A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

cochíntzu, cochínzu , nm: coghíngiu, coghinzu, coighinzu Definition su còere, su fàere sa cota de su pane; su tanti de sa cosa de còere po papare una borta; su s'imbriagare / unu coghinzu de fae, de basolu, e gai = unu tanti de fà, de fasolu chi bastat po ndi còi una borta (e po su tanti de personas chi dhui papant) Synonyms e antonyms cochidura, cota, cotolza, cotua / imbreachera Sentences tanno ite sont cussas lachedhas de lavontzu e su cochintzu e totu sas àteras fainas?! ◊ duus pòburus funt andaus a s’arxola po domandai unu coghingedhu de trigu 2. est andhadu a s'ortu e at batidu unu bellu coghinzu de fae 3. cussos sont contos de cochinzu! Etymon srd. Translations French cuisson English cooking, cooking quantity Spanish cocción, porción Italian cottura, quantità cucinàbile quanto basta per una vòlta German Kochen, Quantität zum Kochen.

cochíta cochèta

cochitòra cochidòra

còcia , nf Definition in sa màniga de s'ispada, a cara a sa punta, genia de amparu cupudu po amparare sa manu Sentences sa còcia de s'ispada Translations French garde d'épée English sword-guard Spanish guarda, guardamano Italian còccia German Glocke.

còcia 1 còce

cociàle, cociàra, cociàre, cociàri , nm, nf: cuciare, cuciari, cutzara Definition genia de aina pitica, a figura ovale, unu pagu tuvuca, fine, cun sa màniga, po umprire e portare a buca cosas brodosas Synonyms e antonyms cucera, collera, tullita Sentences in sa mesa no bi aiat ne cociaris, ne furchetas e ne burtedhos ◊ sa minestra si mànigat a cutzara ◊ cociares e fulchetas si ponent acultzu a su piatu ◊ at assazadu unu cociale de giagadu Surnames and Proverbs smb: Cucciari Scientific Terminology ans Translations French cuillère English spoon Spanish cuchara Italian cucchiàio German Löffel.

cociarínu cocerínu

cociaròne coceròni

cocíci , nm Definition iscova de argiolas o mundha domos: una genia de erba linnosa, fragosa, bona po iscovas de fora e po auscare porcos Synonyms e antonyms alacasu, alluevogu 1, bronzedhu, calacasu, locasu, luchitu, lucrexu, mummueu, ossassi, spinedopis Scientific Terminology rbl, Stachys glutinosa.

cocienòni coceròni

cocína , nf: cotzina, cucina Definition su fundhale cun totu is arraighinas, mescamente de una mata, de una tupa (in sa bide est fintzes su fundhu a fora, su truncu foras is pudas e sa pértiga noa); nau de unu, chi est malu a cumprèndhere o chi no bolet cumprèndhere Synonyms e antonyms cossighina, cotzigone, cotzinàrgiu, mola, tzompa 2. tocadhi sa manu, cotzina! ◊ cun totu custu tussi seu surda che cotzina Surnames and Proverbs smb: Coccina, Cotzia, Cozzia Scientific Terminology rbr Etymon srd. Translations French bûche English log Spanish cepa Italian ciòcco German Baumstumpf.

cocinédhu , nm Definition (f. -a) su molentedhu, su burricu, unu cotzi piticu Synonyms e antonyms borricu, poledhu Sentences a cini sàmunat sa conca a cocinedhu nci perdet sa lissia! ◊ a cocinedhu no dhi dexet tzaparanu Scientific Terminology anall.

còcioba , nf, nm: cóciua 1, cóciula 1, cótzula 1, cótzulu 1 Definition gioga marina, genia de animaledhu de mare (upm) fatu cun sa corra a duas perras copudas chi si aperint abbarrandho atacadas in d-un'oru (incàsciu) e a cara apare: s'animaledhu (dhi narant papu) est atacau a sa corra, aintru, e paret unu pedhutu / min. cocioledha; partes de sa c.: scroxu, perras, incàsciu, sidhu (sa parte tostada de su papu chi abbarrat atacada a sa corra, aintru), língua (genia de puntighedha), corrus (genia de tubbighedhos po issuciare o si atacare)/ zenias de cóciua: arrasposa, arrúbia, a tabbacheras, bianca o pintada (errigada, coment'e a surchighedhos a fora), cabútzula o caúcia (bianca), imbriaga (a corra murinata), lada, lisa, muscadedha, niedha, niedha manna (= cotza, mytilus galloprovincialis), piluda, sorgonada, ispinosa (cardium aculeatum); c. aggangara = morta, prena de ludu púdidu Synonyms e antonyms ciócula Idioms csn: tancai is cóciulas = mòrrere; sidhau, sidhiu che c. = chi no faedhat, ammudigonadu, ma fintzas limidu, susuncu Sentences aundi est su professori chi dhi praxit sa cóciula? ◊ sa cóciula si ponit in su fogu, si oberit e si ndi bogat su papu ◊ circamu sa cóciua a corrovu ◊ cóciula e buconis tengu a lavamanus ◊ po sa còcioba e su pisci nci depu pentzai dèu 2. in chistioni de dinai est sidhau che cóciula Surnames and Proverbs smb: Cozzula Scientific Terminology crx Etymon itl. cocciola Translations French mollusque, bivalve, arche English mussel Spanish almeja Italian mollusco bivalve, arsèlla German Muschel.

cociobài , vrb: cociuai Definition andhare a cricare o piscare cóciula Sentences apu biu genti meda cociobendu in Marcedhí ◊ cussu est cociuendi in ciú stagnu Etymon srd. Translations French pêcher des arches English to fish mussels Spanish pescar almejas Italian pescare arsèlle German Muschel fischen.

cociòla , nf Definition su corgiolu de su lardu Synonyms e antonyms corgiolu.

cociólu , nm Synonyms e antonyms còglia.

cocioníu, cociorínu cocerínu

cocioròni coceròni

còcios , nm pl: cògius, gòcius* Definition genia de cumponimentu in poesia po is làudes a unu santu; a bortas, poesia o cantzone de innóriu, de befa Sentences benemindi candu cantat is cògius! ◊ noso cantaus is còcios antigos de Nostra Sennora de is gràssias.

cocítu , nm Definition unu cotzi piticu Synonyms e antonyms àinu, borricu, mobenti, poledhu.