A | B | C | D | E | F | G | H | I | J | L | M | N | O | P | R | S | T | TZ | U | V | X | Z
Abbreviations Legenda | Symbols Legend

fiocàda , nf: frocada Definition su frocare, passada de nie Synonyms e antonyms niada 1, niadura Sentences in piús de otant'annos, nonnu no ndhe aiat bidu mai fiocadas gai mannas e sighidas Scientific Terminology tpm Etymon srd. Translations French chute de neige English snowfall Spanish nevada Italian nevicata German Schneefall.

fiocàdu , pps, agt: frocau Definition de fiocare; chi est carragiau o ammuntau de nie; chi est totu frocos, cun frocos postos po bellesa Synonyms e antonyms niadu Sentences istanote at frocadu 2. tota chida mi l'apo passada assidendhe sa robba, ca fit semper fiocadu ◊ su logu est ancora frocadu in montes ◊ su manzanu fit torra bene fiocadu, totu cobertu de nie 3. si calchi bolta a festa la giughides, chi giutat bene fata giua e coa, cun d-una bella sedha fiocada! (B.Serra) Translations French enneigé English snow-clad Spanish nevado Italian nevicato, innevato German geschneit.

fiocàre , vrb: frocai, frocare Definition betare o fàere nie a frocos: cun s'aus. èssere po inditare s'atzione in su fàere o a sa sighia, ma cun àere si est passada o depet bènnere Synonyms e antonyms farighedhai, frochedhai, niae, solai, tadhainare Sentences est tota die frochendhe ◊ deris at frocadu e at a frocare cras puru ◊ istanote fit frochendhe fintzas a s'impudhiles ◊ abbisumeu frocat! ◊ aviat fiocau dies prima e fit unu fritu a mòrrere ◊ za at a frocare puru, za, cun custu fritu! ◊ segundhu comente l'afilat a frocare ponet nie meda ◊ chi cras frocat, Elias si crocat, chi cras proet Elias si coet! Etymon srd. Translations French neiger English to snow Spanish nevar Italian nevicare German schneien.

fiòcaru , nm: fiòcoro Definition cimacioci, genia de erba chi faet fògias mannas, ladas, tzudhosas, asprosas, fioredhu grogo: sa chima modhe, marigosedha, ispigiolada est bona a papare Synonyms e antonyms ciòcere culurassu, entiòcoro, soci, tziòcoro* Scientific Terminology rbz, Helminthotheca echioides.

fiochèdha , nf Definition lanighedha fine, modhe, mescamente de angiones, ma fintzes sa lana de iscartu.

fiochédhu , nm: flocedhu, forcedhu, frocedhu, frochedhu Definition frocu de lana; orrugu de orrobba acapiau cun su càgiu aintru po cagiare su late Synonyms e antonyms cherrione, cirru, ciufu, pubusa, pubusone Scientific Terminology ts Translations French flocon English flock Spanish copo, vedija (f) Italian biòccolo German Wollflocke.

fiochédhu 1 , nm: frochixedhu Definition min. de fiocu, frocu piticu.

fiócu , nm: flocu, frocu Definition prus che àteru tirighedha de orrobba chi si ponet po bellesa; pubusadedha o màtula de lana, de pilu, e fintzes de erba o pàgia, fintzes de nie; nau in cobertantza, chistione chi si cricat prus che àteru bogandho iscusas / min. fiochedhu 1, flochitu, frochedhu (custu si narat fintzes de su càgiu imbodhigau in istràciu po cagiare su late), frochixedhu Synonyms e antonyms chirriolu, filliocu, tira / cherrione / arraghèscia, iscóticu, istibbu 1, mendhea Idioms csn: bogai frocus = bogare mendheas, bogai arreghèscias; bòmberenche su frocu de s'ànima = catzàrendhe sos ogros, bombitare meda 2. est andhau a sa fentana po bíere chi dhue aiat gente ma si bidiant ebbia frocos de nie calandho de su chelu Scientific Terminology ts Etymon ltn. floccus Translations French nœud, flocon English lock Spanish borla (f), moño Italian fiòcco, biòccolo, batùffolo German Schleife, Flocke, Bausch.

fiòdha , nf: friodha Definition buscichedha o bubburuca chi si faet in sa pedhe prena de abbadúgia Synonyms e antonyms bobbollonca, bollonca, bubbulica, buciuca, bulluca, ilfiodha, isciota Translations French cloque, bulle, ampoule English blister Spanish ampolla Italian bólla acquaiòla German Blase.

fiòla , nf: viola* Definition genia de frore Synonyms e antonyms fioleta Scientific Terminology frs, Viola hirta.

fiolàdu , pps, agt Definition de fiolare; si narat de sa pasta chi dhue ant ammesturau ógiu de procu o butiru po fàere druches, po essire modhe de si fàere a farinedhos papandho.

fiolàre , vrb: biolare, violare Definition trebballare sa pasta ammesturandhodhoe ógiu o butiru.

fiolèra , nf: friolera, violera Definition cosighedha de pagu contu, de perunu importu, idea istrambeca, fatura pagu giusta / in sas fioleras = in gioventude (candho sa conca est pigada de sa divertera) Synonyms e antonyms biolera, bugeria, fiolesa, frascheria, gnagneria, minudàntzia / cdh. fiulera Sentences ti fato passare sas frioleras! 2. a betzos puru podimus cantare carchi cosa che candho fimus in sas fioleras 3. che aiat coladu tempus meda chena peruna fiolera e chena bi àere unu mortu istenegadu Etymon ctl., spn. friolera Translations French bagatelle, futilité English trifle Spanish frivolidad, bagatela Italian frivolézza, bagattèlla German Geringfügigkeit, Nichtigkeit, Bagatelle, Kleinigkeit, Lappalie.

fiolèsa , nf Definition cositedha de pagu contu Synonyms e antonyms fiolera.

fiolèta , nf: violeta Synonyms e antonyms fiola.

fiólu , nm: violu* Definition genia de idea mala a iscutulare, firma a tropu in su pentzamentu Synonyms e antonyms abeju, berinizu, grima, pelei.

fioràdu , agt Definition chi est fatu a figuras, disegnos de frores Synonyms e antonyms florigiau Sentences su costúmene de giaja est totu fioradu in seda ◊ su pane est totu fioradu ◊ amus postu unu piatu fioradu Etymon srd.

fioralísu , nm Definition una genia de panegucu Sentences naschit su romaninu, su narcisu, su càndhidu fioralisu.

fioràmine , nm Definition frores medas, unu tanti de frores Synonyms e antonyms fioraza Etymon srd.

fioràssiu , nm: froràssiu Definition una genia de launedha; unu de is ballos sardos Scientific Terminology sjl.