A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

firmàrzu , agt Definition nau de su fradile in segundhu gradu: ermanu f. Synonyms e antonyms primalzu.

firmàu , pps, agt Definition de firmare Synonyms e antonyms tasidu.

firmèsa , nf: frimmesa Definition su istare firmos, ma nau prus che àteru de sa manera chi unu tenet in su fàere, in su pentzare, candho est seguru, de unu matessi andhare fintzes in is dificurtades e no istat a su càmbia càmbia, abarrat oguale Synonyms e antonyms solidesa / arree, firmàntzia, frimmore / segurànscia, seguresa / imprastu, seriedade / cdh. filmesa Sentences conca de pagu firmesa, ti ses primau po nudha! ◊ su tempus no tenet firmesa ◊ sos conchi lezeris no ant frimmesa ◊ conca de pagu firmesa, cantus ndi bis ndi amas! ◊ sorti, ch'in su mundu no tenis firmesa, cumenti de tui mi potzu fidai?! Translations French stabilité, constance, fermeté English firmness Spanish estabilidad, firmeza Italian stabilità, fermézza, costanza German Stabilität, Festigkeit, Beständigkeit.

fírmu , agt: frimmu, frimu Definition asseliau, chi no si movet (ma si narat fintzes in su sensu chi at acabbau de si mòvere, cun valore de pps. = frimmadu), chi est tostau; chi no est trebballandho, faendho (fintzes po maladia); chi no càmbiat idea, est seguru Synonyms e antonyms arressu, arrimadu, físciu / sidhadu 1, tostadu / frimmadu / malàdiu | ctr. módiu Idioms csn: terra firma = continente; firmu de conca (nadu de ccn.)= chi est sériu, sàbiu, chi tenet frimmesa, arrexonat; avb: a frimmu = bene, meda, forte, cun atentzione, a físciu, cun seguresa; corpare, betare, mossigare, muntènnere in frimmu = in cosa frimma, chi no si moet, a sa segura; muntènnere in frimmu = aguantai bèni firmu, a forti de no lassai mòviri sa cosa Sentences apedalu torra e no passat meda chi atóbiu una truma de cincu o ses, firmus e sétzius ◊ est arrumbau firmu, non si mofet prus ◊ po giogari si circat una preda lada poite ca depet abarrari firma in su pè ◊ a sa bénnida semus abbarrados tres dies frimmos in Tzivitavéchia 2. proite sezis frimmos como chi faghet a triballare? 3. in chelu bi est sa luna e frimmu si est su bentu in s'àlvure de s'arantzu (G.M.Cherchi)◊ si est frimmu atesu ◊ in logu de si che andhare, cussa zente s'est frimma ◊ candho l'apo bidu sa prima borta si mi est frimmu su coro (S.Saba) 4. si fint durmios a firmu, a sorrocru, e no si sunt abbizaos de nudha ◊ figuraisí s'ispantu cosa sua candu si acatàt ca is ogus si moviant e dhu castiànt a frimu a frimu ◊ su ferreri ponet su ferru in sa mossa pro lu segare in frimmu ◊ portat is titas firmas che tapu de tzucorera! ◊ beni a innoxi e secirí a firmu ca ti depu narri una cosa! ◊ teni sa menti firma ca mi as donau fuedhu! Etymon ltn. firmus Translations French immobile, ferme English steady Spanish parado, estable, sólido Italian férmo, stàbile, stàtico, sòlido German unbewiglich, fest.

firtorósu , agt Synonyms e antonyms friarosu, fritulàntzigu, titirigosu, tudhosu / fridu | ctr. caente.

fírtu , agt, nm Synonyms e antonyms frios, fritu 2. issa de cufidàntzia meda non mi ndhe aiat zadu, fuit abarrada séria e firta.

firtuítu fertuítu

fíru fídu

firunzàna filangiàna

fiscàle, fiscàli , agt, nm Definition chi pertocat su fiscu, is pagamentos chi si faent a s'istadu; chi faet pagare po dónnia cosighedha; chie arregollet is pagamentos de s'istadu Synonyms e antonyms diritadore, godhetarju, isetore, taciaju Sentences sos ministros, fiscales sentza frenu, pro cumpletare sas inventziones, mancat solu chi a totu sas persones ponzant unu tassàmetru a s'alenu.

fiscalizài, fiscalizàre , vrb Definition pònnere a càrrigu de su fiscu.

fischiàda , nf Definition su fruschiare, surbada Etymon srd.

fischiài , vrb Definition fàere unu sonu coment'e unu zúmiu surbiandho; fàere su sulitu a unu po befa, pigare a súrbios Synonyms e antonyms ammuinai 1, fruschiare, fruscidare, frusciulare, frusitai, moidare, muizare, sulietai, surbiai, zumiai.

físchidu , agt: físchiru Definition chi si ndhe sentit luego de una cosa, de un'ofesa, de una brulla, chi si dha pigat, chi si che artzat deretu, chi no padit perunu ifadu, arrespondhet cun tzacu po dónnia cosighedha Synonyms e antonyms cdh. futaritzu / aumbraditu / primmósigu / ttrs. ipuntósigu | ctr. pascenscile Idioms csn: f. a is chirighitas = chi timet su chirighiri; èssiri f. in dogna cosa = malu a cuntentare; f. che damigiana iscannia = chi no faghet a li nàrrere nudha, chi no agguantat brulla peruna Sentences su cuadhu est físchidu a s'isproni ◊ est ómini físchidu, guai a dhi narri s'annomíngiu ca s'inchietat ◊ sa picioca fut aici físchida chi bastàt un'ogu de soli po dha fai intèndiri mali ◊ cussas duas funt tropu físchiras, faint tocaras e segaras! 2. fit lassendhe su cuile in fogu e braja e bochindhe cun físchidu furore su serenu montarzu (S.Lay Deidda)◊ est in debbadas chi ponzemus canes físchidos a ispàrghere pauria ◊ movídebbos che físchidu uraganu! Etymon spn. físico Translations French sensible, irascible, furieux English sensible, irascible, furious Spanish sensible, irascible Italian sensìbile, irascìbile, rabbióso German empfindlich, reizbar, zornig.

fischinída filchinída

físchiru físchidu

físcia , nf Definition dogna físcia = sèmpere.

fisciài , vrb: afissare, fissai, fissare Definition pònnere firmu, chi abbarret firmu; abbaidare a firmu, cun ogos firmos, a sa sighia a sa matessi cosa; decídere o istabbilire calecuna cosa (es. die, mese, una paga o àteru) Synonyms e antonyms firmai Sentences sa presa de sa currente cheret fissada a su muru 2. sos ojos mios, che làmpanas atzesas, fissaiant sena mòvere rista sa gianna de sos ballos ◊ a bortas sa maladia de s'ogu naschiat candho una pressona fissàt unu mortu ora meda 3. a it'ora at fissau sa riunioni su síndigu? ◊ a duchentos francos s'una su preju 'e sa pischedha est fissau (D.Ziranu) Etymon spn. fijar Translations French fixer English to fix Spanish fijar, establecer Italian fissare German befestigen, fixieren, starren, fixieren, festlegen.

físcibi fíbixi

fisciósu , agt: fissiosu, fitziosu, visciosu* Definition chi est totu prenu de malos vítzios Synonyms e antonyms afissiau, figiriósu, visciósigu | ctr. benacostumadu, birtudosu Sentences faghes vida fisciosa, tota die in su tzilleri! ◊ est una fémina fissiosa e isalimentada ◊ cussa est fitziosa, papat isceti mela arrúbia!