ ti fràighent su palatu e no duritent su gastu! ◊ cun sa malíscia chi tenet, cussu, no duritat de nàrrere, mancari no aggradet a s'àteru ◊ chindhulamus chena duritare un'iscuta ◊ una fémina si ndhe duritat de intrare a domo de un'ómine solu! 2. nois duritamus chirchendhe in sas pijas de su ruinzu bostru sos lughinzos chi amus bisadu tempos e tempórios (G.Maieli)◊ nois duritamus regogliendhe sos pibios de custa terra nostra ◊ si babbu cheret, no durito, no, a ti dare su crastadu ◊ tue as fissu sa parténtzia e no cherzo un'istante duritare Ètimu itl. ridottare + dubitare Tradutziones Frantzesu hésiter Ingresu to hesitate, to defer Ispagnolu titubear, vacilar Italianu titubare, esitare, indugiare, differire Tedescu zögern, verzögern.

dutàre , vrb Definitzione àere duritu, istare coment'e timendho, tenendho bregúngia Frases candho ti bido, bene meu, duto de ti faedhare Ètimu itl. dottare Tradutziones Frantzesu hésiter, craindre Ingresu to hesitate, to fear Ispagnolu vacilar, temer Italianu peritarsi, avére timóre Tedescu sich scheuen.

ecisài, ecisàre , vrb: acisai Definitzione prus che àteru, incantare cun sa bellesa Sinònimos e contràrios inamorai, indeosare / afatugiare, afaturai, ammaghiare, ammainai, ammajarzare Frases funt froris chi praxint cun follas de coloris chi ecisant Ètimu spn., ctl. etxisar Tradutziones Frantzesu envoûter, ensorceler Ingresu to charm Ispagnolu hechizar Italianu incantare, ammaliare Tedescu bezaubern, bestricken.

eclisài, eclisàre, eclissài , vrb: aclisare, eclissare, ecrisare, ecrissare Definitzione su cuare, nau prus che àteru de sa Luna e de su Sole, candho Luna e Terra po su movimentu chi faent si ponent una ananti de s'àtera faendhosi umbra e cuandho o su Sole, o sa Luna Sinònimos e contràrios acuae, cuerrai, frànghere, tudai Frases e innui ti fust eclisada?! ◊ ti partis, ti eclissas coment'e sa Luna Ètimu itl. eclissare Tradutziones Frantzesu éclipser Ingresu to eclipse Ispagnolu eclipsar Italianu eclissare Tedescu verfinstern.

educàe, educài, educàre , vrb Definitzione giare annestru, imparu, educatzione Sinònimos e contràrios adducare, ammaistrae, annestrare, imparai Frases is mammas chi no iscínt educai is fillus dhus lassant in sa bia a tanti oras de noti! ◊ ca ses maza-muzere cheres postu in prejone pro ti educare chin menzus iscola! (M.Z.Finedda) Tradutziones Frantzesu éduquer Ingresu to bring up Ispagnolu educar Italianu educare Tedescu erziehen.

eligíre , vrb Definitzione fàere is eletziones, votare po isceberare is candhidaos chi depent pigare un'incàrrigu / pps. eletu, elígiu Sinònimos e contràrios elèzere Tradutziones Frantzesu élire Ingresu to elect Ispagnolu elegir Italianu elèggere Tedescu wählen.

emancipài, emantzibài, emantzipàre , vrb: mancebai Definitzione como, fàere is degheoto annos, essire de suta de su cumandhu de is mannos, de is àteros Sinònimos e contràrios scabbulli Ètimu itl. Tradutziones Frantzesu émanciper Ingresu to emancipate Ispagnolu emancipar Italianu emancipare Tedescu mündigsprechen.

emigrài , vrb: emigrare, emigrari Definitzione andhare a s'apretu a logu angenu a cricare trebballu, tucare a fora Sinònimos e contràrios disterrai, ispatriai Frases azummai cun s'emigrassione noche aiant emigradu totu! ◊ su mesu de sa bidha mia si ch'est emigrada ◊ a terr'anzena che sunt emigrados lassendhe inoghe fizos e muzere (Gv.Piredda)◊ emigraus nosu fintzas cun is tallus de su bestiàmini Tradutziones Frantzesu émigrer Ingresu to emigrate Ispagnolu emigrar Italianu emigrare Tedescu auswandern, emigrieren.

