A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

comentecasíat , avb Definition de una css. manera Synonyms e antonyms comentacoe, comentisiollat, comentesisiat Etymon srd. Translations French de toute façon English however Spanish de todas formas Italian comùnque German wie auch immer.

comentesisíat , avb: cumentisisiat Definition de una manera chi no faet a dhu nàrrere, male meda de salude o de poberesa, in poberesa meda; in cale sisiat manera (fintzes cng. cun chi) Synonyms e antonyms comentecasiat Sentences est ca semus comentesisiat, sinono za bi fimus andhados nois puru a sa festa! 2. bi cheret chi sonent sos cannones sas allegrias de sa libbertade? Ma comentesisiat su pópulu oprimidu ndhe ischidade! Etymon srd. Translations French d'une très mauvaise manière English no matter (how) Spanish de forma mala Italian in pèssimo mòdo, in una condizióne purchè sia German recht und schlecht.

comènti comènte

comentisiòllat , avb: cumentisiollat Definition de una css. manera Synonyms e antonyms comentecasiat Etymon srd.

comentzàri , vrb: comintzare, cumantzai, cumenciae, cumenciai, cumenciare, cumentzai, cumetzai, cumintzare, cummentzai Definition fàere is primas cosas de una faina, passare is primos momentos, is primas dies de unu tempus, fàere su primu tretu de unu camminu: nau a sa sola, cricare arreghèscias, bogare iscóticos, iscusas / cumentzai una carrada, un'ampudha (o àteru istrégiu)= tocare, comintzare a pigare de una cuba, de un'ampulla su binu (o su chi est, de un'isterzu prenu) Synonyms e antonyms acirrai, atelare, incomintzae, inghitzai, isprimitziai, primitziai | ctr. acabbae, sensai Sentences geo de annos ndhe cumèncio otanta duos ◊ totu est a comintzare: a sighire za benit prus fàtzile ◊ no isciu de cali parti comentzari ◊ mi la leo in do e comintzo sas rimas a cantare ◊ oi cumetzat de chitzi su sudori, fendi su cumossu de su pani! 2. e lah, immoi cummentza, lah!…◊ no comintzes, no, ca tantu mancu t'iscurto! 3. babbu at cumentzau sa mellus carrada ◊ no los comintzes totu cussos pischedhos de casu: sega totu de unu! Translations French commencer English to begin Spanish empezar, comenzar Italian incominciare, cominciare, principiare German anfangen.

còmere , vrb Synonyms e antonyms mandhicare, papae. Etymon its spn comer? (Blasco p. 94 St.d.l.sarda)

comèta , nf Definition istedhu coudu, nue de materiale cósmicu chi faet unu giru mannu prelongau a inghíriu de su Sole e dónnia tanti de annos si biet passandho che un'istedhu cun sa coa: sa parte de ananti si narat crinera; mància longa bianca, ampla, in su fronte de su cuadhu, apuntada fache a su murru; orrugu de paperi chi is piciochedhos faent bolare a giogu Sentences sa cometa passat e cun sa luxi chi fait parit chi bollat istròciri sa nea Translations French comète, aquilon English comet, kite Spanish cometa (m) Italian cométa, aquilóne German Komet, Drachen.

comète , nm Definition chi o chie papat meda Synonyms e antonyms allupidu, mangiufoni, pasteri, sassagoni.

comèti comènte

comía , nf Definition is puntas fines de is naes, de is matas, sa sida fine Synonyms e antonyms iscomu.

cómicu , agt, nm Definition chi o chie tenet sa capacidade de fàere a erríere Translations French comique English funny (person) Spanish cómico Italian còmico German komisch, Komiker.

cominigàdu , pps, agt Definition de cominigare; chi at leadu o dhi ant giau sa comunione, s'óstia sagrada 2. as cufessadu e ses cominigada.

cominigàre , vrb: comunigai, comunigare, cuminigai, cuminicare, cummunigae Definition pigare o giare sa comunione, s'óstia cunsagrada (si manígiat meda in forma prnl.); coment'e nm., sa comunione / cominigare a unu apustis mortu = fàghere sa cosa a distempus Sentences nessi a Pasca za si comínigat ◊ sos pisedhos su preíderu los at cufessados e cominigados ◊ est morta in d-unu patrefíliu, mancu su tempus de dha comunigai! ◊ fut andau a missa e si fut comunigau ◊ cominigadu ti ses, oe? 2. est passau su cummunigae ma nemus si est imbannugau Surnames and Proverbs prb: apustis mortu cuminighedhu… Etymon itl. Translations French communier English to administer holy communion (receive) Spanish comulgar Italian dare la comunióne, comunicarsi German die Kommunion spenden empfangen.

comintzàda , nf: cumenciada Definition is primas cosas chi si faent de una faina, is primos momentos de unu tempus, de unu fatu, su primu tretu de unu camminu Synonyms e antonyms comintzu, inghitzada | ctr. acabbada, sensada Sentences custa est sa primu cumenciada: si calincuna cosa nc'est in mesu, Nostra Segnora agguardirimí de dogna mali! Etymon srd.

comintzadúra , nf: cumintzadura Definition su cumenciare, sa manera de cumenciare Etymon srd.

comintzàre comentzàri

comintzàu , pps, agt: cumintzau Definition de comintzare 2. cussu binu, como chi est comintzadu, che cheret sighidu a bufare.

comíntzu , nm: cuménciu, cumentu, cumentzu, cumetzu, cumintzu Definition sa cosa chi, o ue o candho si cumènciat, cumenciamentu de una faina, de unu tempus, de unu camminu Synonyms e antonyms incaminada, incomínciu, incumentu, inghitzu | ctr. acabbu, finitia Sentences totus improvisant cantzonis e mutetus a cumentu ◊ in donzi cosa, su comintzu est su prus difítzile ◊ bonu comintzu e menzus fine! ◊ aus pigau coment'e cuménciu òperas de cantadores Etymon itl. comincio Translations French début English beginning Spanish comienzo Italian inìzio, princìpio German Anfang.

comiòla , nf: cumiola Definition chimuzia, is puntas prus fines de una mata, de una tupa, prus che àteru sa chi si ponet po allúere fogu Synonyms e antonyms coma, ischimadura Sentences sa comiola de su murdegu dha poneus a is matixedhas, prantendidhas, ca fait ladàmini Scientific Terminology rbr Etymon srd.

comisionàrgiu , nm Definition (f. -a) sa persona chi si mandhat a fàere su cumandhu, sa miscione de foedhare sa fémina chi si bolet a pobidha Synonyms e antonyms apagiadori, cojadori, gantzaju, mandhadàgliu, paraímpiu, poborimpu, tratadore Etymon srd.