A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

bolizàre , vrb: abbuligiai 1, bolluzare, boluzare, bulizare, bullizare, bullugiare, bullujare, bullutzare, bulluzare, buluzare Definition murigare, mòvere e avolotare, nau pruschetotu foedhandho de abba o cosas deasi; fàere burdellu Synonyms e antonyms abbolojare, abborotai, abbussiare, ammoroscare, bugliare, intruai, istriulare, sciambullai, trubulare, trullare, trumbugliai / abbaunzare Sentences ant boluzadu sa funtana, boluzadu est su trainu ◊ si bulluzat su mare, dae subra l'inchimerant sas nues… in pag'ora est un'inferru! ◊ su rivu curriat in mesu de pretas biancas, bullutzatu Etymon itl. bollire Translations French troubler English to numb Spanish enturbiar Italian intorbidare German trüben.

bolizàre 1 , vrb Definition su andhare a bólidos Synonyms e antonyms bolai, boliare, bolidare Sentences s'intendhiat su càntigu de sas mérulas e su trutuliare de sas túrtures chi bi fint bolizendhe.

bòlla , nf: bolza, boza, vodha Definition su bòllere, su àere gana, disígiu de calecuna cosa Synonyms e antonyms desizu, gana / idea, boluntadi Idioms csn: a bolla o a marolla = de bonu coro o a mala gana, cun sas bonas o cun sas malas; de bona bolla mia = chentza mi lu obbrigare neune; pigare boza de una cosa = bènnere gana; a boza de ccn. = comenti bollit ccn. Sentences sa bolla de isciri de su pipiu no si fut assuermada ◊ mi current in venas disizos e bozas ◊ a lu leare no bi fit mancu pensendhe… s'ingiantu aiat in coro sa bolza de fàghere sa matessi vida sua (N.Fois) 2. lassu nâi sa genti e fatzu a bolla mia ◊ zutu ti ant s'ingannu a boza issoro ◊ a s'ispidale bi andhat zente in boza de saludu ◊ unu pagu a boza e unu pagu a fortza, issa puru intreit a ballare ◊ no ti ndhe pighet piús boza! ◊ finas su renunsciadu intrat in bozas ◊ a bollas o ammarollas gei partis! Surnames and Proverbs smb: Bolla, Bollas / prb: a boza de corvu no morit àinu Etymon ltn. *volia Translations French envie English wish Spanish gana, deseo Italian vòglia German Lust.

bòllaras , nf pl Definition sa parte de s'istentina prus grussa, prus larga Synonyms e antonyms budha, dòbbaru, erca Scientific Terminology crn.

bollàrgiu , nm Definition genia de piscitedhu de mari, un'arratza de vaca Synonyms e antonyms sarràgna Scientific Terminology psc, serranus cabrilla.

bollàticu , agt Definition chi no tenet firmesa, nau de persona, de su caràtere; chi est lebiedhu, chi si pesat a bolare, chi si bolat Synonyms e antonyms bolabbola, bolantitzu, bolanderu, spetziosu / cdh. bulàticu | ctr. firmu, resinnadu Sentences curpa de èssi bollàtica tui, custu ndi apu tentu! Scientific Terminology ntl Translations French volage, changeant English fickle Spanish voluble, volátil Italian volúbile, volàtile German flatterhaft.

bòllere bòlere

bolletínu , nm Definition genia de giornale piticu.

bolletínu 1 balentínu

bòlli, bòlliri bòlere

bollòlla , nf: bollulla Synonyms e antonyms bobborota, lelledha, minninna, pichiriola, pilledha, pisciuledha, tórrina Etymon srd.

bollònca , nf: buglianca, bullanca, bullonca, bulluca Definition busciuca o bubburuca de abbruxadura, de sabone, de abba, de salia; fintzes fruschedha, gurone Synonyms e antonyms bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Sentences in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Etymon srd. Translations French cloque, bulle, ampoule, vésicule English small blister Spanish burbuja, ampolla Italian bólla, vescichétta German Blase.

bolloròdho , agt Definition nau de unu, chi est grussatzu de carena, prenu, ma fintzes chi si credet méngius o prus de su chi est, unu pagu presumiu Synonyms e antonyms aurratzu, introssiu / creitosu Sentences fit unu bellu ómine, ma bollorodho e mesu tzacorau a purmones (S.Spiggia) Scientific Terminology zcrn, ntl Etymon srd.

bòlloros , nm pl Definition sos busellos, is istentinas / èssere a tzocu de bòlloros = a tríulos de mata.

bóllu , prn: vollu Definition bos + lu = (a) bois, (pro) bois + lu, e deosi istacaos est méngius a dhos iscríere candho si narant innanti de su verbu (bos lu dao, bos lu leades) assimilandho sa –S a sa cunsonante L– de s'àteru pron.); andhant bene iscritos totu a unu cun su vrb. candho si narant apustis, enclíticos (dendhebbollu, ponidebbollu) Sentences bollu dao deo su chi sezis chirchendhe ◊ lassadebbollu, leadebbollu!

bollúlla bollòlla

bolluzàda , nf Definition su bolluzare Etymon srd.

bolluzadòre , nm Definition chie ponet bolluzu, chie faet naschire tréulu, brigas Synonyms e antonyms imprenidore, insulladori, mintevogu, piliseri, supuzadore, supuzeri, trebuleri Etymon srd. Translations French fauteur de troubles English instigator Spanish hostigador, instigador Italian sobillatóre German Hetzer.

bolluzàdu , pps, agt Definition de bolluzare; chi est in avolotu, trullu, avolotau (nau de unu fàere de gente, pagu límpiu) Synonyms e antonyms abbolotadu | ctr. séliu, pasadu 2. s'abba de sa funtana est bolluzada ◊ su binu est totu bolluzadu ◊ chie est bandhiandhe est una pischina a ube remonint totu sas abbas bulluzadas… 3. gighet s'istògomo bolluzadu.

bolluzadúra , nf Definition su bolluzare Synonyms e antonyms avolotamentu Etymon srd. Translations French action de troubler English muddiness Spanish enturbiamiento Italian intorbidaménto German Trübung.