erbíre , vrb Definitzione naschire o pònnere (crèschere, fàere) erba Sinònimos e contràrios inderbie, rampudhire, rupire Frases su logu est totu erbindhe, ma si no torrat a pròere che sicat totu Ètimu srd. Tradutziones Frantzesu engazonner, enherber Ingresu to grass over Ispagnolu herbecer Italianu inerbire Tedescu mit Gras bepflanzen.

eredài, eredàre , vrb: eretare, redare Definitzione tènnere o pigare cosa in aréntzia, tocare in aréntzia Frases sa vidhedha sua est su locu inuve sa mama at tribagliau e ifurrau sa madriche eretada dae sa mama manna ◊ sos pòveros ant eredau sa passéntzia ◊ candho molzeit su babbu, Barisone eredeit su Logudoro ◊ issus ant a eredai sa terra Ètimu spn. Tradutziones Frantzesu hériter Ingresu to inherit Ispagnolu heredar Italianu ereditare Tedescu erben, beerben.

eremàre , vrb: aremai, erimai Definitzione istremenare, calàreche de su terrenu, carragiare e arreprenare de terra, pedra e arena comente dha tragant is errios aundhaos o ue proet a meda (ma si narat fintzes de su fundhu de canales o àteru deasi chi si prenent de terra); fintzes distrúere, abbandhonare Sinònimos e contràrios desmuronai, istremenare, sfossonai, smuronai / destruire 2. s'orcu múricat su sambellutau de sas gherras eremandhe sos ortos in frore (A.Mura)◊ brugiade sas armas, eremade sas tanas maleitas prontas a bombitare su fogu de s'inferru! 3. orus orus de su lagu apu agatau unu pilloni erimau de is undas Ètimu srd. Tradutziones Frantzesu s’ensabler Ingresu to sand Ispagnolu enarenar Italianu insabbiare Tedescu mit Sand bedecken.

eremíre , vrb Definitzione arestare, nau de logu lassau in abbandhonu, chentza contivigiau, o de unu buschedu Sinònimos e contràrios abriare, aferare, agrestare, imbastardai, imburdiri Tradutziones Frantzesu rendre sauvage Ingresu to make wild Ispagnolu yermar Italianu inselvatichire Tedescu verwildern.

esaminàe, esaminài, esaminàre , vrb: asaminai, isaminare Definitzione fàere s'esàmene, imbistigare, osservare po averguare comente est una cosa, ite ischit unu o at imparau, provare a bíere calecuna cosa Sinònimos e contràrios iscodrignare Tradutziones Frantzesu examiner Ingresu to examine Ispagnolu examinar Italianu esaminare Tedescu prüfen, überprüfen.

escecutàre , vrb: esecutai, esecutare, scecutai Definitzione fàere o pònnere in pràtiga un'órdine, nau mescamente in su sensu de su chi faet sa giustítzia candho a unu ndhe dhi leat sa cosa; pònnere a tréulu, burdellare su logu Sinònimos e contràrios aprensionai, imbargai, issucutare, istajire, preare Frases tocat a esecutai sa voluntadi de Deus ◊ faghe esecutare luego sa senténtzia! Ètimu ctl., spn. executar Tradutziones Frantzesu mettre sous séquestre Ingresu to seize Ispagnolu ejecutar Italianu staggire Tedescu beschlagnahmen.

escluíri , vrb Definitzione istagiare, pònnere abbandha, essírendhe o bogare calecuna cosa o a ccn. de mesu de àteru o de àteros Sinònimos e contràrios istagiai | ctr. incroie Ètimu spn. Tradutziones Frantzesu exclure Ingresu to exclude Ispagnolu excluir Italianu esclùdere Tedescu ausschließen.

espònnere, espònni , vrb Definitzione ammostare, fàere sa parada, pònnere o nàrrere cosa a manera chi is àteros biant o intendhant su chi si tenet de fàere a bíere o de fàere ischire Sinònimos e contràrios ammostai Ètimu srd. Tradutziones Frantzesu exposer, expliquer Ingresu to expose Ispagnolu exponer Italianu espórre Tedescu auslegen.

espressài, espressàre , vrb Definitzione nàrrere sa cosa, ispiegare, nàrrere su chi unu tenet de nàrrere, su si abbogare o fàere a intèndhere Sinònimos e contràrios faedhare, ispiòndiri, nàrrere Tradutziones Frantzesu exprimer Ingresu to express Ispagnolu expresar Italianu esprìmere Tedescu ausdrücken.