A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

bolizàre , vrb: abbuligiai 1, bolluzare, boluzare, bulizare, bullizare, bullugiare, bullujare, bullutzare, bulluzare, buluzare Definitzione murigare, mòvere e avolotare, nau pruschetotu foedhandho de abba o cosas deasi; fàere burdellu Sinònimos e contràrios abbolojare, abborotai, abbussiare, ammoroscare, bugliare, intruai, istriulare, sciambullai, trubulare, trullare, trumbugliai / abbaunzare Frases ant boluzadu sa funtana, boluzadu est su trainu ◊ si bulluzat su mare, dae subra l'inchimerant sas nues… in pag'ora est un'inferru! ◊ su rivu curriat in mesu de pretas biancas, bullutzatu Ètimu itl. bollire Tradutziones Frantzesu troubler Ingresu to numb Ispagnolu enturbiar Italianu intorbidare Tedescu trüben.

bolizàre 1 , vrb Definitzione su andhare a bólidos Sinònimos e contràrios bolai, boliare, bolidare Frases s'intendhiat su càntigu de sas mérulas e su trutuliare de sas túrtures chi bi fint bolizendhe.

bòlla , nf: bolza, boza, vodha Definitzione su bòllere, su àere gana, disígiu de calecuna cosa Sinònimos e contràrios desizu, gana / idea, boluntadi Maneras de nàrrere csn: a bolla o a marolla = de bonu coro o a mala gana, cun sas bonas o cun sas malas; de bona bolla mia = chentza mi lu obbrigare neune; pigare boza de una cosa = bènnere gana; a boza de ccn. = comenti bollit ccn. Frases sa bolla de isciri de su pipiu no si fut assuermada ◊ mi current in venas disizos e bozas ◊ a lu leare no bi fit mancu pensendhe… s'ingiantu aiat in coro sa bolza de fàghere sa matessi vida sua (N.Fois) 2. lassu nâi sa genti e fatzu a bolla mia ◊ zutu ti ant s'ingannu a boza issoro ◊ a s'ispidale bi andhat zente in boza de saludu ◊ unu pagu a boza e unu pagu a fortza, issa puru intreit a ballare ◊ no ti ndhe pighet piús boza! ◊ finas su renunsciadu intrat in bozas ◊ a bollas o ammarollas gei partis! Sambenados e Provèrbios smb: Bolla, Bollas / prb: a boza de corvu no morit àinu Ètimu ltn. *volia Tradutziones Frantzesu envie Ingresu wish Ispagnolu gana, deseo Italianu vòglia Tedescu Lust.

bòllaras , nf pl Definitzione sa parte de s'istentina prus grussa, prus larga Sinònimos e contràrios budha, dòbbaru, erca Terminologia iscientìfica crn.

bollàrgiu , nm Definitzione genia de piscitedhu de mari, un'arratza de vaca Sinònimos e contràrios sarràgna Terminologia iscientìfica psc, serranus cabrilla.

bollàticu , agt Definitzione chi no tenet firmesa, nau de persona, de su caràtere; chi est lebiedhu, chi si pesat a bolare, chi si bolat Sinònimos e contràrios bolabbola, bolantitzu, bolanderu, spetziosu / cdh. bulàticu | ctr. firmu, resinnadu Frases curpa de èssi bollàtica tui, custu ndi apu tentu! Terminologia iscientìfica ntl Tradutziones Frantzesu volage, changeant Ingresu fickle Ispagnolu voluble, volátil Italianu volúbile, volàtile Tedescu flatterhaft.

bòllere bòlere

bolletínu , nm Definitzione genia de giornale piticu.

bolletínu 1 balentínu

bòlli, bòlliri bòlere

bollòlla , nf: bollulla Sinònimos e contràrios bobborota, lelledha, minninna, pichiriola, pilledha, pisciuledha, tórrina Ètimu srd.

bollònca , nf: buglianca, bullanca, bullonca, bulluca Definitzione busciuca o bubburuca de abbruxadura, de sabone, de abba, de salia; fintzes fruschedha, gurone Sinònimos e contràrios bobbollonca, bubbulica, bubburuca, buciuca, bodhonca, fiodha, ilfiodha, impudha / babballuca Frases in manu zuchiat una bollonca chi si at fatu fachendhe unu zirante ◊ est cun sas ancas prenas de bolloncas ca nch'est colau in mesu de s'urtiga ◊ rimédios e ispannos sanant dogni bullanca ◊ is bullucas s'isciopant 2. sas leadas in giru chi mi as fatu sunt bullancas de sabone! ◊ su pisci est annadendi fadendi bullucas in sa bratzita ◊ sighit cun is ogus su fui fui de bulluchedhas de saboni Ètimu srd. Tradutziones Frantzesu cloque, bulle, ampoule, vésicule Ingresu small blister Ispagnolu burbuja, ampolla Italianu bólla, vescichétta Tedescu Blase.

bolloròdho , agt Definitzione nau de unu, chi est grussatzu de carena, prenu, ma fintzes chi si credet méngius o prus de su chi est, unu pagu presumiu Sinònimos e contràrios aurratzu, introssiu / creitosu Frases fit unu bellu ómine, ma bollorodho e mesu tzacorau a purmones (S.Spiggia) Terminologia iscientìfica zcrn, ntl Ètimu srd.

bòlloros , nm pl Definitzione sos busellos, is istentinas / èssere a tzocu de bòlloros = a tríulos de mata.

bóllu , prn: vollu Definitzione bos + lu = (a) bois, (pro) bois + lu, e deosi istacaos est méngius a dhos iscríere candho si narant innanti de su verbu (bos lu dao, bos lu leades) assimilandho sa –S a sa cunsonante L– de s'àteru pron.); andhant bene iscritos totu a unu cun su vrb. candho si narant apustis, enclíticos (dendhebbollu, ponidebbollu) Frases bollu dao deo su chi sezis chirchendhe ◊ lassadebbollu, leadebbollu!

bollúlla bollòlla

bolluzàda , nf Definitzione su bolluzare Ètimu srd.

bolluzadòre , nm Definitzione chie ponet bolluzu, chie faet naschire tréulu, brigas Sinònimos e contràrios imprenidore, insulladori, mintevogu, piliseri, supuzadore, supuzeri, trebuleri Ètimu srd. Tradutziones Frantzesu fauteur de troubles Ingresu instigator Ispagnolu hostigador, instigador Italianu sobillatóre Tedescu Hetzer.

bolluzàdu , pps, agt Definitzione de bolluzare; chi est in avolotu, trullu, avolotau (nau de unu fàere de gente, pagu límpiu) Sinònimos e contràrios abbolotadu | ctr. séliu, pasadu 2. s'abba de sa funtana est bolluzada ◊ su binu est totu bolluzadu ◊ chie est bandhiandhe est una pischina a ube remonint totu sas abbas bulluzadas… 3. gighet s'istògomo bolluzadu.

bolluzadúra , nf Definitzione su bolluzare Sinònimos e contràrios avolotamentu Ètimu srd. Tradutziones Frantzesu action de troubler Ingresu muddiness Ispagnolu enturbiamiento Italianu intorbidaménto Tedescu Trübung.