A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Legenda Incurtzaduras | Legenda Sìmbulos

cochíntzu, cochínzu , nm: coghíngiu, coghinzu, coighinzu Definitzione su còere, su fàere sa cota de su pane; su tanti de sa cosa de còere po papare una borta; su s'imbriagare / unu coghinzu de fae, de basolu, e gai = unu tanti de fà, de fasolu chi bastat po ndi còi una borta (e po su tanti de personas chi dhui papant) Sinònimos e contràrios cochidura, cota, cotolza, cotua / imbreachera Frases tanno ite sont cussas lachedhas de lavontzu e su cochintzu e totu sas àteras fainas?! ◊ duus pòburus funt andaus a s’arxola po domandai unu coghingedhu de trigu 2. est andhadu a s'ortu e at batidu unu bellu coghinzu de fae 3. cussos sont contos de cochinzu! Ètimu srd. Tradutziones Frantzesu cuisson Ingresu cooking, cooking quantity Ispagnolu cocción, porción Italianu cottura, quantità cucinàbile quanto basta per una vòlta Tedescu Kochen, Quantität zum Kochen.

cochíta cochèta

cochitòra cochidòra

còcia , nf Definitzione in sa màniga de s'ispada, a cara a sa punta, genia de amparu cupudu po amparare sa manu Frases sa còcia de s'ispada Tradutziones Frantzesu garde d'épée Ingresu sword-guard Ispagnolu guarda, guardamano Italianu còccia Tedescu Glocke.

còcia 1 còce

cociàle, cociàra, cociàre, cociàri , nm, nf: cuciare, cuciari, cutzara Definitzione genia de aina pitica, a figura ovale, unu pagu tuvuca, fine, cun sa màniga, po umprire e portare a buca cosas brodosas Sinònimos e contràrios cucera, collera, tullita Frases in sa mesa no bi aiat ne cociaris, ne furchetas e ne burtedhos ◊ sa minestra si mànigat a cutzara ◊ cociares e fulchetas si ponent acultzu a su piatu ◊ at assazadu unu cociale de giagadu Sambenados e Provèrbios smb: Cucciari Terminologia iscientìfica ans Tradutziones Frantzesu cuillère Ingresu spoon Ispagnolu cuchara Italianu cucchiàio Tedescu Löffel.

cociarínu cocerínu

cociaròne coceròni

cocíci , nm Definitzione iscova de argiolas o mundha domos: una genia de erba linnosa, fragosa, bona po iscovas de fora e po auscare porcos Sinònimos e contràrios alacasu, alluevogu 1, bronzedhu, calacasu, locasu, luchitu, lucrexu, mummueu, ossassi, spinedopis Terminologia iscientìfica rbl, Stachys glutinosa.

cocienòni coceròni

cocína , nf: cotzina, cucina Definitzione su fundhale cun totu is arraighinas, mescamente de una mata, de una tupa (in sa bide est fintzes su fundhu a fora, su truncu foras is pudas e sa pértiga noa); nau de unu, chi est malu a cumprèndhere o chi no bolet cumprèndhere Sinònimos e contràrios cossighina, cotzigone, cotzinàrgiu, mola, tzompa 2. tocadhi sa manu, cotzina! ◊ cun totu custu tussi seu surda che cotzina Sambenados e Provèrbios smb: Coccina, Cotzia, Cozzia Terminologia iscientìfica rbr Ètimu srd. Tradutziones Frantzesu bûche Ingresu log Ispagnolu cepa Italianu ciòcco Tedescu Baumstumpf.

cocinédhu , nm Definitzione (f. -a) su molentedhu, su burricu, unu cotzi piticu Sinònimos e contràrios borricu, poledhu Frases a cini sàmunat sa conca a cocinedhu nci perdet sa lissia! ◊ a cocinedhu no dhi dexet tzaparanu Terminologia iscientìfica anall.

còcioba , nf, nm: cóciua 1, cóciula 1, cótzula 1, cótzulu 1 Definitzione gioga marina, genia de animaledhu de mare (upm) fatu cun sa corra a duas perras copudas chi si aperint abbarrandho atacadas in d-un'oru (incàsciu) e a cara apare: s'animaledhu (dhi narant papu) est atacau a sa corra, aintru, e paret unu pedhutu / min. cocioledha; partes de sa c.: scroxu, perras, incàsciu, sidhu (sa parte tostada de su papu chi abbarrat atacada a sa corra, aintru), língua (genia de puntighedha), corrus (genia de tubbighedhos po issuciare o si atacare)/ zenias de cóciua: arrasposa, arrúbia, a tabbacheras, bianca o pintada (errigada, coment'e a surchighedhos a fora), cabútzula o caúcia (bianca), imbriaga (a corra murinata), lada, lisa, muscadedha, niedha, niedha manna (= cotza, mytilus galloprovincialis), piluda, sorgonada, ispinosa (cardium aculeatum); c. aggangara = morta, prena de ludu púdidu Sinònimos e contràrios ciócula Maneras de nàrrere csn: tancai is cóciulas = mòrrere; sidhau, sidhiu che c. = chi no faedhat, ammudigonadu, ma fintzas limidu, susuncu Frases aundi est su professori chi dhi praxit sa cóciula? ◊ sa cóciula si ponit in su fogu, si oberit e si ndi bogat su papu ◊ circamu sa cóciua a corrovu ◊ cóciula e buconis tengu a lavamanus ◊ po sa còcioba e su pisci nci depu pentzai dèu 2. in chistioni de dinai est sidhau che cóciula Sambenados e Provèrbios smb: Cozzula Terminologia iscientìfica crx Ètimu itl. cocciola Tradutziones Frantzesu mollusque, bivalve, arche Ingresu mussel Ispagnolu almeja Italianu mollusco bivalve, arsèlla Tedescu Muschel.

cociobài , vrb: cociuai Definitzione andhare a cricare o piscare cóciula Frases apu biu genti meda cociobendu in Marcedhí ◊ cussu est cociuendi in ciú stagnu Ètimu srd. Tradutziones Frantzesu pêcher des arches Ingresu to fish mussels Ispagnolu pescar almejas Italianu pescare arsèlle Tedescu Muschel fischen.

cociòla , nf Definitzione su corgiolu de su lardu Sinònimos e contràrios corgiolu.

cociólu , nm Sinònimos e contràrios còglia.

cocioníu, cociorínu cocerínu

cocioròni coceròni

còcios , nm pl: cògius, gòcius* Definitzione genia de cumponimentu in poesia po is làudes a unu santu; a bortas, poesia o cantzone de innóriu, de befa Frases benemindi candu cantat is cògius! ◊ noso cantaus is còcios antigos de Nostra Sennora de is gràssias.

cocítu , nm Definitzione unu cotzi piticu Sinònimos e contràrios àinu, borricu, mobenti, poledhu.