A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

fragàllia fragàglia

fraganàre , vrb Definition segare, batire a malu puntu, betare apare a forrogadura; istare sèmpere faendho Synonyms e antonyms chimentare, fragassare, iscassaudhare / arminzare, ordimignare Translations French fracasser English to shatter Spanish quebrar Italian fracassare German zerschlagen, zersplittern.

fraganàu , pps, agt Definition de fraganare; chi istat male meda, chi est a malu puntu Synonyms e antonyms afradhocu, malacónciu, traganau 2. in unu tempus male fraganau, pupughinau de runza, ite amus a messare?! ◊ fit iscurtu e totu male fraganau ◊ sunt ghiraos dae sa gherra totu male fraganaos, imbetzaos, nechidaos in totu Translations French en mauvais état English in bad shape Spanish malparado, maltrecho Italian malcóncio German zugerichtet.

fraganedhàre , vrb Synonyms e antonyms fraganare Etymon srd.

fraganínzu , nm Definition su istare fraganandhe, sèmpere faendho, e fintzes su sonu o moida chi si faet Synonyms e antonyms fraganare Etymon srd.

fragàre fiagàre

fragassàre , vrb: fregassare, frigassare, fricassai Definition fàere a unu fragassu, orrugare totu, fàere dannu a pistadura, segadura Synonyms e antonyms agigotare, arrogai, atzimare, azinare, chimentare, fraganare, iscassaudhare Sentences su ràndhine fragassat foza e frutu ◊ sos bentos fortes fragassant sas àrbures ◊ li est lómpidu a corpos de fuste in cantos de li fragassare sos ossos ◊ ant fricassau de perdigonis una mata ◊ sos boes in s'alzola trazaiant pedras e fregassaiant ispigas e paza Etymon itl. fracassare.

fragàssu fracàssu

fragàta , nf: fregata Definition bastimentu de gherra; su bagàgliu / atuai is fragatas = pinnigare sos cosinzos, is istrepus, andharesindhe, fintzas mòrrere Sentences siat a fragata siat a vapori tocat a m'imbarcai ◊ donna Maria narat ca tenit fregatas e dhas cumandat su fillu… 2. Minnia si fiat trasladada traghendusí avatu grandus fragatas chi iant fatu contai ispantus in bidha 3. segundu comenti suat su bentu scis ca s'istrabedhat atuendi is fragatas po si nci fui! ◊ no apu atuau ancora is fragatas e po cussu mi faint festa, po is norant'annus Surnames and Proverbs smb: Fragata, Fragatta.

fragellàre flagellài

fragéllu flagéllu

fragéri , nm: vargeri* Definition prus che àteru, terrenu prantau a matas de frutuàriu / f. de erbas = ortu Synonyms e antonyms frutale, frutorarju Scientific Terminology slg.

fraggavínu frabbaínzu

fraghéri , nm Definition s'istampu comente acabbant is istentinas Synonyms e antonyms cachinu, istampa, paltusu Scientific Terminology crn Etymon srd. Translations French anus, séant English posterior Spanish ano Italian ano, deretano German After, Anus.

fraghigiài , vrb Definition istare o andhare fraga fraga, a su nusca nusca: nau fintzes de ómine e fémina chi si cricant cun idea de cojuare ma deasi chentza seguresa, provandho a bíere Synonyms e antonyms acarigai, annajare, annàsere, arrancai 1, fiagare, nuscai Sentences fiat fraghigendi is arrastus Etymon srd.

fraghígiu, fraghíngiu , nm Definition fragu e pruschetotu su istare fraga fraga (nau fintzes in cobertantza) Synonyms e antonyms arrancu, arrasta, fiacu 1 2. cussu at cumenciau a pigai fraghíngiu de fémina (S.D'Arco) Etymon srd.

fraghíssa , nf: praghissa Definition fémina chi at pérdiu su fedu Translations French femme qui a avorté English woman who has had a miscarriage Spanish malparida Italian dònna che ha abortito German Frau, die einen Abort hatte.

fragía , nf Definition druche pitichedhu a farinos de medas colores solu po bellesa de pònnere apitzu in sa capa modhe de àteros druches Synonyms e antonyms tragea.

fragiàre , vrb: frajare, frazare Definition su bènnere o fàere bènnere mancu de sa cosa posta a fàere isfortzu o trebballu, chi deasi acabbat po èssere débbile, segada, freada (nau de sa pedhe), bècia; abbandhonare una cosa chi no s'impreat prus; impreare, ispèndhere, ispaciare Synonyms e antonyms acabbae, arrogai, consumai, conciumire, finire, infinigae, istradhusciare, malocrare / friai, malandrare Sentences chie est massone no che frazat sos ossos in presone (L.Ilieschi)◊ mamas chi ant frazadu sa mezus gioventude, ancora pitzinnas parent betzas ◊ s'avaru no si setzit ca frazat sa cadrea, no movet passu ca frazat sos solos ◊ prus si ruet e prus su corpus si frazat ◊ cussos si ant frazadu s'onestade ◊ prite su tempus meu cun sas fiaras no ti l'as frazadu? 2. apo frazadu milli ispijitos ◊ at frazadu sa broca 3. fit unu cadhitu frajadu e mortu de fàmine ◊ a s'àinu frajadu sedha dhu pículat 4. sos milliardos bi sunt ma no si podent frazare ◊ su carrarmadu cun d-una incricadedha frazat unu bidone de binzina Surnames and Proverbs prb: chie servit a segnore sa domo sua la frazat: in s'órriu ponet paza e in sa cuba lentore Translations French détériorer, user, écorcher English to deteriorate, to wear (out), to damage, to excoriate Spanish deteriorar, gastar, estropear, excoriar Italian deteriorare, logorare, sciupare, escoriare German verderben, abnutzen, abschürfen, aufreißen.

fragnocolería , nf Definition su èssere fragnóculos, ma nau prus che àteru in su sensu de giúghere o portare ingannu Synonyms e antonyms arrebbuseria, embusteria, ingannia, macatreferia, tramperia Etymon srd.